https://sputnik-georgia.com/20240126/dacinvaa-ocneba-bejasvilis-gamosvlaze-pace--sesiaze-285901647.html
დაცინვაა – „ქართული ოცნება“ ბეჟაშვილის გამოსვლაზე PACE–ს სესიაზე
დაცინვაა – „ქართული ოცნება“ ბეჟაშვილის გამოსვლაზე PACE–ს სესიაზე
Sputnik საქართველო
ოხანაშვილის განცხადებით, ნონსენსია ის, რომ „ნაცმოძრაობის“ წარმომადგენლები მაღალი ტრიბუნიდან მოგვიწოდებენ ადამიანის უფლებების დაცვაზე ზრუნვისკენ. 26.01.2024-ს, Sputnik საქართველო
2024-01-26T11:24+0400
2024-01-26T11:24+0400
2024-01-26T11:36+0400
პოლიტიკა საქართველოში
პოლიტიკა
ევროპის საბჭოს საპარლამენტო ასამბლეა - pace
ქართული ოცნება
ერთიანი ნაციონალური მოძრაობა
სპეციალური პენიტენციური სამსახური
მიხეილ სააკაშვილი
ახალი ამბები
საქართველო
https://cdnn1.img.sputnik-georgia.com/img/24761/31/247613131_0:243:3209:2048_1920x0_80_0_0_e642eef813d6764b336c6ab56d0d6324.jpg
თბილისი, 26 იანვარი – Sputnik. საქართველოს პარლამენტის იურიდიულ საკითხთა კომიტეტის თავმჯდომარე ანრი ოხანაშვილმა დაცინვა უწოდა „ერთიანი ნაციონალური მოძრაობის“ წევრის ლევან ბეჟაშვილისთვის სიტყვის მიცემას ევროპის საბჭოს საპარლამენტო ასამბლეის (PACE) ზამთრის სესიაზე.ლევან ბეჟაშვილმა თავის სიტყვაში აღნიშნა, რომ სააკაშვილი არ იღებს სათანადო მკურნალობას არც პენიტენციურ და არც სამედიცინო დაწესებულებებში. დაპატიმრებიდან, 2021 წლის 1 ოქტომბრიდან სააკაშვილმა ციხის საკანში ნახევარ წელიწადზე ნაკლები დრო გაატარა, დანარჩენი დრო ის კლინიკებში იყო: ჯერ ციხის, შემდეგ სამხედრო ჰოსპიტალში, ხოლო 2022 წლის მაისიდან – კლინიკა „ვივამედში". სააკაშვილს კახექსიაზე მკურნალობენ, რომელიც არასაკმარისმა კვებამ გამოიწვია.PACE–ს სესიაზე სიტყვა მისცეს დეპუტატს მმართველი პარტია „ქართული ოცნება – დემოკრატიული საქართველოდან“ გივი მიქანაძეს, რომელიც მეორე ვადით აირჩიეს ადამიანის უფლებათა ევროპული სასამართლოს გადაწყვეტილებების აღსრულების ქვეკომიტეტის თავმჯდომარედ. მიქანაძემ განაცხადა, რომ საქართველოში ხელისუფლების შეცვლის შემდეგ პენიტენციურ სისტემაში რეალური მიღწევებია.ციხეები და სააკაშვილი: რაში არწმუნებდნენ ხელისუფლება და ოპოზიცია PACE–ს წევრებს>>მიქანაძის თქმით, სწორედ სააკაშვილის პრეზიდენტობის დროს შეიქმნა პენიტენციური სისტემა, რომელიც უხეშად არღვევდა პატიმრების უფლებებს, რაზეც მეტყველებს წინა ხელისუფლების დროს ევროპის ადამიანის უფლებათა სასამართლოში წაგებული საქმეების რაოდენობა.ვნებათაღელვა სააკაშვილის ირგვლივსააკაშვილი საქართველოში უკრაინიდან არალეგალურად 2021 წლის 29 სექტემბერს დაბრუნდა. ის 1–ელ ოქტომბერს თბილისში დააკავეს. მას უკვე მისჯილი აქვს 6 წლით თავისუფლების აღკვეთა დეპუტატ ვალერი გელაშვილის ცემისა და სანდრო გირგვლიანის მკვლელობაში მსჯავრდებულების შეწყალების საქმეებზე.ამავდროულად თბილისის საქალაქო სასამართლო მის წინააღმდეგ განიხილავს სამ საქმეს – სახელმწიფო სახსრების გაფლანგვის, 2007 წლის 7 ნოემბრის აქციის დარბევისა და საზღვრის უკანონოდ გადმოკვეთის საქმეებს.