https://sputnik-georgia.com/20230613/saqartvelos-biznes-asociacia-medicinis-sferosi-wesebis-kontrolis-winaarmdegia-278518808.html
საქართველოს ბიზნეს-ასოციაცია მედიცინის სფეროში კონტროლის წესების გამკაცრების წინააღმდეგია
საქართველოს ბიზნეს-ასოციაცია მედიცინის სფეროში კონტროლის წესების გამკაცრების წინააღმდეგია
Sputnik საქართველო
ჯარიმები, რომელთა გაზრდაც იგეგმება, ეხება როგორც უნებართვო სამედიცინო საქმიანობასთან, ისე წამლების დანიშვნის წესებთან დაკავშირებულ დარღვევებს. 13.06.2023-ს, Sputnik საქართველო
2023-06-13T13:09+0400
2023-06-13T13:09+0400
2023-06-13T17:53+0400
ახალი ამბები
საქართველო
საზოგადოება
ჯანდაცვა საქართველოში
https://cdnn1.img.sputnik-georgia.com/img/07e6/07/0a/268364345_0:0:2903:1634_1920x0_80_0_0_d56d1b307c28950e90531af31e0ab286.jpg
თბილისი, 13 ივნისი — Sputnik. სამედიცინო სფეროს მარეგულირებელ კანონმდებლობაში რადიკალური ცვლილებების დანერგვა ბიზნესთან წინასწარი შეთანხმების გარეშე შეიძლება საფრთხეს შეიცავდეს, ნათქვამია საქართველოს ბიზნეს-ასოციაციის (BAG) განცხადებაში. საქართველოს მთავრობა სამედიცინო და ფარმაცევტულ სფეროში დარღვევებისთვის ჯარიმების გაორმაგებას გეგმავს, შესაბამისი საკანონმდებლო ინიციატივა პარლამენტს უკვე წარედგინა. ბიზნეს-ასოციაცია კანონპროექტის ავტორებსა და პარლამენტს მოუწოდებს, არ მიიღონ შესწორებები დაჩქარებული წესით, რადგან ეს მარეგულირებელი ორგანოს მხრიდან მედიცინის სფეროში მომუშავე კომპანიებზე ზეწოლის საფრთხეს ქმნის. ასოციაცია მიიჩნევს, რომ დაგეგმილმა ცვლილებებმა „ჯანდაცვის შესახებ" კანონში, „სამეწარმეო საქმიანობის შესახებ" კანონსა და ადმინისტრაციულ სამართალდარღვევათა კოდექსში, რაც მაკონტროლებელი ორგანოს უფლებამოსილებების გაზრდას გულისხმობს და ორიენტირებულია ადმინისტრირების გამარტივებისა და ხარვეზების აღმოფხვრისკენ, შესაძლოა პრაქტიკაში არაერთი პრობლემა წარმოშვას. BAG-ში მიიჩნევენ, რომ სამედიცინო სექტორთან წინასწარი კონსულტაციების გარეშე საკანონმდებლო ცვლილებების განხილვა და დაჩქარებული წესით მიღება არ შეესაბამება „რეგულატორული პოლიტიკის გატარების იმ საუკეთესო პრაქტიკას, რომელიც ორიენტირებულია ხარვეზების კოოპერაციის გზით აღმოფხვრაზე". ასოციაციაში აღნიშნეს, რომ 2020 წელს, ანალოგიური ცვლილებების განხორციელების ინიცირებისას ღია დისკუსიებმა საკანონმდებლო ორგანოსა და საჯარო სივრცეში ნათლად წარმოაჩინა კანონპროექტით გათვალისწინებული რიგი მიდგომების რისკები და არაეფექტურობა, რის საფუძველზეც შესაბამისი კანონპროექტი მაშინ არ დამტკიცდა. საქართველოში სამედიცინო სფეროში დარღვევებისთვის ჯარიმების გაორმაგება იგეგმება>>როგორც BAG-ში აცხადებენ, ეს რისკები და საფრთხეები დღესაც ინარჩუნებს თავის აქტუალობას. „მიგვაჩნია, რომ ამ რისკების სისტემატიზებული და