სლოვაკეთი, სლოვაკეთის რესპუბლიკა - სახელმწიფო ცენტრალურ ევროპაში. დედაქალაქია ბრატისლავა. სლოვაკეთს არა აქვს ზღვაზე გასასვლელი. ესაზღვრება ჩეხეთს, პოლონეთს, უკრაინას, უნგრეთსა და ავსტრიას. სლოვაკეთი არის გაეროს, ევროკავშირის, შენგენის ზონის, ვაჭრობის მსოფლიო ორგანიზაციის, ნატოს და სხვა ორგანიზაციების წევრი. სლოვაკეთი ნატოს შემადგენლობაში შევიდა 2004 წელს და ასევე 2004 წელს შევიდა ევროკავშირის შემადგენლობაში, ხოლო ევროზონაში - 2009 წელს. პირველი მსოფლიო ომისა და ავსტრია-უნგრეთის იმპერიის დაშლის შემდეგ სლოვაკებმა და ჩეხებმა შექმნეს ერთობლივი სახელმწიფო - ჩეხოსლოვაკია. 1993 წელს ჩეხოსლოვაკია მშვიდოანად დაიშალა ორ სახელმწიფოდ - ჩეხეთად და სლოვაკეთად. სლოვაკეთი არის დემოკრატიული რესპუბლიკა. სახელმწიფოს მეთაურია პრეზიდენტი, მთავრობის მეთაურია პრემიერ-მინისტრი, საკანონმდებლო ორგანოა ერთპალატიანი პარლამენტი. ადმინისტრაციულად დაყოფილია რვა მხარედ.
გაეცანით სიახლეებს სლოვაკეთის შესახებ Sputnik–საქართველოს მეშვეობით.
