https://sputnik-georgia.com/20231228/catambjenebis-msenebloba-lagunastan-sakrebulom-gegmis-proeqti-daamtkica-285318591.html
ცათამბჯენების მშენებლობა „ლაგუნა ვერესთან“: საკრებულომ გეგმის პროექტი დაამტკიცა
ცათამბჯენების მშენებლობა „ლაგუნა ვერესთან“: საკრებულომ გეგმის პროექტი დაამტკიცა
Sputnik საქართველო
თბილისის ცენტრში 40 და 52 სართულიანი ცათამბჯენები აშენდება 28.12.2023-ს, Sputnik საქართველო
2023-12-28T23:29+0400
2023-12-28T23:29+0400
2023-12-28T23:29+0400
ახალი ამბები
საქართველო
თბილისი დღეს
თბილისის საკრებულო
საზოგადოება
ქართული ოპოზიცია
https://cdnn1.img.sputnik-georgia.com/img/07e7/0a/14/283489371_0:182:3315:2047_1920x0_80_0_0_1d56e46ead7207f8d4eed43510ec75f3.jpg
თბილისი, 28 დეკემბერი – Sputnik. თბილისის საკრებულომ ოპოზიციონერი დეპუტატების უკმაყოფილების ფონზე „ლაგუნა ვერეს“ ტერიტორიაზე მრავალფუნქციური კომპლექსის განაშენიანების რეგულირების გეგმის პროექტი დაამტკიცა.საკრებულოს დეპუტატები ოპოზიციური პარტიებიდან „ერთიანი ნაციონალური მოძრაობა“ და „ლელო საქართველოსთვის“ გმირთა მოედანზე მდებარე „ლაგუნა ვერეს" საცურაო აუზის ტერიტორიაზე დაგეგმილი ცათამბჯენების მშენებლობის წინააღმდეგი არიან. მათი აზრით, 40 და 52-სართულიანი შენობები საშიშია უსაფრთხოებისა და გარემოსდაცვითი თვალსაზრისით. გარდა ამისა, ოპოზიციის ინფორმაციით, მშენებლობას მმართველი პარტია „ქართული ოცნების“ დამფუძნებლის ბიძინა ივანიშვილის ფონდ „ქართუს“ მფლობელობაში მყოფი კომპანია „კოსტავა 69“ განახორციელებს.პროექტს მხარი 23 დეპუტატმა დაუჭირა, ხოლო წინააღმდეგი იყო 5.მანამდე თბილისის საკრებულოს თავმჯდომარე გიორგი ტყემალაძემ განაცხადა, რომ „ლაგუნა ვერესთან“ მშენებლობის პროექტის რეალიზაცია საფრთხეს არ წარმოადგენს, პროექტი ძალზე მნიშვნელოვანია ქალაქისთვის და სრულად შეესაბამება გენერალურ გეგმას.სკანდალი ცათამბჯენების გამო - ხელისუფლება კრიტიკას კრიტიკით პასუხობს >>სხდომის დასაწყისში საკრებულოს ურბანული დაგეგმარების კომისიის თავმჯდომარეს, რევაზ სოხაძესა და „ნაციონალური მოძრაობის“ დეპუტატ ლილე ლიპარტელიანს შორის კონფლიქტი მოხდა.მოგვიანებით, შეხვედრაზე ფრაქცია „ერთიანი ნაციონალური მოძრაობის“ წევრ გოგა ონიანსა და „ქართული ოცნების“ წევრ ავთანდილ ცინცაძეს შორის კიდევ ერთი სიტყვიერი შელაპარაკება მოხდა.არანაირი საფრთხე არ არსებობს – საკრებულოს თავმჯდომარე ცათამბჯენების მშენებლობის შესახებ >>თბილისის საკრებულომ 2023 წლის 25 აგვისტოს, მიუხედავად ოპოზიციის ნაწილისა და ეკოლოგების პროტესტისა, ხმა მისცა თბილისის სხვადასხვა რაიონში ერთდროულად რამდენიმე ცათამბჯენის აშენებაზე ნებართვის გაცემას. წარმოდგენილი პროექტების თანახმად, მრავალფუნქციური საცხოვრებელი კომპლექსები აშენდება გმირთა მოედანზე, ვაკეში, დიდ დიღომსა და სამგორში.