https://sputnik-georgia.com/20220915/axali-saswavlo-weli-daiwyo-270442321.html
სკოლებში ახალი სასწავლო წელი დაიწყო
სკოლებში ახალი სასწავლო წელი დაიწყო
Sputnik საქართველო
ახალი სასწავლო წლიდან საქართველოს სკოლებში პირველიდან მეთორმეტე კლასის ჩათვლით 632.726 მოსწავლე ისწავლის. 15.09.2022-ს, Sputnik საქართველო
2022-09-15T09:46+0400
2022-09-15T09:46+0400
2022-09-15T14:31+0400
საქართველოს განათლებისა და მეცნიერების სამინისტრო
განათლება საქართველოში
ახალი ამბები
საქართველო
საზოგადოება
https://cdnn1.img.sputnik-georgia.com/img/24554/99/245549948_0:100:1921:1180_1920x0_80_0_0_5c282a3c9f3b90dc452dd1320ea829cd.jpg
თბილისი, 15 სექტემბერი – Sputnik. დღეს საქართველოს ზოგადსაგანმანათლებლო დაწესებულებებში 2022-2023 სასწავლო წელი დაიწყო.სწავლის დაწყების პირველ დღეს ყველა საჯარო სკოლაში საქართველოს ჰიმნი აჟღერდა და დროშა აღიმართა.საქართველოს განათლების მინისტრმა მიხეილ ჩხენკელმა მოსწავლეებს, მასწავლებლებსა და მშობლებს სასწავლო წლის დაწყება მიულოცა და წარმატებული, ნაყოფიერი და მშვიდობიანი სასწავლო წელი უსურვა.როგორც ჩხენკელმა აღნიშნა, განათლებული თაობა საქართველოს წინსვლისა და განვითარების მყარი საფუძველია, მან იმედი გამოთქვა, რომ ახალგაზრდები სკოლაში მიღებული ცოდნის რეალიზებით მნიშვნელოვან ნაბიჯებს გადადგამენ ქვეყნის საკეთილდღეოდ.ახალ სასწავლო წელს სკოლები მნიშვნელოვანი სიახლეებით ხვდებიან. კერძოდ, დამოუკიდებელ საგნად შეისწავლება საქართველოს ისტორია, ასევე მოსწავლეებს პირველ კლასში სავალდებულო საგნად ჭადრაკი დაემატებათ.კომპიუტერული ტექნოლოგიები სკოლებში სავალდებულო საგანი ხდება>>გარდა ამისა, საჯარო სკოლებში ახალი საგანმანათლებლო პროექტის „სამხედრო საქმის“ პილოტირება იწყება, რომელშიც მაღალმთიანი რეგიონების 18 სკოლის საბაზო საფეხურის 300-ზე მეტი მოსწავლე ჩაერთვება. ასევე 150-ზე მეტ სკოლაში დაწყებითი კლასის მოსწავლეებისთვის სპორტის სახეობების ჩამონათვალს რაგბი ემატება.საქართველოს სკოლებში სამხედრო საქმეს შეასწავლიან>>ქვეყანაში გაუმჯობესებული ეპიდვითარების გათვალისწინებით, განათლების სამინისტრომ ჯანდაცვის სამინისტროსთან თანამშრომლობით სკოლებისთვის განახლებული რეკომენდაციები შეიმუშავა.პირველ კლასში სავალდებულო საგნად ჭადრაკი დაემატება>>რეკომენდაციების მიხედვით, ახალი სასწავლო წლიდან საქართველოს სკოლებში დისტანციური სწავლების რეჟიმი შეიზღუდა. კერძოდ, დისტანციური სწავლების არჩევის შესაძლებლობა აქვთ მხოლოდ იმ მოსწავლეებს, რომლებიც ჯანმრთელობის მდგომარეობის გამო რისკ-ჯგუფში შედიან.ვინ შეძლებს სკოლაში დისტანციურად სწავლას?>>შესაბამისად, კორონავირუსის გამოვლენის შემთხვევაში სკოლებზე არ გავრცელდება წერტილოვანი შეზღუდვები – ცალკეული კლასის/კლასების ან სკოლის სრულად დისტანციური სწავლის მოდელზე გადასვლა.ეწვიეთ „Sputnik საქართველოს“ Telegram-არხს
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/24554/99/245549948_106:0:1813:1280_1920x0_80_0_0_d869413281c3433eb9214c060953c148.jpgSputnik საქართველო
media@sputniknews.com
+74956456601
MIA „Rosiya Segodnya“
საქართველოს განათლებისა და მეცნიერების სამინისტრო , განათლება საქართველოში , ახალი ამბები, საქართველო, საზოგადოება
საქართველოს განათლებისა და მეცნიერების სამინისტრო , განათლება საქართველოში , ახალი ამბები, საქართველო, საზოგადოება
სკოლებში ახალი სასწავლო წელი დაიწყო
09:46 15.09.2022 (განახლებულია: 14:31 15.09.2022) ახალი სასწავლო წლიდან საქართველოს სკოლებში პირველიდან მეთორმეტე კლასის ჩათვლით 632.726 მოსწავლე ისწავლის.
