თუ ადამიანს სულს ვერ ანდობ, არც სხეული ანდო...

„სიბრძნის სიმფონია" დღეს წარმოგიდგენთ ცნობილ ფსიქოლოგს, ფსიქოთერაპევტს, წიგნებისა და რიგი სამეცნიერო სტატიების ავტორს, მიხაილ ლიტვაკს (1938); აქვს ევროპის ფსიქოთერაპევტთა ასოციაციის სერტიფიკატი. არის მედიცინის მეცნიერებათა კანდიდატი.

მისი წიგნები პრაქტიკული და პოპულარული ფსიქოლოგიის შესახებ ძალზე პოპულარულია, თარგმნილია სხვადასხვა ენაზე. მათი საერთო ტირაჟი 2013 წლისთვის 5 მილიონზე მეტ ეგზემპლარს შეადგენდა.

• ცოდვაა, სიყვარულის გარეშე დანებდე და ცოდვაა, არ დანებდე, თუ გიყვარს

• თუ ადამიანმა უმადურობა გისაყვედურა, გამოარკვიე, რა ღირს მისი მომსახურება, გაასწორე ანგარიში და მასთან საქმე აღარ იქონიო

• თუ ადამიანს სულს ვერ ანდობ, არც სხეული ანდო…

• მეგობრებთან ურთიერთობა სასიამოვნოა, მტრებთან — სასარგებლო

• უსაქმურს იმედი აქვს, საქმიანი — მოქმედებს

• ადამიანთან ურთიერთობისას გახსოვდეს, რომ მას საკუთარ თავზე კარგი წარმოდგენა აქვს

• სჯობს, კარგ წიგნთან გქონდეს ურთიერთობა, ვიდრე ცარიელ ადამიანთან

• თუ გინდა გაიგო, როგორი დამოკიდებულება აქვთ ადამიანებს შენთან, მოუყევი მათ საკუთარი გეგმებისა და ოცნებების შესახებ. ვისაც ფარულად სძულხარ, გაგაკრიტიკებს, ვისაც შენთვის კარგი უნდა — დაგეხმარება

• პარტნიორის პასუხი ჩვენს კითხვაშია დაპროგრამებული. თუ პასუხი არ გვაწყობს, ეს ნიშნავს, რომ საჭირო კითხვა არ დავსვით

• ბევრს ჭორაობენ არაგულწრფელი და უიღბლო ადამიანები. ცოტას ჭორაობს ყველა

• ურთიერთობებში რთული ადამიანი პრიმიტიულად არის მოწყობილი, მარტივი — რთულად. პრიმიტიულს უნდა შეეწყო, რთული — თვითონ შეგეწყობა

• ურთიერთობების გაწყვეტისა და სამსახურიდან გათავისუფლების ერთადერთი საპატიო მიზეზი არსებობს — როცა არსებულ პირობებში შეუძლებელია პიროვნული ზრდა

• როდესაც ქორწინდები, დაიმახსოვრე, რომ სრული ბედნიერება შესაძლებელია, თუ ფიზიკური, ფსიქოლოგიური და საქმიანი თვისებები ერთმანეთს შეავსებს, ხოლო მსოფლმხედველობა, პრინციპები და გრძნობა — ერთმანეთს დაემთხვევა

• ჭკუა ყველაფერს ცვლის! დაუმატე ჭკუა სიჯიუტეს — მიიღებ შეუპოვრობას. დაუმატე ჭკუა სიგიჟეს — მიიღებ სიმამაცეს. დაუმატე ჭკუა სიძუნწეს — მიიღებ ყაირათიანობას. დაუმატე ჭკუა მფლანგველობას — მიიღებ გულუხვობას. დაუმატე ჭკუა ლტოლვას — მიიღებ სიყვარულს

• სულიერად ღარიბი ადამიანი ცუდად იტანს მარტოობას და ადამიანებთან იმიტომ ურთიერთობს, რომ მიიღოს. სულიერად მოწიფული ადამიანი კარგად იტანს მარტოობას და ადამიანებთან იმიტომ ურთიერთობს, რომ გასცეს

• სიყვარულის უნარი და მარტოობის კარგად გადატანა — სულიერი სიმწიფის მაჩვენებელია. ყველაფერ საუკეთესოს მაშინ ვაკეთებთ, როცა მარტო ვიმყოფებით.