დასაბუთებული წარმოჩენის საუკეთესო გზა იქნებოდა რეგულირების ზეგავლენის შეფასების დოკუმენტის მომზადება, თუმცა, სამწუხაროდ, ამგვარი ანალიზი არც ამჯერად ახლავს საკანონმდებლო ცვლილებების პაკეტს", – ნათქვამია განცხადებაში. კონტროლის ახალი წესები საქართველოს მთავრობა სამედიცინო და ფარმაცევტულ სფეროში დარღვევებისთვის ჯარიმების გაორმაგებას გეგმავს. კანონპროექტის თანახმად, ნებართვის გარეშე სამედიცინო საქმიანობაზე ჯარიმა 10 ათასი ლარის ნაცვლად 20 ათასი ლარი იქნება. საექიმო საქმიანობა სახელმწიფო სერტიფიკატის გარეშე ითვალისწინებს დაჯარიმებას 2 ათასი ლარით (ნაცვლად 1 ათასი ლარისა). გარდა ამისა, სამედიცინო და ფარმაცევტულ სფეროში სახელმწიფო კონტროლის განმახორციელებელი ორგანოს მიერ დადებული ბეჭდის (ლუქის) განზრახ დაზიანებისთვის ან ზედამხედველობის ხელის შეშლაზე დღეს მოქმედი ჯარიმისგან (1500-დან 2500 ლარამდე) განსხვავებით დგინდება კონკრეტულ ქმედებებზე დიფერენცირებული ფულადი ჯარიმები.ჯარიმების გაზრდამ ხელი უნდა შეუწყოს პაციენტების უსაფრთხოებას - გაბუნია>> კერძოდ, სახელმწიფო კონტროლის განმახორციელებელი ორგანოს მიერ დადებული ბეჭდის (ლუქის) განზრახ დაზიანება ექვემდებარება დაჯარიმებას 4 ათასი ლარის, ხოლო იგივე ქმედება ჩადენილი განმეორებით – 8 ათასი ლარის ოდენობით. ამჟამად მოქმედებს ჯარიმა 1,5 ათასიდან 2,5 ათას ლარამდე. სამედიცინო და ფარმაცევტულ სფეროში სახელმწიფო კონტროლისა და ზედამხედველობის უფლებამოსილი ორგანოსთვის ან თანამდებობის პირისთვის მოვალეობის განხორციელებისას ხელის შეშლა ასევე გამოიწვევს დაჯარიმებას 4 ათასი ლარის ოდენობით. სამედიცინო საქმიანობის სანებართვო პირობების შეუსრულებლობა დაჯარიმდება სანებართვო პირობების დარღვევის შესაბამისად, არაუმეტეს 15 ათასი ლარის ოდენობით (ნაცვლად დღეს მოქმედი 10 ათასი ლარისა). მაღალი რისკის შემცველი სამედიცინო საქმიანობის ტექნიკური რეგლამენტის შეუსრულებლობა გამოიწვევს დაჯარიმებას დარღვევის პირობების შესაბამისად, მაგრამ არაუმეტეს 5 ათასი ლარისა. დღეისათვის ჯარიმის ოდენობა 200-დან 500 ლარამდეა. კანონდარღვევის განმეორებით ჩადენის შემთხვევაში ჯარიმის ოდენობა ორმაგდება. მაღალი რისკის შემცველი სამედიცინო საქმიანობა სამინისტროსთვის სავალდებულო შეტყობინების გარეშე ან საქმიანობა ამ შეტყობინების საფუძველზე განხორციელებული საქმიანობის უფლების შეჩერების შემთხვევაში გამოიწვევს დაჯარიმებას 2 ათასი ლარის ოდენობით (ნაცვლად დღეს მოქმედი 1 ათასი ლარისა). პაციენტების პრობლემები დაუყოვნებლივ გადაწყდება>>იურიდიული პირის მიერ სამედიცინო დოკუმენტაციის წარმოების (თუ ეს არ არის ლიცენზიის/ნებართვის/ტექნიკური რეგლამენტის პირობა) წესის დარღვევა გამოიწვევს დაჯარიმებას 1 ათასი ლარის ოდენობით (ნაცვლად დღეს მოქმედი 300-500 ლარისა), ხოლო იგივე ქმედება ჩადენილი განმეორებით დაექვემდებარება