ერთიანი ნაციონალური მოძრაობა – ნაცმოძრაობა, ენმ – არის პოლიტიკური პარტია საქართველოში. იყო მმართველი პარტია 2004–2012 წლებში. პარტიის ლიდერი და თავმჯდომარე 2015 წლამდე იყო საქართველოს მესამე პრეზიდენტი მიხეილ სააკაშვილი. ერთიანი ნაციონალური მოძრაობა 2003 წელს იყო ვარდების რევოლუციის ერთ–ერთი ორგანიზატორი. ვარდების რევოლუციის შედეგად დასრულდა ედუარდ შევარდნაძის მმართველობა და ქვეყნის სათავეში მოვიდა სხვა პარტიებთან ერთად ბლოკში გაერთიანებული პარტია ერთიანი ნაციონალური მოძრაობა. პარტიის უმაღლესი ხელმძღვანელი ორგანოა ყრილობა. ორგანიაციის მუშაობას წარმართავს გენერალური მდივანი. პარტიას აქვს პოლიტიკური საბჭო. ერთიანი ნაციონალური მოძრაობა მემარჯვენე–ცენტრისტული მიმართულების პარტიაა. პარტია 2012 წელს დამარცხდა საპარლამენტო არჩევნებში, ხოლო გაიმარჯვა კოალიციამ ქართული ოცნება, რომელსაც ბიძინა ივანიშვილი ხელმღვანელობდა.
გაეცანით ახალ ამბებს ერთიანი ნაციონალური მოძრაობის საქმიანობის შესახებ Sputnik–საქართველოს მეშვეობით.
