https://sputnik-georgia.com/20221013/ras-amboben-geniosebi-siyvarulze-271301676.html

„სენი, რომელიც არც ბრძენს ინდობს და არც იდიოტს" - რას ამბობენ გენიოსები სიყვარულზე

„სენი, რომელიც არც ბრძენს ინდობს და არც იდიოტს" - რას ამბობენ გენიოსები სიყვარულზე

Sputnik საქართველო

ნუ დაელოდები, რომ ბედნიერება მამაკაცთან ერთად მოვა. რამდენი ქალი უშვებს ამ შეცდომას! ბედნიერება თვითონ შენშია, უბრალოდ უნდა დაელოდო მას... 13.10.2022-ს, Sputnik საქართველო

2022-10-13T14:18+0400

2022-10-13T14:18+0400

2022-10-19T10:28+0400

ბრძნული გამონათქვამები

საინტერესო ადამიანები

წასაკითხი ამბები

https://cdnn1.img.sputnik-georgia.com/img/24355/66/243556690_0:75:1920:1155_1920x0_80_0_0_8132654525cc156fe78ddd3cb7896e81.jpg

„აზრების ფოიერვერკი" გთავაზობთ დიდი ადამიანების მოსაზრებებს სიყვარულზე, ქალზე, მამაკაცზე, ქორწინებაზე...ჯორჯ ბერნარდ შოუქორწინება მასონთა საზოგადოებას წააგავს. მან, ვინც ჯერ არ გაწევრიანებულა, არაფერი იცის მის შესახებ, ხოლო ვინც მოასწრო, იძულებულია სამუდამოდ დადუმდეს.თუ იწყებთ საკუთარი თავის მსხვერპლად შეწირვით მათთვის, ვინც გიყვართ, მაშინ დაამთავრებთ მათი სიძულვილით, ვისაც თავი მსხვერპლად შესწირეთ.იდეალური ქმარი — ეს არის მამაკაცი, რომელიც მიიჩნევს, რომ იდეალური ცოლი ჰყავს.კანონიერი, ნაკურთხი მრუშობა და წუთებად აკინძული ცხოვრება>>გიყვარდეთ მამაკაცები. მათ ძალიან სჭირდებათ თქვენი სიყვარული, თუნდაც არასდროს აღიარონ ეს. ყოველი დიდი მამაკაცის უკან ყოველთვის დგას ქალი, რომელსაც მისი სჯეროდა. და ნამდვილად უყვარდა.ალბერ კამიუდაქორწინდებიან, ცოტა კიდევ უყვართ ერთმანეთი, შრომობენ, იმდენს შრომობენ, რომ სიყვარული ავიწყდებათ.სიყვარულის ჭრილობები, ტყვიისგან მიყენებული ჭრილობებისგან განსხვავებით, არავის კლავს, მაგრამ არც არასდროს ხორცდება.ზოგი სიყვარულისთვის შეიქმნა, ზოგი — ცხოვრებისთვის.ნუ დაელოდები, რომ ბედნიერება მამაკაცთან ერთად მოვა. რამდენი ქალი უშვებს ამ შეცდომას! ბედნიერება თვითონ შენშია, უბრალოდ უნდა დაელოდო მას.ჯერ სიყვარული უნდა მოვიდეს და მერე მორალი. პირიქით თუ მოხდა — ტანჯვაა.სიყვარული ისეთი ავადმყოფობაა, რომ არც ბრძენს ინდობს და არც იდიოტს.ბევრს იცნობთ „მოსიყვარულე" მამაკაცს, რომელიც უარს იტყოდა ლამაზ და ადვილად ხელმისაწვდომ ქალზე? და თუ ვინმე უარს იტყვის, ეს ნიშნავს, რომ მას ტემპერამენტი აკლია.სიყვარულიც ომია, ოღონდ იქ მხოლოდ ის იმარჯვებს, ვინც მარცხდება>>ის, ვინც არაფერს გასცემს, არც არაფერი აქვს. ყველაზე დიდი უბედურება ის კი არ არის, რომ არ უყვარხარ, არამედ ის, რომ შენ თვითონ არ გიყვარს.ასეა მოწყობილი ადამიანი, ეს ორსახოვანი არსება: მას არ შეუძლია არავის სიყვარული, თუ ამავე დროს საკუთარი თავი არ ეყვარება.უილიამ სომერსეტ მოემიმამაკაცები ჩვევების მონები არიან, ეს ქალებს მათ შენარჩუნებაში ეხმარება.სიყვარული ყოველთვის ბრმა არ არის და, შესაძლოა, არაფერია იმაზე მტანჯველი, რომ მთელი გულით გიყვარდეს ადამიანი და აცნობიერებდე, რომ ის სიყვარულის ღირსი არ არის.