ჯარიმას 2 ათასი ლარის ოდენობით. სამედიცინო დაწესებულების ან ჯანმრთელობის დაცვის პერსონალის მიერ პროფესიული მოვალეობის შესრულებისას „ჯანმრთელობის დაცვის შესახებ" კანონით გათვალისწინებული ინტერესთა შეუთავსებლობის ნორმების დარღვევა გამოიწვევს სამედიცინო დაწესებულების ან ჯანმრთელობის დაცვის პერსონალის დაჯარიმებას 2 ათასი ლარის ოდენობით (ნაცვლად დღეს მოქმედი 1 ათასი ლარისა). იგივე ქმედება ჩადენილი განმეორებით გამოიწვევს სამედიცინო დაწესებულების ან/და ჯანმრთელობის დაცვის პერსონალის დაჯარიმებას 4 ათასი ლარის ოდენობით (ნაცვლად დღეს მოქმედი 2 ათასი ლარისა). ამავე პროექტის თანახმად, "წამლისა და ფარმაცევტული საქმიანობის შესახებ" კანონით პირველ ჯგუფს მიკუთვნებული ფარმაცევტული პროდუქტის დანიშვნის წესის დარღვევა გამოიწვევს დაჯარიმებას 1 ათასი ლარის ოდენობით (ნაცვლად დღეს მოქმედი 500 ლარისა). საქართველოში საჩივრების საფუძველზე კლინიკების შემოწმება გამარტივდება>>„წამლისა და ფარმაცევტული საქმიანობის შესახებ" კანონით პირველ ჯგუფს მიკუთვნებული ფარმაცევტული პროდუქტის გამოწერისა და გაფორმების წესის დარღვევა გამოიწვევს დაჯარიმებას 500 ლარის ოდენობით (ნაცვლად დღეს მოქმედი 200 ლარისა). აღნიშნული სანქციების ზრდის გარდა, ცვლილების პროექტის მიხედვით, სამედიცინო და ფარმაცევტული საქმიანობის რეგულირების სააგენტოს, სასამართლოსთან ერთად, მოცემულ სამართალდარღვევის საქმეებზე როგორც ოქმის შედგენის, ისე საქმის განხილვის შესაძლებლობა ენიჭება. გარდა ამისა, ადმინისტრაციული სამართალდარღვევის საქმეების განხილვისას შესაძლებელი იქნება სააგენტოს მიერ ელექტრონული ჯარიმის გამოწერა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საზოგადოება, ჯანდაცვა საქართველოში
ახალი ამბები, საქართველო, საზოგადოება, ჯანდაცვა საქართველოში
საქართველოს ბიზნეს-ასოციაცია მედიცინის სფეროში კონტროლის წესების გამკაცრების წინააღმდეგია
13:09 13.06.2023 (განახლებულია: 17:53 13.06.2023) ჯარიმები, რომელთა გაზრდაც იგეგმება, ეხება როგორც უნებართვო სამედიცინო საქმიანობასთან, ისე წამლების დანიშვნის წესებთან დაკავშირებულ დარღვევებს.
თბილისი, 13 ივნისი — Sputnik. სამედიცინო სფეროს მარეგულირებელ კანონმდებლობაში რადიკალური ცვლილებების დანერგვა ბიზნესთან წინასწარი შეთანხმების გარეშე შეიძლება საფრთხეს შეიცავდეს, ნათქვამია საქართველოს ბიზნეს-ასოციაციის (BAG) განცხადებაში.
საქართველოს მთავრობა სამედიცინო და ფარმაცევტულ სფეროში დარღვევებისთვის ჯარიმების გაორმაგებას გეგმავს, შესაბამისი საკანონმდებლო ინიციატივა პარლამენტს უკვე წარედგინა. ბიზნეს-ასოციაცია კანონპროექტის ავტორებსა და პარლამენტს მოუწოდებს, არ მიიღონ შესწორებები დაჩქარებული წესით, რადგან ეს მარეგულირებელი ორგანოს მხრიდან მედიცინის სფეროში მომუშავე კომპანიებზე ზეწოლის საფრთხეს ქმნის.