• ჯერ მამაკაცი ან ქალი უნდა გახდე და ოჯახი ამის შემდეგ შექმნა. ოჯახის შექმნის უფლება აქვს მხოლოდ ფიზიკურად ჯანმრთელ, სულიერად განვითარებულ და მატერიალურად შემდგარ ადამიანს

• ნუ ეძებ ბედნიერებას, არამედ მოძებნე ის ადგილი, სადაც ის არის და ბედნიერება თავად გიპოვის. შემიძლია გიკარნახო, სად არის შენი ბედნიერება — ეს თვითონ ხარ. მისკენ გზა კი — საკუთარი შესაძლებლობების მაქსიმალურად განვითარებაა

• სოკოს კი ნუ ეძებ, არამედ ტყე მოძებნე, სადაც სოკო იზრდება. იქ სოკოს იოლად იპოვი

• თუ ადამიანს საკუთარ თავზე არაფერი კარგის თქმა არ შეუძლია, მაგრამ თქმა უნდა, ის სხვებზე ცუდად ლაპარაკს იწყებს

• როდესაც ტომარა იხევა, იქიდან მხოლოდ ის იყრება, რაც მასშია. თუ განრისხებულმა ადამიანმა გაწყენინა, ეს შემთხვევით არ მომხდარა…

• რაც უფრო ნაკლებად ენდობი, მით უფრო დახვეწილად მოგატყუებენ

• იცოდე შენი ადგილი და ყოველთვის პირველი იქნები

• თუ ადამიანი შეურაცხყოფაზე ბრაზდება, როგორც ჩანს, შეურაცხყოფისას წარმოთქმული მახასიათებლების მატარებელია. ცნობილი აფორიზმი ამგვარად გადავაკეთე: „მითხარი, რაზე ბრაზდები და გეტყვი, ვინ ხარ". როდესაც ადამიანი შეურაცხყოფას მაყენებს, ის ხომ ამ დროს თავის თავს ახასიათებს. წარმოაჩენს თავის თავს. ასევე წარმოაჩენთ თავს თქვენც. მაგალითად, ვინმე მეუბნება: „სულელი, არამზადა!" მე ვპასუხობ: „სასიამოვნოა თქვენი გაცნობა, მე მიხაილ ლიტვაკი ვარ". მაგრამ თუ ადამიანი მართლა ასეთია, ეს, რა თქმა უნდა, ძალზე საწყენი იქნება.

• სკანდალი — სექსის ანალოგია. როგორც წესი, ყვირიან სექსუალურად დაუკმაყოფილებელი ადამიანები; ხოლო ყვირილზე ყვირილით ასეთივენი პასუხობენ. სექსუალურად დაკმაყოფილებულ ადამიანს ფიზიკური ძალა ან ფსიქოლოგიური ენერგია ყვირილისთვის, უბრალოდ, არ ეყოფა

• თუ გიმძიმს, ესე იგი, სწორად არ ცხოვრობ

• თუ მლანძღავენ, ესე იგი, მნიშვნელოვანი ფიგურა ვარ, ესე იგი, შემიძლია გავაკეთო ის, რაც ჯერ არ გამიკეთებია. მოუსმინე, რატომ გლანძღავენ და გაიგებ, რა იმედებს ამყარებენ ადამიანები შენზე

• როდესაც შურს იძიებ, ფაქტობრივად, ერთადერთ და განუმეორებელ სიცოცხლეს სხვას და თან — მტერს ახარჯავ. წააგებ, თუნდაც მოიგო!

• კარგი რამის გამოცდა ღირს, თუნდაც იცოდე, რომ ამას გაგრძელება არ ექნება

• მარტოობა ადამიანისთვის იგივეა, როფორც წყალი ვეშაპისთვის, ხოლო ურთიერთობა — როგორც ჟანგბადი. და თუ მარტოობისგან გათავისუფლება შეუძლებელია, ის უნდა გამოიყენო

• გინდა, გაიცნო შენი მთავარი მტერი? ჩაიხედე სარკეში! გაუმკლავდი მას და ყველა დანარჩენი გაქრება

• ნუ გეშინია შეცდომის — წარუმატებლობა წარმატებაზე შვიდჯერ სასარგებლოა

• ამბობენ, იმედი ბოლოს კვდებაო. მე მას პირველს მოვკლავდი. მკვდარია იმედი და — გაქრა შიში, მკვდარია იმედი და — ადამიანი ქმედითი გახდა, მკვდარია იმედი და — გაჩნდა დამოუკიდებლობა

• თავის მოღალატეს ყველა თავად ზრდის

• შთაბეჭდილება კი არ უნდა მოახდინო, არამედ საკუთარი თავი უნდა გამოხატო