https://sputnik-georgia.com/20230209/nacmozraoba-radikalurad-dasustda-274727761.html
„ნაციონალური მოძრაობა“ რადიკალურად დასუსტდა - ირაკლი კობახიძე
„ნაციონალური მოძრაობა“ რადიკალურად დასუსტდა - ირაკლი კობახიძე
Sputnik საქართველო
მმართველ პარტიაში მიიჩნევენ, რომ „ერთიანი ნაციონალური მოძრაობის“ დასუსტება დადებითად აისახება ვითარებაზე ქვეყანაში. 09.02.2023-ს, Sputnik საქართველო
2023-02-09T16:02+0400
2023-02-09T16:02+0400
2023-02-09T21:04+0400
ქართული ოცნება
ერთიანი ნაციონალური მოძრაობა
პოლიტიკა საქართველოში
ახალი ამბები
საქართველო
https://cdnn1.img.sputnik-georgia.com/img/07e5/01/0b/250585041_0:125:2400:1475_1920x0_80_0_0_13c3d9ecdd10ec5ab545c952516b02a6.jpg
თბილისი, 9 თებერვალი — Sputnik. „ერთიანი ნაციონალური მოძრაობა“ დასუსტებულია და მას ქვეყანაში ვითარების რადიკალიზაციის რესურსი არა აქვს, განაცხადა მმართველი პარტია „ქართული ოცნება - დემოკრატიული საქართველოს“ თავმჯდომარემ ირაკლი კობახიძემ.რადიკალური მოქმედებების მომხრემ, პარლამენტის დეპუტატმა ლევან ხაბეიშვილმა „ნაციონალური მოძრაობის“ თავმჯდომარედ მისი არჩევის მეორე დღესვე პარტიაში საგანგებო მდგომარეობის რეჟიმი გამოაცხადა. ახალმა ლიდერმა მთელ ქვეყანაში ყოველდღიური საპროტესტო აქციები დააანონსა, მაგრამ აქციები მცირერიცხოვანი აღმოჩნდა.საქართველოს ხელისუფლებისა და მოსახლეობის მთავარი მიღწევა ისაა, რომ რადიკალური ოპოზიცია დასუსტებულია და მას რადიკალიზაციისთვის რესურსები არა აქვს, აღნიშნა პოლიტიკოსმა.მისი თქმით, რაც უფრო ძლიერი იყო „ნაცმოძრაობა“ ხელისუფლებაში, მით უფრო მეტი პრობლემა ჩნდებოდა ქვეყანაში.„ამ შემთხვევაში კარგია, რომ „ნაცმოძრაობა“ არის უკიდურესად დასუსტებული, შესაბამისად, ეს დადებითად აისახება ქვეყნის მდგომარეობაზე, საზოგადოების მდგომარეობაზე, ეკონომიკის განვითარებაზე და მთლიანად რადიკალიზაციის ხარისხზე ჩვენს ქვეყანაში“, – განაცხადა კობახიძემ.პარლამენტი შეფერხების გარეშე იმუშავებს - პაპუაშვილი „ნაციონალური მოძრაობის“ ბოიკოტზე>>„ნაციონალურმა მოძრაობამ“ ხელისუფლება ექს-პრეზიდენტ მიხეილ სააკაშვილზე პოლიტიკურ ანგარიშსწორებაში დაადანაშაულა და პარლამენტში მუშაობაზე უარი თქვა. ამის შესახებ ცნობილი გახდა 6 თებერვალს, თბილისის საქალაქო სასამართლოს მიერ მიღებული გადაწყვეტილების შემდეგ, რომელმაც ჯანმრთელობის მდგომარეობის საფუძველზე სააკაშვილს გათავისუფლებაზე ან სასჯელის გადავადებაზე უარი განუცხადა.თანაპარტიელების გადაწყვეტილება პარლამენტის დატოვების შესახებ არ მოეწონა „ნაციონალური მოძრაობის“ ყოფილ თავმჯდომარეს, შედარებით ზომიერი პოლიტიკის მომხრე ნიკა მელიას. ის მიიჩნევს, რომ საპარლამენტო საქმიანობის დროებით შეწყვეტა ვერ იქნება ეფექტური ამ შემთხვევაში. მისი თქმით, თუ პარტია საკანონმდებლო ორგანოს ტოვებს, მაშინ დეპუტატები ბრძოლაში უნდა ჩაერთონ პარლამენტის გარედან.„ისინი ომის პარტიის ინტერესებით მოქმედებენ“ - კობახიძე ყოფილ ჩინოვნიკებზე>>ბოიკოტის და მანდატის დათმობის წინააღმდეგ წავიდა პარლამენტის დეპუტატი „ნაცმოძრაობიდან“ ხატია დეკანოიძეც. მისი თქმით, თუ პროცესის რადიკალიზაცია არასწორად წავა, ეს მძიმე პრობლემა გახდება პარტიისთვისაც და სააკაშვილისთვისაც.ეწვიეთ „Sputnik საქართველოს“ Telegram-არხს
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ქართული ოცნება , ერთიანი ნაციონალური მოძრაობა , პოლიტიკა საქართველოში, ახალი ამბები, საქართველო
ქართული ოცნება , ერთიანი ნაციონალური მოძრაობა , პოლიტიკა საქართველოში, ახალი ამბები, საქართველო
„ნაციონალური მოძრაობა“ რადიკალურად დასუსტდა - ირაკლი კობახიძე
16:02 09.02.2023 (განახლებულია: 21:04 09.02.2023) მმართველ პარტიაში მიიჩნევენ, რომ „ერთიანი ნაციონალური მოძრაობის“ დასუსტება დადებითად აისახება ვითარებაზე ქვეყანაში.
