1 იანვრიდან ჩინოვნიკების ხელფასები გაიზარდა

© photo: Sputnik / Stringerმთავრობის ადმინისტრაციის შენობა
მთავრობის ადმინისტრაციის შენობა - Sputnik საქართველო, 1920, 01.01.2023
გამოწერა
НовостиTelegram
საბაზო თანამდებობრივი სარგოს გაანგარიშების ახალი წესი პარლამენტმა დეკემბერში მიიღო და ძალაში დღეიდან შევიდა.
თბილისი, 1 იანვარი - Sputnik. 2023 წლის 1 იანვრიდან საჯარო სექტორში დასაქმებულთა შრომის ანაზღაურება 10%-ით გაიზარდა.
შესაბამისი ცვლილებები „საჯარო დაწესებულებაში შრომის ანაზღაურების შესახებ“ კანონში შევიდა, რომლის მიხედვით 2026 წლამდე, ყოველწლიურად საჯარო სამსახურში დასაქმებულთა ხელფასების ოდენობა დაახლოებით, 10%-ით გაიზრდება.
რა სიახლეები ამოქმედდა 2023 წლის 1 იანვრიდან საქართველოში>>>
2026 წლის 1 იანვრიდან საჯარო სექტორში ხელფასების გაზრდა მოხდება ბოლო 4 კვარტლის განმავლობაში კერძო სექტორში საშუალო ხელფასის პროცენტული მაჩვენებლიდან გამომდინარე.
ამასთან, საჯარო მოხელეების საბაზო თანამდებობრივი სარგო უნდა იყოს საჯარო სექტორში არსებული საშუალო ხელფასის არანაკლებ 80% და არაუმეტეს 90%-სა. დღეისათვის ეს მაჩვენებელი დაახლოებით 74%-ია.
სახელმწიფო სექტორში საშუალო ნომინალური ხელფასი 1024 ლარს შეადგენს. ამასთან საქართველოში ჩინოვნიკების ხელფასი მოიცავს განაკვეთს და კოეფიციენტს, რომელიც მოხელის კლასზე და მის მიერ დაკავებულ პოზიციაზეა დამოკიდებული. საქართველოში მოხელეთა 12 კლასი არსებობს.
ყველა ახალი ამბავი
0