საქართველოში ბოლო წლების განმავლობაში სოციალურ ქსელ Youtube-ზე სექსუალური ხასიათის ვიდეოჩანაწერები გამოჩნდა, რომლებშიც ქართველი პოლიტიკოსები მონაწილეობენ. პირადი ცხოვრების ამსახველი ვიდეოკადრების გავრცელებამ საზოგადოებაში ვნებათაღელვა და სკანდალი გამოიწვია. პირადი ცხოვრების კადრების გავრცელება მძიმე დანაშაულია. სოციალურ ქსელში იანვრის ბოლოს პარლამენტის დამოუკიდებელი დეპუტატის ეკა ბესელიას პირადი ცხოვრების ამსახველი ვიდეოჩანაწერი გავრცელდა. საქართველოს სისხლის სამართლის კოდექსით ისჯება ფარული ვიდეოგადაღებით მოპოვებული პირადი, საიდუმლო, ნეგატიური ყოფა-ცხოვრების ამსახველი ისეთი მონაცემების გავრცელება, რომელიც შეურაცხყოფს ადამიანის პირად ღირსებას და სახელს უტეხს საზოგადოების თვალში. პირადი ცხოვრების კადრების გავრცელების საკითხთან დაკავშირებით ახალ ამბებს გაეცანით „Sputnik საქართველოს" ვებგვერდზე.