თბილისი, 15 სექტემბერი – Sputnik. დღეს საქართველოს ზოგადსაგანმანათლებლო დაწესებულებებში 2022-2023 სასწავლო წელი დაიწყო.
სწავლის დაწყების პირველ დღეს ყველა საჯარო სკოლაში საქართველოს ჰიმნი აჟღერდა და დროშა აღიმართა.
საქართველოს განათლების მინისტრმა მიხეილ ჩხენკელმა მოსწავლეებს, მასწავლებლებსა და მშობლებს სასწავლო წლის დაწყება მიულოცა და წარმატებული, ნაყოფიერი და მშვიდობიანი სასწავლო წელი უსურვა.
„განსაკუთრებით ვულოცავ ცხოვრების ახალ, უმნიშვნელოვანეს ეტაპზე გადასვლას ჩვენს პატარებს – პირველკლასელებს. მათ დღეს პირველად შეაღეს საკლასო ოთახის კარი, სადაც თითოეულ მოსწავლეს უსაფრთხო, მეგობრული და ჯანსაღი საგანმანათლებლო გარემო დახვდა“, – ნათქვამია მინისტრის მილოცვაში.
როგორც ჩხენკელმა აღნიშნა, განათლებული თაობა საქართველოს წინსვლისა და განვითარების მყარი საფუძველია, მან იმედი გამოთქვა, რომ ახალგაზრდები სკოლაში მიღებული ცოდნის რეალიზებით მნიშვნელოვან ნაბიჯებს გადადგამენ ქვეყნის საკეთილდღეოდ.
ახალ სასწავლო წელს სკოლები მნიშვნელოვანი სიახლეებით ხვდებიან. კერძოდ, დამოუკიდებელ საგნად შეისწავლება საქართველოს ისტორია, ასევე მოსწავლეებს პირველ კლასში სავალდებულო საგნად ჭადრაკი დაემატებათ.
გარდა ამისა, საჯარო სკოლებში ახალი საგანმანათლებლო პროექტის „სამხედრო საქმის“ პილოტირება იწყება, რომელშიც მაღალმთიანი რეგიონების 18 სკოლის საბაზო საფეხურის 300-ზე მეტი მოსწავლე ჩაერთვება. ასევე 150-ზე მეტ სკოლაში დაწყებითი კლასის მოსწავლეებისთვის სპორტის სახეობების ჩამონათვალს რაგბი ემატება.
ქვეყანაში გაუმჯობესებული ეპიდვითარების გათვალისწინებით, განათლების სამინისტრომ ჯანდაცვის სამინისტროსთან თანამშრომლობით სკოლებისთვის განახლებული რეკომენდაციები შეიმუშავა.
რეკომენდაციების მიხედვით, ახალი სასწავლო წლიდან საქართველოს სკოლებში დისტანციური სწავლების რეჟიმი შეიზღუდა. კერძოდ, დისტანციური სწავლების არჩევის შესაძლებლობა აქვთ მხოლოდ იმ მოსწავლეებს, რომლებიც ჯანმრთელობის მდგომარეობის გამო რისკ-ჯგუფში შედიან.
შესაბამისად, კორონავირუსის გამოვლენის შემთხვევაში სკოლებზე არ გავრცელდება წერტილოვანი შეზღუდვები – ცალკეული კლასის/კლასების ან სკოლის სრულად დისტანციური სწავლის მოდელზე გადასვლა.