სააკაშვილის კლინიკაში ყოფნას ობიექტური მიზეზები აქვს – კობახიძე>>ადვოკატები ჯანმრთელობის გაუარესების მიზეზით მის გათავისუფლებას სასამართლოს გზით ცდილობდნენ. მათ ამერიკელი ექსპერტებიც მოიწვიეს, რომლებმაც სასამართლოში განაცხადეს, რომ სააკაშვილი მძიმე ლითონებით იყო მოწამლული და კვდებოდა, მაგრამ ქართულმა სასამართლოებმა იუსტიციის სამინისტროს სპეციალური პენიტენციური სამსახურის არგუმენტები უფრო დამაჯერებლად მიიჩნიეს და ექს-პრეზიდენტის გათავისუფლებაზე უარი განაცხადეს.კლინიკა „ვივამედის" დირექტორმა ნინო ნადირაძემ სასამართლოზე დაადასტურა, რომ სააკაშვილს კახექსია აქვს, მაგრამ, მისი თქმით, კახექსიის მიზეზია არა მალაბსორბცია (ნაწლავებში შეწოვის დარღვევა), როგორც ამას დაცვის მხარის ექსპერტები ამტკიცებენ, არამედ ნორმალურ კვებაზე უარის თქმა.მოგვიანებით ცნობილი გახდა, რომ მსჯავრდებული ექს-პრეზიდენტის ოჯახმა ამერიკულ იურიდიულ კომპანია Akerman LLP-ს სააკაშვილის ინტერესების ლობირებისთვის 917,1 ათას დოლარზე მეტი გადაუხადა. აქედან 300 ათასი დოლარი კომპანიამ გადაუხადა უცხოელ ექსპერტებს, რომლებმაც სასამართლოს ჩვენება მისცეს სააკაშვილის გათავისუფლების სასარგებლოდ.პაპუაშვილი: სააკაშვილის გამო საქართველოს წინაშე დასავლელმა პოლიტიკოსებმა თავი შეირცხვინეს>>სააკაშვილის ადვოკატებმა საქართველოში ორი ინსტანციის სასამართლოში მის გათავისუფლებას ვერ მიაღწიეს და სტრასბურგის სასამართლოს მიმართეს.მაისის ბოლოს სტრასბურგის სასამართლომ "სააკაშვილი საქართველოს წინააღმდეგ" საქმეზე უარი უთხრა სააკაშვილს ვარშავაში სამკურნალოდ გადაყვანაზე. ამავდროულად სახელმწიფოს არ დაევალა ქვეყნის შიგნით სხვა სამედიცინო დაწესებულებაში მისი გადაყვანა.სააკაშვილმა ივნისის შუა რიცხვებში განაცხადა, რომ პოლიტიკაში დაბრუნების გადაწყვეტილება მიიღო. ამით მან ერთი წლის წინ გაკეთებული განცხადება უარყო. სააკაშვილის წარმომადგენელმა, „ერთიანი ნაციონალური მოძრაობის" წევრმა სოფო ჯაფარიძემ განაცხადა, რომ ექს–პრეზიდენტი 22 აგვისტოდან მისი დახმარებით საქართველოს რეგიონებში წინასაარჩევნო კამპანიას იწყებს და მზადაა, მოსახლეობის პრობლემები მოისმინოს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
პოლიტიკა საქართველოში, პოლიტიკა, ევროპის საბჭოს საპარლამენტო ასამბლეა - pace, ქართული ოცნება , ერთიანი ნაციონალური მოძრაობა , სპეციალური პენიტენციური სამსახური, მიხეილ სააკაშვილი , ახალი ამბები, საქართველო
პოლიტიკა საქართველოში, პოლიტიკა, ევროპის საბჭოს საპარლამენტო ასამბლეა - pace, ქართული ოცნება , ერთიანი ნაციონალური მოძრაობა , სპეციალური პენიტენციური სამსახური, მიხეილ სააკაშვილი , ახალი ამბები, საქართველო
დაცინვაა – „ქართული ოცნება“ ბეჟაშვილის გამოსვლაზე PACE–ს სესიაზე
11:24 26.01.2024 (განახლებულია: 11:36 26.01.2024) ოხანაშვილის განცხადებით, ნონსენსია ის, რომ „ნაცმოძრაობის“ წარმომადგენლები მაღალი ტრიბუნიდან მოგვიწოდებენ ადამიანის უფლებების დაცვაზე ზრუნვისკენ.