მშენებლობის პროექტი: მომხრეები და მოწინააღმდეგეებიოპოზიციასა და ეკოაქტივისტებს მერიის მიერ წარმოდგენილი პროექტის წინააღმდეგ რიგი არგუმენტები აქვთ, რომელთაგან პირველია დიდი საცხოვრებელი კომპლექსის გამო „საცობების" გაზრდის ალბათობა გმირთა მოედნის ტერიტორიაზე.თბილისის მერიაში უკვე განაცხადეს, რომ პროექტი ითვალისწინებს საგზაო ინფრასტრუქტურის განახლებას, ახალ გზებს, რაც ამჟამად არსებული სატრანსპორტო კოლაფსის თავიდან აცილების საშუალებაა.ოპოზიციის მეორე არგუმენტია ქალაქისა და კონკრეტულად მოედნის იერსახის დამახინჯება. ამჟამად მომავალი ცათამბჯენების ადგილზე ყოფილი აბრეშუმის ფაბრიკის შენობაა, სადაც გამოფენები და კონცერტები იმართება.სკანდალი ცათამბჯენების გამო - ხელისუფლება კრიტიკას კრიტიკით პასუხობს>>ოპოზიცია მესამე არგუმენტად ქალაქის გამწვანებას ასახელებს. პასუხად თბილისის მერიაში უკვე განაცხადეს, რომ კომპლექსის ტერიტორია მშენებლობის ახალი წესების შესაბამისად გამწვანდება.რა ელოდება „ლაგუნა ვერეს"თბილისის ყველაზე დიდი აუზი „ლაგუნა ვერე", რომელიც 1970-იანი წლების ბოლოს აშენდა, აღდგენილი იქნება. ამ სამუშაოებს კომპანია „ნეო სითი დეველოპმენტი" შეასრულებს. „ნეო სითი დეველოპმენტმა" 2014 წელს დაკეტილი აუზის ტერიტორია ქართველი მილიარდერის ბიძინა ივანიშვილის კომპანიისგან შეიძინა.„ლაგუნა ვერეს" კომპლექსი 1965–1978 წლებში ქართველი არქიტექტორების პროექტით აშენდა. ის პირველი საწყლოსნო სპორტკომპლექსი იყო კავკასიაში, რომელიც სხვადასხვა რეგიონულ და საერთაშორისო შეჯიბრებებს მასპინძლობდა. გარდა ამისა, „ლაგუნა ვერე" თბილისელების ერთ-ერთი საყვარელი დასასვენებელი ადგილი იყო.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, საქართველო, თბილისი დღეს, თბილისის საკრებულო, საზოგადოება, ქართული ოპოზიცია
ახალი ამბები, საქართველო, თბილისი დღეს, თბილისის საკრებულო, საზოგადოება, ქართული ოპოზიცია
ცათამბჯენების მშენებლობა „ლაგუნა ვერესთან“: საკრებულომ გეგმის პროექტი დაამტკიცა
თბილისის ცენტრში 40 და 52 სართულიანი ცათამბჯენები აშენდება
თბილისი, 28 დეკემბერი – Sputnik. თბილისის საკრებულომ ოპოზიციონერი დეპუტატების უკმაყოფილების ფონზე „ლაგუნა ვერეს“ ტერიტორიაზე მრავალფუნქციური კომპლექსის განაშენიანების რეგულირების გეგმის პროექტი დაამტკიცა.
საკრებულოს დეპუტატები ოპოზიციური პარტიებიდან „ერთიანი ნაციონალური მოძრაობა“ და „ლელო საქართველოსთვის“ გმირთა მოედანზე მდებარე „ლაგუნა ვერეს" საცურაო აუზის ტერიტორიაზე დაგეგმილი ცათამბჯენების მშენებლობის წინააღმდეგი არიან. მათი აზრით, 40 და 52-სართულიანი შენობები საშიშია უსაფრთხოებისა და გარემოსდაცვითი თვალსაზრისით. გარდა ამისა, ოპოზიციის ინფორმაციით, მშენებლობას მმართველი პარტია „ქართული ოცნების“ დამფუძნებლის ბიძინა ივანიშვილის ფონდ „ქართუს“ მფლობელობაში მყოფი კომპანია „კოსტავა 69“ განახორციელებს.