ვინ იცის, რამდენი ნაპერწკალი გამოედინება მამაკაციდან ქალისკენ და ქალისგან მამაკაცისკენ და ერთ-ერთ მათგანს მონად აქცევს. ადამიანებისთვის მოსახერხებელია, ამას სქესობრივი ინსტინქტი უწოდონ, თუმცა, თუ ეს მხოლოდ ინსტინქტია, რატომ ბადებს ის ასეთ ბობოქარ ლტოლვას ერთი არსების მიმართ და არა მეორისადმი? და ეს ლტოლვა უძლეველია: გონებას არ შეუძლია მისი ძლევა, მეგობრობა, მადლიერება, გათვლა მასთან ყოველგვარ ძალაუფლებას კარგავს.არაფერია იმაზე უარესი წამება, ვიდრე ერთდროულად გიყვარდეს და გეზიზღებოდეს.სიყვარულის ტრაგედია გულგრილობაა.სიყვარული – ეს არის ტკივილიცა და ტანჯვაც, აღფრთოვანებაც, სამოთხეცა და ჯოჯოხეთიც… გამოუთქმელი სევდაც, თავისუფლებაცა და მონობაც, სიმშვიდეცა და განგაშიც. თუ სიყვარული ვნება არ არის, მაშინ ეს სიყვარული არაა, არამედ რაღაც სხვა; ხოლო ვნებას, რომ არ ჩაქრეს, არა დაკმაყოფილება, არამედ ბარიერები სჭირდება.სიყვარული - არა რაოდენობა, არამედ ხარისხი, რომელიც არ იზომება>>კარლ კრაუსიარ ენდო ქალს, რომელიც ერთგულებაში ამხილე. დღეს შენი ერთგულია, ხვალ — სხვისი.ქალი მათემატიკური განტოლებაა, მამაკაცი — პასუხი… რომლისგანაც ფესვი ამოიღეს.„ქალების უფლებები" — ეს მამაკაცის ვალდებულებებია.ცუდად დათრგუნულმა სექსუალობამ არაერთი საოჯახო ბიუჯეტი დაანგრია, ხოლო კარგად დათრგუნულმა — მსოფლიო წესრიგი.იანუშ ლეონ ვიშნევსკიქალს, მამაკაცთან რომ დაწვეს, სჭირდება სიახლოვის, ნდობისა და კავშირის სიმტკიცის შეგრძნება. მამაკაცს — ძირითადად, ადგილი…შევთანხმდით, რომ მამაკაცებში უმთავრესად გონება გვიტაცებს, რადგან მხოლოდ ჭკვიანი მამაკაცი შეიძლება იყოს საინტერესო, მაშინაც კი, როცა ის გასუქდება და გამელოტდება. ყველაზე უარესია, როცა მისი პრესი უფრო რელიეფურია, ვიდრე ტვინი.ვის სჭირდება ეს ბანალური „მიყვარხარ", თუ მამაკაცი შენზე ადრე დგება, გიმზადებს საუზმეს და თეფშზე მარწყვისგან მომზადებულ გულს გიდებს? ვის და რისთვის?ქალები წუწუნებენ, რომ მამაკაცებს მხოლოდ ერთი რამ უტრიალებთ გონებაში, მაგრამ როდესაც მამაკაცები ამაზე აღარ ფიქრობენ, ქალები შეურაცხყოფილად გრძნობენ თავს.ქალის არჩევანი: მამაკაცი, რომელიც ქალებს უყვართ, თუ მამაკაცი, რომელიც ქალებს არ უყვართ>>ხშირად ხდება, რომ ქალი მამაკაცს უმალავს გრძნობას, რომელიც მის მიმართ აქვს, მაშინ, როცა მამაკაცი გამოხატავს იმ გრძნობას, რომელიც არ გააჩნია.ყველაფერ მარადიულს შორის ყველაზე ხანმოკლე სიყვარულია.გოდერძი ჩოხელი- … გულახდილად მითხარით, გიყვართ ვინმე?- არა, მე გათხოვილი ვარ!სიყვარული ისეთი ბუნებისაა, დამტკიცებას არ საჭიროებს, იგი თვითონ მტკიცდება იქ, სადაც ფეხს დაადგამს!- როგორ ფიქრობ, რა არის სიყვარული?- რავი აბაა! მე მგონი მარადიული მონატრებაა…მიგელ დე უნამუნომიყვარს, მაშასადამე ვარსებობ! ეს სიყვარული მადლიან წვიმას ჰგავს… სიყვარულის წყალობითაა, რომ ვეხები და შევიგრძნობ ჩემ სულს. სული პირდაპირ შუაგულში ამტკივდება ხოლმე, ეს ხომ სიყვარულის წყალობითაა… და განა თვით სული სიყვარული არ არის, განსახიერებული ტანჯვა არ არის? მიდიან და მიდიან დღეები, სიყვარული კი რჩება.ცოლის შერთვა სულ არ არის ძნელი, ძნელი ცოლიანობაა.ჯემალ ქარჩხაძესაერთოდ არაა ცნობილი, თუ სად, როდის და რატომ იბადება სიყვარული, რადგან კაცობრიობის ისტორიაში ჯერ არ გამოჩენილა ის ადამიანი, ვინც წარმატებულად დაშლის სიყვარულს შემადგენელ ნაწილებად და მის მექანიზმში გაერკვევა.