ასოციაცია მიიჩნევს, რომ დაგეგმილმა ცვლილებებმა „ჯანდაცვის შესახებ" კანონში, „სამეწარმეო საქმიანობის შესახებ" კანონსა და ადმინისტრაციულ სამართალდარღვევათა კოდექსში, რაც მაკონტროლებელი ორგანოს უფლებამოსილებების გაზრდას გულისხმობს და ორიენტირებულია ადმინისტრირების გამარტივებისა და ხარვეზების აღმოფხვრისკენ, შესაძლოა პრაქტიკაში არაერთი პრობლემა წარმოშვას.
„მაკონტროლებელი ორგანოს უფლებამოსილებების შეუსაბამო ზრდით სასამართლოს როლი სამედიცინო საქმიანობის კონტროლის განხორციელებისას სუსტდება, გარკვეულ დარღვევებზე ჯარიმების ოდენობა კი მკვეთრად იზრდება", – უკმაყოფილოა ბიზნეს-ასოციაცია.
BAG-ში მიიჩნევენ, რომ სამედიცინო სექტორთან წინასწარი კონსულტაციების გარეშე საკანონმდებლო ცვლილებების განხილვა და დაჩქარებული წესით მიღება არ შეესაბამება „რეგულატორული პოლიტიკის გატარების იმ საუკეთესო პრაქტიკას, რომელიც ორიენტირებულია ხარვეზების კოოპერაციის გზით აღმოფხვრაზე".
ასოციაციაში აღნიშნეს, რომ 2020 წელს, ანალოგიური ცვლილებების განხორციელების ინიცირებისას ღია დისკუსიებმა საკანონმდებლო ორგანოსა და საჯარო სივრცეში ნათლად წარმოაჩინა კანონპროექტით გათვალისწინებული რიგი მიდგომების რისკები და არაეფექტურობა, რის საფუძველზეც შესაბამისი კანონპროექტი მაშინ არ დამტკიცდა.
როგორც BAG-ში აცხადებენ, ეს რისკები და საფრთხეები დღესაც ინარჩუნებს თავის აქტუალობას.
„მიგვაჩნია, რომ ამ რისკების სისტემატიზებული და დასაბუთებული წარმოჩენის საუკეთესო გზა იქნებოდა რეგულირების ზეგავლენის შეფასების დოკუმენტის მომზადება, თუმცა, სამწუხაროდ, ამგვარი ანალიზი არც ამჯერად ახლავს საკანონმდებლო ცვლილებების პაკეტს", – ნათქვამია განცხადებაში.
საქართველოს მთავრობა სამედიცინო და ფარმაცევტულ სფეროში დარღვევებისთვის ჯარიმების გაორმაგებას გეგმავს.
კანონპროექტის თანახმად, ნებართვის გარეშე სამედიცინო საქმიანობაზე ჯარიმა 10 ათასი ლარის ნაცვლად 20 ათასი ლარი იქნება. საექიმო საქმიანობა სახელმწიფო სერტიფიკატის გარეშე ითვალისწინებს დაჯარიმებას 2 ათასი ლარით (ნაცვლად 1 ათასი ლარისა).
გარდა ამისა, სამედიცინო და ფარმაცევტულ სფეროში სახელმწიფო კონტროლის განმახორციელებელი ორგანოს მიერ დადებული ბეჭდის (ლუქის) განზრახ დაზიანებისთვის ან ზედამხედველობის ხელის შეშლაზე დღეს მოქმედი ჯარიმისგან (1500-დან 2500 ლარამდე) განსხვავებით დგინდება კონკრეტულ ქმედებებზე დიფერენცირებული ფულადი ჯარიმები.
კერძოდ, სახელმწიფო კონტროლის განმახორციელებელი ორგანოს მიერ დადებული ბეჭდის (ლუქის) განზრახ დაზიანება ექვემდებარება დაჯარიმებას 4 ათასი ლარის, ხოლო იგივე ქმედება ჩადენილი განმეორებით – 8 ათასი ლარის ოდენობით. ამჟამად მოქმედებს ჯარიმა 1,5 ათასიდან 2,5 ათას ლარამდე.
სამედიცინო და ფარმაცევტულ სფეროში სახელმწიფო კონტროლისა და ზედამხედველობის უფლებამოსილი ორგანოსთვის ან თანამდებობის პირისთვის მოვალეობის განხორციელებისას ხელის შეშლა ასევე გამოიწვევს დაჯარიმებას 4 ათასი ლარის ოდენობით.
