https://sputnik-georgia.com/20230913/kobaxizem-nacionaluri-mozraobis-problema-daasaxela-282230106.html
ირაკლი კობახიძემ „ნაციონალური მოძრაობის" მთავარი პრობლემა დაასახელა
ირაკლი კობახიძემ „ნაციონალური მოძრაობის" მთავარი პრობლემა დაასახელა
Sputnik საქართველო
ოპოზიცია სუსტი კი არა, მართლა დაშლილი, მოშლილი, ჩაშლილია, აღნიშნა მმართველი პარტიის თავმჯდომარემ. 13.09.2023-ს, Sputnik საქართველო
2023-09-13T17:39+0400
2023-09-13T17:39+0400
2023-09-13T20:48+0400
პოლიტიკა საქართველოში
ირაკლი კობახიძე
ქართული ოცნება
ერთიანი ნაციონალური მოძრაობა
ქართული ოპოზიცია
ახალი ამბები
საქართველო
https://cdnn1.img.sputnik-georgia.com/img/07e6/09/06/270137391_0:0:1620:912_1920x0_80_0_0_cb89a33b9ea0f06d05f4bc44abedcd50.jpg
თბილისი, 13 სექტემბერი — Sputnik. საქართველოში ყველაზე დიდი ოპოზიციური პარტია „ერთიანი ნაციონალური მოძრაობის“ პრობლემა არაფორმალური მმართველობაა, განაცხადა მმართველი პარტია „ქართული ოცნება - დემოკრატიული საქართველოს" თავმჯდომარემ ირაკლი კობახიძემ. „ნაცმოძრაობას" რთული პერიოდი უდგას. პარტიაში ორი ბანაკი ჩამოყალიბდა – ყოფილი ლიდერის ნიკა მელიას ზომიერი პოლიტიკის მომხრეები და რადიკალური მოქმედებების მომხრე ლევან ხაბეიშვილის მხარდამჭერები. მელია აცხადებს, რომ ხაბეიშვილი ფორმალური ლიდერია და სინამდვილეში პარტიას ვანო მერაბიშვილი (შინაგან საქმეთა ყოფილი მინისტრი) და დავით კეზერაშვილი (თავდაცვის ყოფილი მინისტრი) მართავენ. ოპოზიცია სუსტი კი არა, მართლა დაშლილი, მოშლილი, ჩაშლილია, აღნიშნა კობახიძემ. მისი თქმით, რაც უფრო მეტი დაპირისპირება იქნება „ნაცმოძრაობაში", მით უკეთესი. „თვითონ სააკაშვილი არის ამ დაპირისპირების მონაწილე... მათ შიდა საქმეებში ჩვენ არ ჩავერევით. პირიქით, მგონია, რომ ეს შიდა დაპირისპირებები ძალიან კარგია, ამ კუთხით მათ მაქსიმალურად უნდა მივცეთ თავისუფლება", – განაცხადა კობახიძემ. სააკაშვილმა უფრო ადრე „ნაცმოძრაობის" წევრებს მიმართა, ძველი თანამებრძოლი, ამჟამად „ევროპული საქართველოს" ლიდერი გიგა ბოკერია ახსენა და აღნიშნა, რომ ვინც მის გზას გაჰყვება, მასავით „განულდება". ამის პასუხად ბოკერიამ განაცხადა, რომ როდესაც პოპულიზმი, ბელადის თაყვანისცემა ავტომატურად ხდება ოპოზიციური პარტიისთვის მისაღები, ეს პოლიტიკური ცხოვრებისთვის კატასტროფაა და ეს აუცილებლად უნდა შეიცვალოს. რღვევა თუ განახლება: რა ხდება „ნაციონალურ მოძრაობაში"?>>ამავე დროს ნიკა მელიას მომხრეები დარწმუნებული არიან, რომ სააკაშვილის განცხადების ადრესატი პარტიის ახალი ხელმძღვანელობაა ხაბეიშვილის ხელმძღვანელობით. ხაბეიშვილი, თავის მხრივ, დარწმუნებულია, რომ სააკაშვილის მიმართვა სწორედ მელიასა და მის მომხრეებს ეკუთვნოდა, რომლებიც აკრიტიკებენ „ნაცმოძრაობას" იმის ნაცვლად, რომ ქვეყნის ამჟამინდელი ხელისუფლება გააკრიტიკონ. „გავერთობით!" - მმართველი პარტიის გენმდივანი „ნაცმოძრაობაში" არსებულ დაპირისპირებაზე>>მმართველი პარტია „ქართული ოცნებისა" და ასევე ზოგიერთი ოპოზიციური პარტიის წარმომადგენლები აცხადებენ, რომ „ნაცმოძრაობის" თავმჯდომარედ ხაბეიშვილის არჩევით პარტიის დასასრული მოახლოვდა. საქართველოს პრემიერ-მინისტრმა ირაკლი ღარიბაშვილმა „ნაცმოძრაობას" გაკოტრებული, დისკრედიტირებული და მარგინალური რადიკალური ძალა უწოდა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
პოლიტიკა საქართველოში, ირაკლი კობახიძე, ქართული ოცნება , ერთიანი ნაციონალური მოძრაობა , ქართული ოპოზიცია, ახალი ამბები, საქართველო
პოლიტიკა საქართველოში, ირაკლი კობახიძე, ქართული ოცნება , ერთიანი ნაციონალური მოძრაობა , ქართული ოპოზიცია, ახალი ამბები, საქართველო
ირაკლი კობახიძემ „ნაციონალური მოძრაობის" მთავარი პრობლემა დაასახელა
17:39 13.09.2023 (განახლებულია: 20:48 13.09.2023) ოპოზიცია სუსტი კი არა, მართლა დაშლილი, მოშლილი, ჩაშლილია, აღნიშნა მმართველი პარტიის თავმჯდომარემ.
