დსთ - დამოუკიდებელ სახელმწიფოთა თანამეგობრობა საერთაშორისო ორგანიზაცია, რომელიც შედგება ყოფილი საბჭოთა ცხრა რესპუბლიკისგან. ესენია: აზერბაიჯანი, ბელარუსი, თურქმენეთი, მოლდოვა, სომხეთი, რუსეთი, ტაჯიკეთი, უზბეკეთი, ყაზახეთი და ყირგიზეთი. თურქმენეთი სრულუფლებიანი წევრი აღარ არის 2005 წლიდან, ამჟამად არის ასოცირებული წევრი. დსთ-ის შექმნა საბჭოთა კავშირის დაშლასთან ერთად მოხდა. თანამეგობრობის ჩამოყალიბებიდან დღემდე წევრმა ქვეყნებმა ხელი მოაწერეს მრავალ საერთო შეთანხმებას ეკონომიკის, თავდაცვისა თუ საგარეო პოლიტიკის საკითხებზე. საქართველო დსთ-ში ედუარდ შევარდნაძის ხელმძღვანელობის დროს, 1993 წელს შევიდა, ხოლო 2009 წელს, 2008 წლის აგვისტოს შეიარაღებული დაპირისპირების შემდეგ, ოფიციალურად დატოვა თანამეგობრობა. სამხრეთ კავკასიის ქვეყნებიდან საქართველო ერთადერთი ქვეყანაა, რომელიც დამოუკიდებელ სახელმწიფოთა თანამეგობრობის წევრი არ არის.
გაიგეთ სიახლეები დსთ-ის ქვეყნებისა და საქმიანობის შესახებ Sputnik-საქართველოს მეშვეობით.
