https://sputnik-georgia.com/20211109/saxalxo-damcveli-cixis-saavadmyofosi-zogierti-samedicino-arwurviloba-ar-aris-261916915.html
სახალხო დამცველი: ციხის საავადმყოფოში ზოგიერთი სამედიცინო აღჭურვილობა არ არის
სახალხო დამცველი: ციხის საავადმყოფოში ზოგიერთი სამედიცინო აღჭურვილობა არ არის
Sputnik საქართველო
სახალხო დამცველმა სახელმწიფო ინსპექტორის სამსახურს მიმართა – დაიწყოს გამოძიება საქართველოს მესამე პრეზიდენტის №18 პენიტენციურ სამედიცინო დაწესებულებაში... 09.11.2021-ს, Sputnik საქართველო
2021-11-09T15:46+0400
2021-11-09T15:46+0400
2021-11-09T20:39+0400
ახალი ამბები
მიხეილ სააკაშვილი
საქართველო
https://cdnn1.img.sputnik-georgia.com/img/07e5/01/14/250659296_128:374:1822:1327_1920x0_80_0_0_69e29d8e9369d085852afeea6ca2b7e4.jpg
თბილისი, 9 ნოემბერი — Sputnik. ციხის საავადმყოფოში, სადაც ექს-პრეზიდენტი მიხეილ სააკაშვილი მოათავსეს, არ ფუნქციონირებს კათეტერიზაციის ლაბორატორია და მაგნიტურ-რეზონანსური ტომოგრაფიის აპარატი, ნათქვამია სახალხო დამცველის განცხადებაში.სახალხო დამცველმა ნინო ლომჯარიამ გუშინ სააკაშვილი გლდანის მე-18 დაწესებულებაში მოინახულა. ექს-პრეზიდენტი, რომელიც 40 დღეა შიმშილობს, იქ ორშაბათს რუსთავის მე-12 დაწესებულებიდან გადაიყვანეს. მისი პირადი ექიმი, ადვოკატები და თანამებრძოლები მის სამოქალაქო მრავალპროფილურ კლინიკაში გადაყვანას მოითხოვდნენ, თუმცა ხელისუფლებამ არაერთხელ განაცხადა, რომ ეს გამორიცხულია.„სახალხო დამცველის აპარატმა შემოწმების შედეგად დაადგინა, რომ წინა ვიზიტის შემდეგ N18 დაწესებულებაში შეტანილია კომპიუტერული ტომოგრაფიის აპარატი. თუმცა აპარატი დაწესებულებაში მიხეილ სააკაშვილის შესახლების დღეს მიიტანეს და მისი დამონტაჟება უახლოეს პერიოდში იგეგმება. ამასთან, მიუხედავად კონსილიუმის მოთხოვნისა, დაწესებულებაში არ ფუნქციონირებს კათეტერიზაციის ლაბორატორია და კვლავ არ არის მაგნიტო-რეზონანსული ტომოგრაფიის აპარატი", – აღნიშნულია განცხადებაში.ამგვარად, სახალხო დამცველი კიდევ ერთხელ აღნიშნავს, რომ მე-18 სამედიცინო დაწესებულება არ აკმაყოფილებს კონსილიუმის მოთხოვნებს. ომბუდსმენი ასევე მიიჩნევს, რომ დაწესებულებაში მიხეილ სააკაშვილის მოთავსება „ცალსახად არღვევს სახელმწიფოს მიერ ადამიანის ღირსების პატივისცემის ვალდებულებას".შესაბამისად, სახალხო დამცველი მოუწოდებს იუსტიციის მინისტრს/პენიტენციურ სამსახურს, რომ საქართველოს მესამე პრეზიდენტი მიხეილ სააკაშვილი დაუყოვნებლივ იქნეს გადაყვანილი ალტერნატიულ სამედიცინო დაწესებულებაში.მიხეილ სააკაშვილს გლდანის ციხეში სახალხო დამცველი შეხვდა>>გარდა ამისა, ომბუდსმენთან პირადი შეხვედრის დროს სააკაშვილმა განაცხადა, რომ მან არ იცოდა, რომ ის მე-18 დაწესებულებაში გადაჰყავდათ, არამედ უთხრეს, რომ კონსილიუმის გადაწყვეტილებით სამოქალაქო კლინიკაში მიჰყავდათ, რაზეც ის დათანხმდა.