https://sputnik-georgia.com/20220913/saqartvelo-da-germania-kulturul-kavsirebs-arrmaveben-270403805.html
საქართველო და გერმანია კულტურულ კავშირებს აღრმავებენ: ახალი შეთანხმება
საქართველო და გერმანია კულტურულ კავშირებს აღრმავებენ: ახალი შეთანხმება
Sputnik საქართველო
ქვეყნებს შორის კულტურის სფეროში თანამშრომლობის შეთანხმებაზე მუშაობა 2013 წელს განახლდა. 13.09.2022-ს, Sputnik საქართველო
2022-09-13T22:18+0400
2022-09-13T22:18+0400
2022-09-13T23:04+0400
ახალი ამბები
საქართველო
გერმანია
საქართველოს საგარეო საქმეთა სამინისტრო
საქართველოს საგარეო პოლიტიკა
საქართველოს მთავრობა
კულტურა საქართველოში
განათლება საქართველოში
სპორტი
https://cdnn1.img.sputnik-georgia.com/img/07e6/09/0d/270397457_0:62:687:448_1920x0_80_0_0_5203baa044803204e892a78526b640c2.jpg
თბილისი, 13 სექტემბერი — Sputnik. საქართველოსა და გერმანიის მთავრობებს შორის ხელი მოეწერა შეთანხმებას კულტურის, განათლებისა და სპორტის სფეროში თანამშრომლობის შესახებ. იუწყება საქართველოს საგარეო საქმეთა სამინისტრო.დოკუმენტს ბერლინში ხელი მოაწერეს საქართველოს საგარეო საქმეთა მინისტრმა ილია დარჩიაშვილმა და გერმანიის საგარეო საქმეთა მინისტრმა ანალენა ბერბოკმა.შეთანხმება კომპლექსური დოკუმენტია და მიზნად ისახავს საქართველოსა და გერმანიას შორის კულტურის, განათლების, სამეცნიერო სფეროებსა და ხალხთაშორის ფორმატებში კავშირების კიდევ უფრო გაღრმავებას.შეთანხმებაში ხაზგასმულია ქართველი და გერმანელი ხალხის მიერ მსოფლიოს საერთო კულტურულ მემკვიდრეობაში შეტანილი ისტორიული წვლილი და აღნიშნულია, რომ მხარეებმა ხელი უნდა შეუწყონ მდიდარი კულტურის შესახებ ინფორმაციის ურთიერთგაცვლას და ცნობადობის ამაღლებას.მხარეები შეთანხმდნენ კულტურული პროექტების, გაცვლითი პროგრამების უზრუნველყოფაზე, სახელოვნებო, სამეცნიერო, პედაგოგიური და სხვა სფეროების წარმომადგენელთა კიდევ უფრო დაახლოებაზე, ნათქვამია განცხადებაში.შეხვედრა შედგა: რა საკითხები განიხილა პრემიერმა ღარიბაშვილმა გერმანიის ელჩთან >>მემორანდუმი ასევე მოიცავს საქართველოსა და გერმანიას შორის განათლების სფეროში თანამშრომლობას, რაც გულისხმობს ორი ქვეყნის კავშირების განვითარებას სასკოლო, უმაღლესი თუ პროფესიული განათლების სფეროში, ასევე საექსპერტო და აკადემიური წრეების დაახლოებას, სტუდენტური პროგრამებით გაცვლას, უმაღლესი განათლების შესაძლებლობების გახსნას ქართველი სტუდენტებისთვის და ა.შ.შეთანხმების შედეგად გაჩნდება დამატებითი შესაძლებლობები ორი ქვეყნის ენების შესწავლის და მათ შორის გერმანული საერთაშორისო სასკოლო ატესტატის მქონე აბიტურიენტებისთვის გერმანიის უმაღლეს სასწავლებლებში სწავლის გაგრძელების კუთხით.შეთანხმება ასევე გულისხმობს გერმანიაში მცხოვრები ქართული დიასპორის მხარდაჭერას და მათთვის დამატებითი შესაძლებლობების მიცემას მშობლიური ენის, კულტურის, ტრადიციების და თვითმყოფადობის შენარჩუნების თვალსაზრისით.დოკუმენტი მოიცავს თანამშრომლობას ახალგაზრდობისა და სპორტის მიმართულებით, საგამომცემლო საქმიანობაში თანამშრომლობას, საბიბლიოთეკო სფეროში დაგროვილი გამოცდილების გაზიარებას.განსაკუთრებული ყურადღება დაეთმო სამეცნიერო სფეროში მდიდარი პოტენციალის გაცვლასა და აკადემიური წრეების დაახლოებას. შეთანხმება ასევე გულისხმობს ერთობლივი აკადემიური ხარისხის გაცემის საკითხში თანამშრომლობას.დარახველიძე: საქართველოს 3 ათასზე მეტ მოქალაქეს ევროპის ქვეყნებში შესვლა შეეზღუდა >>საგარეო საქმეთა სამინისტროს ინფორმაციით, ქვეყნებს შორის კულტურის სფეროში თანამშრომლობის შეთანხმებაზე მუშაობა 2013 წელს განახლდა.საქართველოსა და გერმანიას შორის დიპლომატიური ურთიერთობები დამყარდა 1992 წლის 13 აპრილს. ქვეყნები აქტიურად თანამშრომლობენ ვაჭრობის, ეკონომიკის, უსაფრთხოების, კულტურის, საგანმანათლებლო და სხვა სფეროებში.2022 წლის იანვარი-ივლისში საქართველოსა და გერმანიას შორის ტვირთბრუნვამ შეადგინა 355,8 მლნ დოლარი, რაც გასული წლის ანალოგიურ პერიოდთან შედარებით 26%-ით მეტია.წყარო - საქართველოს საგარეო საქმეთა სამინისტრო.ეწვიეთ „Sputnik საქართველოს“ Telegram-არხს
საქართველო
გერმანია
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, გერმანია , საქართველოს საგარეო საქმეთა სამინისტრო , საქართველოს საგარეო პოლიტიკა, საქართველოს მთავრობა , კულტურა საქართველოში, განათლება საქართველოში , სპორტი
ახალი ამბები, საქართველო, გერმანია , საქართველოს საგარეო საქმეთა სამინისტრო , საქართველოს საგარეო პოლიტიკა, საქართველოს მთავრობა , კულტურა საქართველოში, განათლება საქართველოში , სპორტი
საქართველო და გერმანია კულტურულ კავშირებს აღრმავებენ: ახალი შეთანხმება
22:18 13.09.2022 (განახლებულია: 23:04 13.09.2022) ქვეყნებს შორის კულტურის სფეროში თანამშრომლობის შეთანხმებაზე მუშაობა 2013 წელს განახლდა.
