საქართველო ევროპის ყველაზე ღარიბ ქვეყნებს შორისაა - ვინ არის ჩვენზე ღარიბი

გამოწერა
საქართველო მსოფლიო ქვეყნებს შორის, 2018 წლის მაჩვენებლებით, სიმდიდრით კვლავ მეორე ასეულში იმყოფება.

თემურ იოსელიანი

საერთაშორისო სავალუტო ფონდის (სსფ) მონაცემებით, საქართველოს მთლიანი შიდა პროდუქტი (მშპ) ერთ სულ მოსახლეზე ნომინალის მიხედვით, იგივე GDP (nominal) per capita $4 400-ია. შედეგად, მსოფლიო ქვეყნების რეიტინგში 105-ე ადგილზე ვართ.

აქვე აღსანიშნავია მშპ-ის დათვლის მეორე მეთოდის – მშპ ერთ სულ მოსახლეზე მსყიდველობითუნარიანობის პარიტეტის მიხედვით, იგივე GDP (ppp) per capita, სსფ-ის 2018 წლის მონაცემებით, საქართველოში $11 485-ის ტოლია. განვმარტავთ, რომ ppp გახლავთ purchasing power parity – მსყიდველობითუნარიანობის პარიტეტი, თანაბრობა. მსოფლიო რეიტინგში ამ მაჩვენებლით საქართველო 101-ე პოზიციაზეა.

სსფ-ის დირექტორი კრისტინ ლაგარდი - Sputnik საქართველო
კრისტინ ლაგარდი: საქართველო ტრანსფორმაციის ისტორიას წერს

აქვე ვთქვათ, რა განსხვავებაა მშპ-ის დათვლის ორ მეთოდს შორის და შემდეგ გადავიდეთ სხვა ქვეყნებთან შედარებაზე. ნომინალის დროს იანგარიშება წლის მანძილზე ნაწარმოები პროდუქცია საბაზრო ფასებში. მაგალითად, თუ ქვეყანამ აწარმოა 100 000 ბოთლი ღვინო და ცალი გაყიდა 10 დოლარად, ეს იქნება 1 მილიონი აშშ დოლარის წილი ქვეყნის მშპ-ში. რაც შეეხება მსყიდველობითუნარიანობის პარიტეტის მეთოდს, ამ შემთხვევაში იანგარიშება პროდუქციის მსოფლიო ფასები. იგივე 1 ბოთლი ღვინის ფასი თუ მსოფლიო ბაზარზე 30 დოლარი იქნება, იმის მიუხედავად, რა ფასად გაყიდის საქართველო ბოთლ ღვინოს, გამოდის, რომ ღვინის წილად ქვეყანამ 3 მილიონი დოლარის ღირებულების პროდუქცია გამოუშვა. შესაბამისად, ppp-ს პრინციპის შემთხვევაში, მშპ ერთ სულ მოსახლეზე გაცილებით მეტია.

როგორც წესი, მსყიდველობითუნარიანობის პარიტეტი უფრო ზუსტად ასახავს ქვეყანაში შექმნილ დოვლათს და ამიტომ სხვა ქვეყნებთან შედარებისასაც სწორედ GDP (ppp) per capita-ს გამოვიყენებთ.

გიორგი კვირიკაშვილი - Sputnik საქართველო
ახალი პოლიტიკური ძალა ძველი სახეებით: რა პერსპექტივა აქვს მდიდრების პარტიას

ევროპის ქვეყნები - მიუხედავად გარკვეული სირთულეებისა, ბევრად მდიდრები საქართველოზე

როდესაც ლაპარაკია ევროპაზე, ცხადია, პირველ რიგში ევროკავშირის (EU) ქვეყნები მოიაზრება. EU-ს შემადგენელი 28 ქვეყანას შორის ყველაზე ღარიბი ბულგარეთის მშპ ერთ სულ მოსახლეზე 2018 წელს $23 156-ის ტოლია და საქართველოს მაჩვენებელს ორჯერ აჭარბებს. ევროკავშირის ყველაზე მდიდარი ქვეყანა კი ამ მაჩვენებლით ლუქსემბურგი გახლავთ, რომლის მშპ ერთ სულ მოსახლეზე $106 704-ია. თითქმის 10-ჯერ მეტი, ვიდრე საქართველოში.

ევროკავშირის ყველაზე მდიდარი ქვეყნების ტოპ-10 (GDP ppp-ს მიხედვით):

1. ლუქსემბურგი $106 704

2. ირლანდია $78 785

3. ნიდერლანდები $56 383

4. შვედეთი $52 984

5. გერმანია $52 559

6. ავსტრია $52 137

7. დანია $52 121

8. ბელგია $48 245

9. ფინეთი $46 430

10. საფრანგეთი $45 775

საფრანგეთს ოდნავ ჩამორჩა დიდი ბრიტანეთი, რომლის მშპ ერთ სულ მოსახლეზე $45 705-ია.