თბილისი, 9 თებერვალი — Sputnik. „ერთიანი ნაციონალური მოძრაობა“ დასუსტებულია და მას ქვეყანაში ვითარების რადიკალიზაციის რესურსი არა აქვს, განაცხადა მმართველი პარტია „ქართული ოცნება - დემოკრატიული საქართველოს“ თავმჯდომარემ ირაკლი კობახიძემ.
რადიკალური მოქმედებების მომხრემ, პარლამენტის დეპუტატმა ლევან ხაბეიშვილმა „ნაციონალური მოძრაობის“ თავმჯდომარედ მისი არჩევის მეორე დღესვე პარტიაში საგანგებო მდგომარეობის რეჟიმი გამოაცხადა. ახალმა ლიდერმა მთელ ქვეყანაში ყოველდღიური საპროტესტო აქციები დააანონსა, მაგრამ აქციები მცირერიცხოვანი აღმოჩნდა.
„რადიკალიზაცია არის დამოკიდებული მთლიანად რადიკალური ოპოზიციის სიძლიერეზე. რადიკალური ოპოზიცია ძლიერი უნდა იყოს იმისთვის, რომ მოხდეს პროცესების რადიკალიზაცია“, – განაცხადა კობახიძემ.
საქართველოს ხელისუფლებისა და მოსახლეობის მთავარი მიღწევა ისაა, რომ რადიკალური ოპოზიცია დასუსტებულია და მას რადიკალიზაციისთვის რესურსები არა აქვს, აღნიშნა პოლიტიკოსმა.
მისი თქმით, რაც უფრო ძლიერი იყო „ნაცმოძრაობა“ ხელისუფლებაში, მით უფრო მეტი პრობლემა ჩნდებოდა ქვეყანაში.
„ამ შემთხვევაში კარგია, რომ „ნაცმოძრაობა“ არის უკიდურესად დასუსტებული, შესაბამისად, ეს დადებითად აისახება ქვეყნის მდგომარეობაზე, საზოგადოების მდგომარეობაზე, ეკონომიკის განვითარებაზე და მთლიანად რადიკალიზაციის ხარისხზე ჩვენს ქვეყანაში“, – განაცხადა კობახიძემ.
„ნაციონალურმა მოძრაობამ“ ხელისუფლება ექს-პრეზიდენტ მიხეილ სააკაშვილზე პოლიტიკურ ანგარიშსწორებაში დაადანაშაულა და პარლამენტში მუშაობაზე უარი თქვა. ამის შესახებ ცნობილი გახდა 6 თებერვალს, თბილისის საქალაქო სასამართლოს მიერ მიღებული გადაწყვეტილების შემდეგ, რომელმაც ჯანმრთელობის მდგომარეობის საფუძველზე სააკაშვილს გათავისუფლებაზე ან სასჯელის გადავადებაზე უარი განუცხადა.
თანაპარტიელების გადაწყვეტილება პარლამენტის დატოვების შესახებ არ მოეწონა „ნაციონალური მოძრაობის“ ყოფილ თავმჯდომარეს, შედარებით ზომიერი პოლიტიკის მომხრე ნიკა მელიას. ის მიიჩნევს, რომ საპარლამენტო საქმიანობის დროებით შეწყვეტა ვერ იქნება ეფექტური ამ შემთხვევაში. მისი თქმით, თუ პარტია საკანონმდებლო ორგანოს ტოვებს, მაშინ დეპუტატები ბრძოლაში უნდა ჩაერთონ პარლამენტის გარედან.
ბოიკოტის და მანდატის დათმობის წინააღმდეგ წავიდა პარლამენტის დეპუტატი „ნაცმოძრაობიდან“ ხატია დეკანოიძეც. მისი თქმით, თუ პროცესის რადიკალიზაცია არასწორად წავა, ეს მძიმე პრობლემა გახდება პარტიისთვისაც და სააკაშვილისთვისაც.
