ბიზნეს-ასოციაცია: თურქეთთან ფარმაცევტული ბაზრის გახსნა გონივრული და დროული ნაბიჯია

© photo: Sputnik / Stringerაფთიაქი
აფთიაქი - Sputnik საქართველო, 1920, 11.01.2022
გამოწერა
НовостиTelegram
საქართველოს მთავრობა მედიკამენტებზე ფასების შემცირების გზების ძებნას განაგრძობს.
თბილისი, 11 იანვარი – Sputnik. საქართველოს ბიზნეს-ასოციაცია საქართველოს მთავრობისა და, კერძოდ, პრემიერ-მინისტრ ირაკლი ღარიბაშვილის ინიციატივას თურქეთთან ფარმაცევტული ბაზრის გახსნასთან დაკავშირებით გონივრულ და დროულ ნაბიჯს უწოდებს.
გუშინ პრემიერმა განაცხადა, რომ საქართველო თურქეთისთვის თავის ფარმაცევტულ ბაზარს გახსნის, შესაბამისად – თურქეთიდან შემოვა მაღალი ხარისხის მედიკამენტები, რაც გააიაფებს წამლების ფასებს.
ბიზნეს-ასოციაცია მიიჩნევს, რომ რეფორმის გატარების დროს აუცილებელია ყველა მხარის ინტერესები იქნას დაცული და გათვალისწინებული.

„მოხარულნი ვართ, რომ მედიკამენტების ხარისხისა და ღირებულების რეგულირების პროცესში ჩართულია კონკურენციის სააგენტო, რომელიც დეტალურ ინფორმაციას ფლობს ფარმაცევტულ ბაზარზე არსებულ სიტუაციასთან დაკავშირებით“, – აღნიშნულია ბიზნეს-ასოციაციის განცხადებაში.

საქართველოს ბიზნეს-ასოციაციის წევრი კომპანიები მიიჩნევენ, რომ „ბაზრის გახსნა“ თანაბრად სამართლიან მდგომარეობაში ჩააყენებს როგორც ფარმაცევტულ სექტორში მომუშავე ბიზნეს-ოპერატორებს, ასევე მოსახლეობას, რომელიც შეძლებს გაიაფებული და ხარისხიანი მედიკამენტების მიღებას.
2021 წლის ნოემბერში პრემიერ-მინისტრმა აღიარა, რომ ქვეყნის ფარმაცევტული ბაზარი საკანონმდებლო ცვლილებებს საჭიროებს, მათ შორის წამლებზე ფასების დარეგულირებას.
აფთიაქი - Sputnik საქართველო, 1920, 10.01.2022
საქართველო თურქეთს თავის ფარმაცევტულ ბაზარს გაუხსნის – პრემიერი
პრემიერის თქმით, მთავრობა მუშაობს კანონპროექტზე, რომელიც ამ მიმართულებით სიტუაციის გაუმჯობესებას შეუწყობს ხელს.
მთავრობის მეთაურის ცნობით, უკვე ამ კვირაში იქნება მიღებული გადაწყვეტილებები, რომლებიც მედიკამენტებზე ფასების დაწევას შესაძლებელს გახდის.
წყარო: საქართველოს ბიზნეს-ასოციაცია BAG
ყველა ახალი ამბავი
0