ნუ გექნება ქალის სისულელის იმედი – სიყვარულში ყველა ქალი ჭკვიანია>>შეიძლება ადრე მიყვარდა, მაგრამ ახლა მეცოდებოდა, და რაკი მეცოდებოდა, მაშასადამე არ მიყვარდა. შეუძლებელია ქალი გიყვარდეს და თან გეცოდებოდეს. რადგანაც სიყვარული, ალბათ, მუხლმოყრილი ლოცვაა, სიბრალული კი საკუთარი უპირატესობის შეგნება. ხოლო თუ ვინმეზე მუხლმოყრილი ლოცულობ, იქ უპირატესობის გრძნობა გამორიცხულია.სამყაროს დასაბამიდან მამაკაცი ქმნის ყოველივეს. ავსაც და კარგსაც, შხამსაც და მალამოსაც, სიკვდილსაც და სიცოცხლესაც. ქალი კი ბიძგია. ხან ბიძგია, ხან შთაგონება, ხან საყრდენი.ოთარ ჭილაძეცოლი კი სხვაა, ცოლს კაცი ირჩევს და ამ არჩევანში გამოჩნდება ხოლმე კაცის გემოვნებაცა და ღირსებაც. მაგრამ, რაც არ უნდა გემოვნებიანი და ღირსეული იყოს კაცი, მაინც შეიძლება შეეშალოს არჩევანი. ეს უკვე ბედის საქმეა, ბედის კი არა — უბედობის.ცოლის მაგიერი შეიძლება იშოვოს კაცმა, დედისა კი ვერა. დედის დათმობაც არ შეიძლება, რადგან არ მოიპოვება, არც აირჩევა, არც გაიყოფა, შენიც იმდენია, რამდენიც შენი ძმისა, ორნი კი არა, შეიძლება ათნი იყოთ, დედა კი ერთია და ათივესთვის ერთნაირი.სიყვარულიც თავისებური ომია, განსაკუთრებული სახეობაა ომისა და დაპირისპირებისა, ოღონდ, ნებისმიერი ომისა და დაპირისპირებისგან განსხვავებით, იქ მხოლოდ ის იმარჯვებს, ვინც მარცხდება, ანუ, ვისაც დათმობის, გაგების, მიტევების უნარი მეტი აღმოაჩნდება. ამიტომაც არის ყველასთვის და ყოველთვის გაუგებარი. მაგრამ ამავე დროს მიმზიდველიცაა და ძლიერიც, სწორედ იმიტომ, სრულებითაც რომ არ ცდილობ, გასაგები გახდეს ვინმესთვის…კონსტანტინე გამსახურდიასიყვარული სხვა არაფერია თუ არა — ვერშეწვდომა.ზოგჯერ ქალი შესაძლოა წამალი იქნეს, ზოგჯერ კიდევ საწამლავიცა.სიყვარული – მოგზაურობა რუკისა და კომპასის გარეშე>>ლევან გოთუაქალისთვის სილამაზე ბედნიერი, მაგრამ სახიფათო სამკაულია!ქალი ხომ ბედნიერებას მამაკაცზე უფრო გრძნობს, ხოლო უბედურებას მამაკაცზე უფრო იტანს.განწირული სიყვარული ყოველთვის უფრო მძაფრია და მოუზომელი.გაბრიელ გარსია მარკესითუ გიყვარს – გაუშვი. თუ შენია – დაბრუნდება.როგორ ცდებიან ადამიანები, როცა ფიქრობენ, რომ სიბერეში აღარ უყვართ. პირიქით, იმიტომ ბერდებიან, რომ აღარ უყვართ.თუ რამეში ქალია ჩართული, ვიცი, ყველაფერი კარგად იქნება. ჩემთვის სრულებით ნათელია, რომ სამყაროს ქალები მართავენ.სულის სიყვარული – ქამრიდან და ზევით. სხეულის სიყვარული – ქამრიდან და ქვევით…ნაირა გელაშვილითუ გინდა ქალი დაკარგო (ადრე თუ გვიან), უნდა ფიზიკურად დაუახლოვდე. სულ ერთია, ცოლია თუ ისე… ცოლქმრობა ხომ ამის უტყუარი გარანტიაა. სხვაგან არა, როგორც ვხედავ, მაგრამ ჩვენში რატომღაც ასე ხდება. რატომ, არ ვიცი…

https://sputnik-georgia.com/20220930/gabriel-jos-de-la-concordia-garca-marquez-gabriel-garsia-markesi-270906883.html

https://sputnik-georgia.com/20171214/Tu-adamians-suls-ver-andob-arc-sxeuli-ando-238523255.html

https://sputnik-georgia.com/20220414/otia-ioselianis-gamonatqvamebi-265974754.html

https://sputnik-georgia.com/20211028/nikos-kazanzakisi-261569311.html

https://sputnik-georgia.com/20211202/andre-morua-andr-maurois-brznuli-azrebi-262542527.html

https://sputnik-georgia.com/20190926/Oscar-Wilde-oskar-uaildi-246596726.html

2022

ახალი ამბები

ka_KA

ბრძნული გამონათქვამები, საინტერესო ადამიანები , წასაკითხი ამბები