„აღსანიშნავია, რომ სახალხო დამცველის აპარატის წარმომადგენლები N12 დაწესებულებაშიც იმყოფებოდნენ, სადაც მიხეილ სააკაშვილის N18 დაწესებულებაში ეტაპირების შესახებ ინფორმირების ან მისი თანხმობის თაობაზე რაიმე დოკუმენტი ვერ მოიძიეს", – ნათქვამია განცხადებაში.სახალხო დამცველის აპარატმა ამ ფაქტის შესახებ დაუყოვნებლივ აცნობა სახელმწიფო ინსპექტორის სამსახურს გამოძიების დაწყების მიზნით.როგორც ომბუდსმენი აღნიშნავს, სააკაშვილი განაგრძობს შიმშილობას, ამასთან არ იღებს შესაბამის მედიკამენტებს და უარს ამბობს სამედიცინო დახმარებაზე.სახალხო დამცველი ასევე აქცენტს აკეთებს იმ გარემოზე, რომელშიც ამჟამად სააკაშვილი იმყოფება და რომელიც უხეშად არღვევს ადამიანის ღირსების უფლებას.„N8 დაწესებულებიდან პატიმართა მხრიდან მიხეილ სააკაშვილის მიმართ ისმის შეურაცხმყოფელი და მუქარის შემცველი შეძახილები, რაც სააკაშვილის საკანშიც ისმის და ცალსახად ფსიქოლოგიურ ზეწოლას წარმოადგენს", – აღნიშნულია განცხადებაში.სახალხო დამცველმა არაერთხელ აღნიშნა თავის განცხადებებში, რომ პატიმრის გადაყვანა მე-12 დაწესებულებიდან მე-18 დაწესებულებაში გამოიწვევს №8 და №18 დაწესებულებების დეზორგანიზაციას ვერბალური აგრესიის, ხმაურისა და დევნის მნიშვნელოვანი რისკის გამო.მიხეილ სააკაშვილი რუსთავის მე-12 ციხიდან თბილისში, გლდანის მე-18 სამკურნალო დაწესებულებაში 8 ნოემბერს, საღამოს გადაიყვანეს.
https://sputnik-georgia.com/20211109/geninspeqciam-saakashvilis-saqmeze-gamozieba-daiwyo-261904490.html
https://sputnik-georgia.com/20211109/saxelmwifo-inspeqtoris-samsaxurma-saakasvilis-saqmeze-gamozieba-daiwyo-261914885.html
https://sputnik-georgia.com/20211109/saakasvili-vacxadeb-uars-yvelanair-samedicino-carevaze-261904056.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, მიხეილ სააკაშვილი , საქართველო
ახალი ამბები, მიხეილ სააკაშვილი , საქართველო
სახალხო დამცველი: ციხის საავადმყოფოში ზოგიერთი სამედიცინო აღჭურვილობა არ არის
15:46 09.11.2021 (განახლებულია: 20:39 09.11.2021) სახალხო დამცველმა სახელმწიფო ინსპექტორის სამსახურს მიმართა – დაიწყოს გამოძიება საქართველოს მესამე პრეზიდენტის №18 პენიტენციურ სამედიცინო დაწესებულებაში გადაყვანის ვითარების გამოსარკვევად.
თბილისი, 9 ნოემბერი — Sputnik. ციხის საავადმყოფოში, სადაც ექს-პრეზიდენტი მიხეილ სააკაშვილი მოათავსეს, არ ფუნქციონირებს კათეტერიზაციის ლაბორატორია და მაგნიტურ-რეზონანსური ტომოგრაფიის აპარატი, ნათქვამია სახალხო დამცველის
განცხადებაში.
სახალხო დამცველმა ნინო ლომჯარიამ გუშინ სააკაშვილი გლდანის მე-18 დაწესებულებაში მოინახულა. ექს-პრეზიდენტი, რომელიც 40 დღეა შიმშილობს, იქ ორშაბათს რუსთავის მე-12 დაწესებულებიდან გადაიყვანეს. მისი პირადი ექიმი, ადვოკატები და თანამებრძოლები მის სამოქალაქო მრავალპროფილურ კლინიკაში გადაყვანას მოითხოვდნენ, თუმცა ხელისუფლებამ არაერთხელ განაცხადა, რომ ეს გამორიცხულია.