თბილისი, 26 იანვარი – Sputnik. საქართველოს პარლამენტის იურიდიულ საკითხთა კომიტეტის თავმჯდომარე ანრი ოხანაშვილმა დაცინვა უწოდა „ერთიანი ნაციონალური მოძრაობის“ წევრის ლევან ბეჟაშვილისთვის სიტყვის მიცემას ევროპის საბჭოს საპარლამენტო ასამბლეის (PACE) ზამთრის სესიაზე.
ლევან ბეჟაშვილმა თავის სიტყვაში აღნიშნა, რომ სააკაშვილი არ იღებს სათანადო მკურნალობას არც პენიტენციურ და არც სამედიცინო დაწესებულებებში. დაპატიმრებიდან, 2021 წლის 1 ოქტომბრიდან სააკაშვილმა ციხის საკანში ნახევარ წელიწადზე ნაკლები დრო გაატარა, დანარჩენი დრო ის კლინიკებში იყო: ჯერ ციხის, შემდეგ სამხედრო ჰოსპიტალში, ხოლო 2022 წლის მაისიდან – კლინიკა „ვივამედში". სააკაშვილს კახექსიაზე მკურნალობენ, რომელიც არასაკმარისმა კვებამ გამოიწვია.
„ზოგადად, ნონსენსია ის, რომ „ნაცმოძრაობის“ წარმომადგენლები მაღალი ტრიბუნიდან ვინმეს ესაუბრებიან და მოგვიწოდებენ ადამიანის უფლებების დაცვაზე ზრუნვისკენ. „ნაცმოძრაობა“ და ადამიანის უფლებები ერთმანეთთან შეუთავსებელი მოცემულობაა. დაცინვაა, რომ ამ პარტიის წარმომადგენელი ევროსაბჭოში საუბრობს ან ადამიანის უფლებებზე, ან სასჯელაღსრულების დაწესებულებაზე - კატასტროფაა ეს... ასეთი პოლიტიკური წარსული მქონე პარტიის წარმომადგენლებს საერთოდ არ უნდა მიეცეთ ტრიბუნა, მით უმეტეს ადამიანის უფლებებზე სასაუბროდ“, – განაცხადა ოხანაშვილმა.
PACE–ს სესიაზე სიტყვა მისცეს დეპუტატს მმართველი პარტია „ქართული ოცნება – დემოკრატიული საქართველოდან“ გივი მიქანაძეს, რომელიც მეორე ვადით აირჩიეს ადამიანის უფლებათა ევროპული სასამართლოს გადაწყვეტილებების აღსრულების ქვეკომიტეტის თავმჯდომარედ. მიქანაძემ განაცხადა, რომ საქართველოში ხელისუფლების შეცვლის შემდეგ პენიტენციურ სისტემაში რეალური მიღწევებია.
მიქანაძის თქმით, სწორედ სააკაშვილის პრეზიდენტობის დროს შეიქმნა პენიტენციური სისტემა, რომელიც უხეშად არღვევდა პატიმრების უფლებებს, რაზეც მეტყველებს წინა ხელისუფლების დროს ევროპის ადამიანის უფლებათა სასამართლოში წაგებული საქმეების რაოდენობა.