თბილისი, 13 სექტემბერი — Sputnik. საქართველოსა და გერმანიის მთავრობებს შორის ხელი მოეწერა შეთანხმებას კულტურის, განათლებისა და სპორტის სფეროში თანამშრომლობის შესახებ. იუწყება საქართველოს საგარეო საქმეთა სამინისტრო.
დოკუმენტს ბერლინში ხელი მოაწერეს საქართველოს საგარეო საქმეთა მინისტრმა ილია დარჩიაშვილმა და გერმანიის საგარეო საქმეთა მინისტრმა ანალენა ბერბოკმა.
შეთანხმება კომპლექსური დოკუმენტია და მიზნად ისახავს საქართველოსა და გერმანიას შორის კულტურის, განათლების, სამეცნიერო სფეროებსა და ხალხთაშორის ფორმატებში კავშირების კიდევ უფრო გაღრმავებას.
შეთანხმებაში ხაზგასმულია ქართველი და გერმანელი ხალხის მიერ მსოფლიოს საერთო კულტურულ მემკვიდრეობაში შეტანილი ისტორიული წვლილი და აღნიშნულია, რომ მხარეებმა ხელი უნდა შეუწყონ მდიდარი კულტურის შესახებ ინფორმაციის ურთიერთგაცვლას და ცნობადობის ამაღლებას.
მხარეები შეთანხმდნენ კულტურული პროექტების, გაცვლითი პროგრამების უზრუნველყოფაზე, სახელოვნებო, სამეცნიერო, პედაგოგიური და სხვა სფეროების წარმომადგენელთა კიდევ უფრო დაახლოებაზე, ნათქვამია განცხადებაში.
მემორანდუმი ასევე მოიცავს საქართველოსა და გერმანიას შორის განათლების სფეროში თანამშრომლობას, რაც გულისხმობს ორი ქვეყნის კავშირების განვითარებას სასკოლო, უმაღლესი თუ პროფესიული განათლების სფეროში, ასევე საექსპერტო და აკადემიური წრეების დაახლოებას, სტუდენტური პროგრამებით გაცვლას, უმაღლესი განათლების შესაძლებლობების გახსნას ქართველი სტუდენტებისთვის და ა.შ.
შეთანხმების შედეგად გაჩნდება დამატებითი შესაძლებლობები ორი ქვეყნის ენების შესწავლის და მათ შორის გერმანული საერთაშორისო სასკოლო ატესტატის მქონე აბიტურიენტებისთვის გერმანიის უმაღლეს სასწავლებლებში სწავლის გაგრძელების კუთხით.
შეთანხმება ასევე გულისხმობს გერმანიაში მცხოვრები ქართული დიასპორის მხარდაჭერას და მათთვის დამატებითი შესაძლებლობების მიცემას მშობლიური ენის, კულტურის, ტრადიციების და თვითმყოფადობის შენარჩუნების თვალსაზრისით.
დოკუმენტი მოიცავს თანამშრომლობას ახალგაზრდობისა და სპორტის მიმართულებით, საგამომცემლო საქმიანობაში თანამშრომლობას, საბიბლიოთეკო სფეროში დაგროვილი გამოცდილების გაზიარებას.
განსაკუთრებული ყურადღება დაეთმო სამეცნიერო სფეროში მდიდარი პოტენციალის გაცვლასა და აკადემიური წრეების დაახლოებას. შეთანხმება ასევე გულისხმობს ერთობლივი აკადემიური ხარისხის გაცემის საკითხში თანამშრომლობას.
საგარეო საქმეთა სამინისტროს ინფორმაციით, ქვეყნებს შორის კულტურის სფეროში თანამშრომლობის შეთანხმებაზე მუშაობა 2013 წელს განახლდა.
საქართველოსა და გერმანიას შორის დიპლომატიური ურთიერთობები დამყარდა 1992 წლის 13 აპრილს. ქვეყნები აქტიურად თანამშრომლობენ ვაჭრობის, ეკონომიკის, უსაფრთხოების, კულტურის, საგანმანათლებლო და სხვა სფეროებში.
2022 წლის იანვარი-ივლისში საქართველოსა და გერმანიას შორის ტვირთბრუნვამ შეადგინა 355,8 მლნ დოლარი, რაც გასული წლის ანალოგიურ პერიოდთან შედარებით 26%-ით მეტია.