პროექტს მხარი 23 დეპუტატმა დაუჭირა, ხოლო წინააღმდეგი იყო 5.
მანამდე თბილისის საკრებულოს თავმჯდომარე გიორგი ტყემალაძემ განაცხადა, რომ „ლაგუნა ვერესთან“ მშენებლობის პროექტის რეალიზაცია საფრთხეს არ წარმოადგენს, პროექტი ძალზე მნიშვნელოვანია ქალაქისთვის და სრულად შეესაბამება გენერალურ გეგმას.
სხდომის დასაწყისში საკრებულოს ურბანული დაგეგმარების კომისიის თავმჯდომარეს, რევაზ სოხაძესა და „ნაციონალური მოძრაობის“ დეპუტატ ლილე ლიპარტელიანს შორის კონფლიქტი მოხდა.
მოგვიანებით, შეხვედრაზე ფრაქცია „ერთიანი ნაციონალური მოძრაობის“ წევრ გოგა ონიანსა და „ქართული ოცნების“ წევრ ავთანდილ ცინცაძეს შორის კიდევ ერთი სიტყვიერი შელაპარაკება მოხდა.
თბილისის საკრებულომ 2023 წლის 25 აგვისტოს, მიუხედავად ოპოზიციის ნაწილისა და ეკოლოგების პროტესტისა, ხმა მისცა თბილისის სხვადასხვა რაიონში ერთდროულად რამდენიმე ცათამბჯენის აშენებაზე ნებართვის გაცემას. წარმოდგენილი პროექტების თანახმად, მრავალფუნქციური საცხოვრებელი კომპლექსები აშენდება გმირთა მოედანზე, ვაკეში, დიდ დიღომსა და სამგორში.
მშენებლობის პროექტი: მომხრეები და მოწინააღმდეგეები
ოპოზიციასა და ეკოაქტივისტებს მერიის მიერ წარმოდგენილი პროექტის წინააღმდეგ რიგი არგუმენტები აქვთ, რომელთაგან პირველია დიდი საცხოვრებელი კომპლექსის გამო „საცობების" გაზრდის ალბათობა გმირთა მოედნის ტერიტორიაზე.
თბილისის მერიაში უკვე განაცხადეს, რომ პროექტი ითვალისწინებს საგზაო ინფრასტრუქტურის განახლებას, ახალ გზებს, რაც ამჟამად არსებული სატრანსპორტო კოლაფსის თავიდან აცილების საშუალებაა.
ოპოზიციის მეორე არგუმენტია ქალაქისა და კონკრეტულად მოედნის იერსახის დამახინჯება. ამჟამად მომავალი ცათამბჯენების ადგილზე ყოფილი აბრეშუმის ფაბრიკის შენობაა, სადაც გამოფენები და კონცერტები იმართება.
ოპოზიცია მესამე არგუმენტად ქალაქის გამწვანებას ასახელებს. პასუხად თბილისის მერიაში უკვე განაცხადეს, რომ კომპლექსის ტერიტორია მშენებლობის ახალი წესების შესაბამისად გამწვანდება.
რა ელოდება „ლაგუნა ვერეს"
თბილისის ყველაზე დიდი აუზი „ლაგუნა ვერე", რომელიც 1970-იანი წლების ბოლოს აშენდა, აღდგენილი იქნება. ამ სამუშაოებს კომპანია „ნეო სითი დეველოპმენტი" შეასრულებს. „ნეო სითი დეველოპმენტმა" 2014 წელს დაკეტილი აუზის ტერიტორია ქართველი მილიარდერის ბიძინა ივანიშვილის კომპანიისგან შეიძინა.
„ლაგუნა ვერეს" კომპლექსი 1965–1978 წლებში ქართველი არქიტექტორების პროექტით აშენდა. ის პირველი საწყლოსნო სპორტკომპლექსი იყო კავკასიაში, რომელიც სხვადასხვა რეგიონულ და საერთაშორისო შეჯიბრებებს მასპინძლობდა. გარდა ამისა, „ლაგუნა ვერე" თბილისელების ერთ-ერთი საყვარელი დასასვენებელი ადგილი იყო.