სამედიცინო საქმიანობის სანებართვო პირობების შეუსრულებლობა დაჯარიმდება სანებართვო პირობების დარღვევის შესაბამისად, არაუმეტეს 15 ათასი ლარის ოდენობით (ნაცვლად დღეს მოქმედი 10 ათასი ლარისა).
მაღალი რისკის შემცველი სამედიცინო საქმიანობის ტექნიკური რეგლამენტის შეუსრულებლობა გამოიწვევს დაჯარიმებას დარღვევის პირობების შესაბამისად, მაგრამ არაუმეტეს 5 ათასი ლარისა. დღეისათვის ჯარიმის ოდენობა 200-დან 500 ლარამდეა. კანონდარღვევის განმეორებით ჩადენის შემთხვევაში ჯარიმის ოდენობა ორმაგდება.
მაღალი რისკის შემცველი სამედიცინო საქმიანობა სამინისტროსთვის სავალდებულო შეტყობინების გარეშე ან საქმიანობა ამ შეტყობინების საფუძველზე განხორციელებული საქმიანობის უფლების შეჩერების შემთხვევაში გამოიწვევს დაჯარიმებას 2 ათასი ლარის ოდენობით (ნაცვლად დღეს მოქმედი 1 ათასი ლარისა).
იურიდიული პირის მიერ სამედიცინო დოკუმენტაციის წარმოების (თუ ეს არ არის ლიცენზიის/ნებართვის/ტექნიკური რეგლამენტის პირობა) წესის დარღვევა გამოიწვევს დაჯარიმებას 1 ათასი ლარის ოდენობით (ნაცვლად დღეს მოქმედი 300-500 ლარისა), ხოლო იგივე ქმედება ჩადენილი განმეორებით დაექვემდებარება ჯარიმას 2 ათასი ლარის ოდენობით.
სამედიცინო დაწესებულების ან ჯანმრთელობის დაცვის პერსონალის მიერ პროფესიული მოვალეობის შესრულებისას „ჯანმრთელობის დაცვის შესახებ" კანონით გათვალისწინებული ინტერესთა შეუთავსებლობის ნორმების დარღვევა გამოიწვევს სამედიცინო დაწესებულების ან ჯანმრთელობის დაცვის პერსონალის დაჯარიმებას 2 ათასი ლარის ოდენობით (ნაცვლად დღეს მოქმედი 1 ათასი ლარისა).
იგივე ქმედება ჩადენილი განმეორებით გამოიწვევს სამედიცინო დაწესებულების ან/და ჯანმრთელობის დაცვის პერსონალის დაჯარიმებას 4 ათასი ლარის ოდენობით (ნაცვლად დღეს მოქმედი 2 ათასი ლარისა).
ამავე პროექტის თანახმად, "წამლისა და ფარმაცევტული საქმიანობის შესახებ" კანონით პირველ ჯგუფს მიკუთვნებული ფარმაცევტული პროდუქტის დანიშვნის წესის დარღვევა გამოიწვევს დაჯარიმებას 1 ათასი ლარის ოდენობით (ნაცვლად დღეს მოქმედი 500 ლარისა).
„წამლისა და ფარმაცევტული საქმიანობის შესახებ" კანონით პირველ ჯგუფს მიკუთვნებული ფარმაცევტული პროდუქტის გამოწერისა და გაფორმების წესის დარღვევა გამოიწვევს დაჯარიმებას 500 ლარის ოდენობით (ნაცვლად დღეს მოქმედი 200 ლარისა).
აღნიშნული სანქციების ზრდის გარდა, ცვლილების პროექტის მიხედვით, სამედიცინო და ფარმაცევტული საქმიანობის რეგულირების სააგენტოს, სასამართლოსთან ერთად, მოცემულ სამართალდარღვევის საქმეებზე როგორც ოქმის შედგენის, ისე საქმის განხილვის შესაძლებლობა ენიჭება.
გარდა ამისა, ადმინისტრაციული სამართალდარღვევის საქმეების განხილვისას შესაძლებელი იქნება სააგენტოს მიერ ელექტრონული ჯარიმის გამოწერა.