ვნებათაღელვა სააკაშვილის ირგვლივ
სააკაშვილი საქართველოში უკრაინიდან არალეგალურად 2021 წლის 29 სექტემბერს დაბრუნდა. ის 1–ელ ოქტომბერს თბილისში დააკავეს. მას უკვე მისჯილი აქვს 6 წლით თავისუფლების აღკვეთა დეპუტატ ვალერი გელაშვილის ცემისა და სანდრო გირგვლიანის მკვლელობაში მსჯავრდებულების შეწყალების საქმეებზე.
ამავდროულად თბილისის საქალაქო სასამართლო მის წინააღმდეგ განიხილავს სამ საქმეს – სახელმწიფო სახსრების გაფლანგვის, 2007 წლის 7 ნოემბრის აქციის დარბევისა და საზღვრის უკანონოდ გადმოკვეთის საქმეებს.
ადვოკატები ჯანმრთელობის გაუარესების მიზეზით მის გათავისუფლებას სასამართლოს გზით ცდილობდნენ. მათ ამერიკელი ექსპერტებიც მოიწვიეს, რომლებმაც სასამართლოში განაცხადეს, რომ სააკაშვილი მძიმე ლითონებით იყო მოწამლული და კვდებოდა, მაგრამ ქართულმა სასამართლოებმა იუსტიციის სამინისტროს სპეციალური პენიტენციური სამსახურის არგუმენტები უფრო დამაჯერებლად მიიჩნიეს და ექს-პრეზიდენტის გათავისუფლებაზე უარი განაცხადეს.
კლინიკა „ვივამედის" დირექტორმა ნინო ნადირაძემ სასამართლოზე დაადასტურა, რომ სააკაშვილს კახექსია აქვს, მაგრამ, მისი თქმით, კახექსიის მიზეზია არა მალაბსორბცია (ნაწლავებში შეწოვის დარღვევა), როგორც ამას დაცვის მხარის ექსპერტები ამტკიცებენ, არამედ ნორმალურ კვებაზე უარის თქმა.
მოგვიანებით ცნობილი გახდა, რომ მსჯავრდებული ექს-პრეზიდენტის ოჯახმა ამერიკულ იურიდიულ კომპანია Akerman LLP-ს სააკაშვილის ინტერესების ლობირებისთვის 917,1 ათას დოლარზე მეტი გადაუხადა. აქედან 300 ათასი დოლარი კომპანიამ გადაუხადა უცხოელ ექსპერტებს, რომლებმაც სასამართლოს ჩვენება მისცეს სააკაშვილის გათავისუფლების სასარგებლოდ.
სააკაშვილის ადვოკატებმა საქართველოში ორი ინსტანციის სასამართლოში მის გათავისუფლებას ვერ მიაღწიეს და სტრასბურგის სასამართლოს მიმართეს.
მაისის ბოლოს სტრასბურგის სასამართლომ "სააკაშვილი საქართველოს წინააღმდეგ" საქმეზე უარი უთხრა სააკაშვილს ვარშავაში სამკურნალოდ გადაყვანაზე. ამავდროულად სახელმწიფოს არ დაევალა ქვეყნის შიგნით სხვა სამედიცინო დაწესებულებაში მისი გადაყვანა.
სააკაშვილმა ივნისის შუა რიცხვებში განაცხადა, რომ პოლიტიკაში დაბრუნების გადაწყვეტილება მიიღო. ამით მან ერთი წლის წინ გაკეთებული განცხადება უარყო. სააკაშვილის წარმომადგენელმა, „ერთიანი ნაციონალური მოძრაობის" წევრმა სოფო ჯაფარიძემ განაცხადა, რომ ექს–პრეზიდენტი 22 აგვისტოდან მისი დახმარებით საქართველოს რეგიონებში წინასაარჩევნო კამპანიას იწყებს და მზადაა, მოსახლეობის პრობლემები მოისმინოს.
