ავსტრალია Australia, ავტრალიის კავშირი – სახელმწიფო ავსტრალიის კონტინენტზე. ქვეყნის დედაქალაქია კანბერა. მოიცავს მატერიკს და ასევე კუნძულ ტასმანიასა და სხვა მცირე კუნძულებს. ავსტრალია არის ფედერალური სახელმწიფო, რომელიც შედის დიდი ბრიტანეთის თანამეგობრობაში. სახმელეთო მეზობელი არ ჰყავს, ზღვით ესაზღვრება ინდონეზია, აღმოსავლეთი ტიმორი და პაპუა–ახალი გვინეა, სოლომონის, კუნძულები, ვანუატუ, ახალი კალედონია, ახალი ზელანდია. ავსტრალია სტაბილური ლიბერალური დემოკრატიული პოლიტიკური სისტემის მქონე სახელმწიფოა. ქვეყნის მეთაურია ბრიტანეთის მონარქი, რომელიც ავსტრალიაში გენერალ–გუბერნატორის სახით არის წარმოდგენილი. ავსტრალიაში არის ექვსი შტატი: ახალი სამხრეთი უელსი, კუინზლენდი, სამხრეთი ავსტრალია, ტასმანია, ვიქტორია და დასავლეთი ავსტრალია. დიდი ქალაქებია: სიდნეი, მელბურნი, ადელაიდა, პერთი, ნიუ–კასლი, სანშაინ კოუსტი და სხვა. ავსტრალია არის საერთაშორისო ორგანიზაციების წევრი, მათ შორის" გაეროს, დიდი ოცეულის, ერთა თანამეგობრობის, ეკონომიკური თანამშრომლობისა და განვითარების ორგანიზაციის, ვაჭრობის მსოფლიო ორგანიზაციის და სხვა.
გაეცანით სიახლეებს ავსტრალიის შესახებ Sputnik-საქართველოს მეშვეობით.