„სახალხო დამცველის აპარატმა შემოწმების შედეგად დაადგინა, რომ წინა ვიზიტის შემდეგ N18 დაწესებულებაში შეტანილია კომპიუტერული ტომოგრაფიის აპარატი. თუმცა აპარატი დაწესებულებაში მიხეილ სააკაშვილის შესახლების დღეს მიიტანეს და მისი დამონტაჟება უახლოეს პერიოდში იგეგმება. ამასთან, მიუხედავად კონსილიუმის მოთხოვნისა, დაწესებულებაში არ ფუნქციონირებს კათეტერიზაციის ლაბორატორია და კვლავ არ არის მაგნიტო-რეზონანსული ტომოგრაფიის აპარატი", – აღნიშნულია განცხადებაში.
ამგვარად, სახალხო დამცველი კიდევ ერთხელ აღნიშნავს, რომ მე-18 სამედიცინო დაწესებულება არ აკმაყოფილებს კონსილიუმის მოთხოვნებს. ომბუდსმენი ასევე მიიჩნევს, რომ დაწესებულებაში მიხეილ სააკაშვილის მოთავსება „ცალსახად არღვევს სახელმწიფოს მიერ ადამიანის ღირსების პატივისცემის ვალდებულებას".
შესაბამისად, სახალხო დამცველი მოუწოდებს იუსტიციის მინისტრს/პენიტენციურ სამსახურს, რომ საქართველოს მესამე პრეზიდენტი მიხეილ სააკაშვილი დაუყოვნებლივ იქნეს გადაყვანილი ალტერნატიულ სამედიცინო დაწესებულებაში.
გარდა ამისა, ომბუდსმენთან პირადი შეხვედრის დროს სააკაშვილმა განაცხადა, რომ მან არ იცოდა, რომ ის მე-18 დაწესებულებაში გადაჰყავდათ, არამედ უთხრეს, რომ კონსილიუმის გადაწყვეტილებით სამოქალაქო კლინიკაში მიჰყავდათ, რაზეც ის დათანხმდა.
„აღსანიშნავია, რომ სახალხო დამცველის აპარატის წარმომადგენლები N12 დაწესებულებაშიც იმყოფებოდნენ, სადაც მიხეილ სააკაშვილის N18 დაწესებულებაში ეტაპირების შესახებ ინფორმირების ან მისი თანხმობის თაობაზე რაიმე დოკუმენტი ვერ მოიძიეს", – ნათქვამია განცხადებაში.
სახალხო დამცველის აპარატმა ამ ფაქტის შესახებ დაუყოვნებლივ აცნობა სახელმწიფო ინსპექტორის სამსახურს გამოძიების დაწყების მიზნით.
როგორც ომბუდსმენი აღნიშნავს, სააკაშვილი განაგრძობს შიმშილობას, ამასთან არ იღებს შესაბამის მედიკამენტებს და უარს ამბობს სამედიცინო დახმარებაზე.
სახალხო დამცველი ასევე აქცენტს აკეთებს იმ გარემოზე, რომელშიც ამჟამად სააკაშვილი იმყოფება და რომელიც უხეშად არღვევს ადამიანის ღირსების უფლებას.
„N8 დაწესებულებიდან პატიმართა მხრიდან მიხეილ სააკაშვილის მიმართ ისმის შეურაცხმყოფელი და მუქარის შემცველი შეძახილები, რაც სააკაშვილის საკანშიც ისმის და ცალსახად ფსიქოლოგიურ ზეწოლას წარმოადგენს", – აღნიშნულია განცხადებაში.
სახალხო დამცველმა არაერთხელ აღნიშნა თავის განცხადებებში, რომ პატიმრის გადაყვანა მე-12 დაწესებულებიდან მე-18 დაწესებულებაში გამოიწვევს №8 და №18 დაწესებულებების დეზორგანიზაციას ვერბალური აგრესიის, ხმაურისა და დევნის მნიშვნელოვანი რისკის გამო.
მიხეილ სააკაშვილი რუსთავის მე-12 ციხიდან თბილისში, გლდანის მე-18 სამკურნალო დაწესებულებაში 8 ნოემბერს, საღამოს გადაიყვანეს.