თბილისი, 13 სექტემბერი — Sputnik. საქართველოში ყველაზე დიდი ოპოზიციური პარტია „ერთიანი ნაციონალური მოძრაობის“ პრობლემა არაფორმალური მმართველობაა, განაცხადა მმართველი პარტია „ქართული ოცნება - დემოკრატიული საქართველოს" თავმჯდომარემ ირაკლი კობახიძემ.
„ნაცმოძრაობას" რთული პერიოდი უდგას. პარტიაში ორი ბანაკი ჩამოყალიბდა – ყოფილი ლიდერის ნიკა მელიას ზომიერი პოლიტიკის მომხრეები და რადიკალური მოქმედებების მომხრე ლევან ხაბეიშვილის მხარდამჭერები. მელია აცხადებს, რომ ხაბეიშვილი ფორმალური ლიდერია და სინამდვილეში პარტიას ვანო მერაბიშვილი (შინაგან საქმეთა ყოფილი მინისტრი) და დავით კეზერაშვილი (თავდაცვის ყოფილი მინისტრი) მართავენ.
„კეზერაშვილი არის არაფორმალური მმართველი და ხაბეიშვილი ფორმალური თავმჯდომარე. ამ პარტიაში პრობლემა არაფორმალური მმართველობაა. ჩვენ არ გვაქვს ასეთი საკითხები პარტიაში", – განუცხადა კობახიძემ ჟურნალისტებს.
ოპოზიცია სუსტი კი არა, მართლა დაშლილი, მოშლილი, ჩაშლილია, აღნიშნა კობახიძემ. მისი თქმით, რაც უფრო მეტი დაპირისპირება იქნება „ნაცმოძრაობაში", მით უკეთესი.
„თვითონ სააკაშვილი არის ამ დაპირისპირების მონაწილე... მათ შიდა საქმეებში ჩვენ არ ჩავერევით. პირიქით, მგონია, რომ ეს შიდა დაპირისპირებები ძალიან კარგია, ამ კუთხით მათ მაქსიმალურად უნდა მივცეთ თავისუფლება", – განაცხადა კობახიძემ.
სააკაშვილმა უფრო ადრე „ნაცმოძრაობის" წევრებს მიმართა, ძველი თანამებრძოლი, ამჟამად „ევროპული საქართველოს" ლიდერი გიგა ბოკერია ახსენა და აღნიშნა, რომ ვინც მის გზას გაჰყვება, მასავით „განულდება". ამის პასუხად ბოკერიამ განაცხადა, რომ როდესაც პოპულიზმი, ბელადის თაყვანისცემა ავტომატურად ხდება ოპოზიციური პარტიისთვის მისაღები, ეს პოლიტიკური ცხოვრებისთვის კატასტროფაა და ეს აუცილებლად უნდა შეიცვალოს.
ამავე დროს ნიკა მელიას მომხრეები დარწმუნებული არიან, რომ სააკაშვილის განცხადების ადრესატი პარტიის ახალი ხელმძღვანელობაა ხაბეიშვილის ხელმძღვანელობით.
ხაბეიშვილი, თავის მხრივ, დარწმუნებულია, რომ სააკაშვილის მიმართვა სწორედ მელიასა და მის მომხრეებს ეკუთვნოდა, რომლებიც აკრიტიკებენ „ნაცმოძრაობას" იმის ნაცვლად, რომ ქვეყნის ამჟამინდელი ხელისუფლება გააკრიტიკონ.
მმართველი პარტია „ქართული ოცნებისა" და ასევე ზოგიერთი ოპოზიციური პარტიის წარმომადგენლები აცხადებენ, რომ „ნაცმოძრაობის" თავმჯდომარედ ხაბეიშვილის არჩევით პარტიის დასასრული მოახლოვდა.
საქართველოს პრემიერ-მინისტრმა ირაკლი ღარიბაშვილმა „ნაცმოძრაობას" გაკოტრებული, დისკრედიტირებული და მარგინალური რადიკალური ძალა უწოდა.