პენსიონერი ბაზარში - Sputnik საქართველო
უზრუნველი სიბერე თუ უალტერნატივო ძარცვა - რას მოიტანს საპენსიო რეფორმა

რაც შეეხება ევროკავშირის წევრი ყველაზე ღარიბი ქვეყნების ათეულს, 2018 წლის მდგომარეობით ასეთი სურათია:

1. სლოვაკეთი $35 130

2. ლიეტუვა $34 826

3. ესტონეთი $34 096

4. პოლონეთი $31 939

5. უნგრეთი $31 903

6. ლატვია $29 901

7. საბერძნეთი $29 123

8. რუმინეთი $26 447

9. ხორვატია $26 221

10. ბულგარეთი $23 156

მთელი ევროპის ქვეყნებს თუ ავიღებთ, მათ შორის, ვინც ევროკავშირის წევრი არ არის და გეოგრაფიულად თუ პოლიტიკურად ევროპაში მოიაზრება, ვნახავთ, რომ ყველაზე მდიდარსა და ყველაზე ღარიბს შორის უზარმაზარი შუალედია.

რუსთაველის გამზირი - Sputnik საქართველო
კურორტი, აუზი, ტანვარჯიში – რა ბენეფიტები ეკუთვნით სოციალურად დაუცველებს

ევროკავშირის არაწევრი ყველაზე მდიდარი ევროპული ქვეყნების ტოპ-10:

1. ლიხტენშტაინი $139 100

2. მონაკო $115 700

3. ნორვეგია $74 356

4. შვეიცარია $64 649

5. სან-მარინო $60 313

6. ისლანდია $55 917

7. ანდორა $49 900

8. რუსეთი $29 267

9. თურქეთი $27 956

10. ყაზახეთი $27 550

ყაზახეთს ჩამორჩნენ ბელარუსი ($20 003 ) და მონტენეგრო ($19 043), თუმცა, ყველაზე ღარიბების ათეულს თავი დააღწიეს.

სახლი შუხუთში - Sputnik საქართველო
აზიის ბანკი საქართველოს სოფლის მცხოვრებთა კეთილდღეობის ზრდას დაეხმარება

ყველაზე ღარიბებს შორის კი, სამწუხაროდ, საქართველოც რჩება.

ევროკავშირის არაწევრი ყველაზე ღარიბი ევროპული ქვეყნების ათეული:

1. აზერბაიჯანი $18 076

2. სერბეთი $17 555

3. მაკედონია $15,709

4. ბოსნია და ჰერცეგოვინა  $13 491

5. ალბანეთი $13 345

6. კოსოვო $11 552

7. საქართველო  $11 485

8. სომხეთი $10 176

9. უკრაინა $9 283

10. მოლდოვა $7 305

მამუკა ბახტაძე - Sputnik საქართველო
„საქართველო საუკეთესოა რეგიონში" – პრემიერი ქვეყნის განვითარებით კმაყოფილია

საქართველოსთვის სიღარიბისგან თავის დახსნის ერთადერთი გამოსავალი ეკონომიკური ზრდის მაღალი ტემპია, რომელიც, სამწუხაროდ, არცთუ სახარბიელო გვაქვს. საქართველომ 2004-2012 წლებში ეკონომიკის ზრდის საშუალო 7%-იან ტემპს მიაღწია. თანაც ეს 2008 წლის აგვისტოს ომის, მსოფლიო ფინანსური კრიზისისა თუ თბილისში მასობრივი საპროტესტო გამოსვლების პირობებში. საუკეთესო წლები კი ზრდის ტემპით 2005 (9.6%), 2006 (9.4%) და 2007 (12.6%) იყო. 2012 წლის შემდეგ სიტუაცია მნიშვნელოვნად გაუარესდა. 2013-2018 წლების ზრდის საშუალო ტემპი მხოლოდ 3.85%-ია. შედეგად, კვლავ შორეულ პერსპექტივაში რჩება სურვილი, რომ საქართველო განვითარებულ ქვეყნებს დაეწიოს. თუ საქართველოს ეკონომიკა დანარჩენ ქვეყნებთან შედარებით გაცილებით სწრაფად არ გაიზრდება, განვითარებული ქვეყნების მაჩვენებლებთან ნაპრალი კიდევ მეტად გაფართოვდება.

 

ყველა ახალი ამბავი
0