ბიზნეს-ასოციაცია: საქართველოში ბიზნეს-კლიმატი ისევ უმჯობესდება

© photo: Sputnik / Alexander Imedashviliმარჯანიშვილის ქუჩა
მარჯანიშვილის ქუჩა - Sputnik საქართველო, 1920, 20.12.2021
გამოწერა
გამოკითხული კომპანიების მეოთხედი ვარაუდობს, რომ 2022 წლის პირველ კვარტალში თანამშრომლების რაოდენობას გაზრდის
თბილისი, 20 დეკემბერი — Sputnik. საქართველოში ბიზნეს-კლიმატის მაჩვენებელი პანდემიამდელ დონეს უახლოვდება, ნათქვამია საქართველოს ბიზნეს-ასოციაციის (BAG) კვლევაში, რომელიც 2021 წლის მეოთხე კვარტალს მოიცავს.
საქართველოს ბიზნე-ასოციაცია დაარსდა 2009 წელს და აერთიანებს 70-ზე მეტ წამყვან კომპანიას ქვეყანაში, მათ შორის ბანკებს, ბენზინგასამართი სადგურების ქსელებს, სააფთიაქო ქსელებს, სამშენებლო კომპანიებს, საკომუნიკაციო კომპანიებს, ასევე დიდი სუპერმარკეტების ქსელებს.
2021 წლის მეოთხე კვარტლის BAG ინდექსის მიხედვით, წინა კვარტალებში დაწყებული დადებითი დინამიკა გრძელდება - გამოკითხულმა კომპანიებმა კვლავ დადებითად შეაფასეს თავიანთი ამჟამინდელი მდგომარეობა და მომდევნო ექვსი თვის მოლოდინები.
კოვიდ-პასპორტი - Sputnik საქართველო, 1920, 09.11.2021
COVID-19 - ბოლო ცნობები
როგორ შეხვდა საქართველოს ბიზნეს-ასოციაცია „მწვანე პასპორტების" შემოღების გადაწყვეტილებას
კვლევაშიBAG-ის წევრი კომპანიები დაყოფილია ოთხ სექტორად: ვაჭრობა, მომსახურება, მრეწველობა და მშენებლობა.
2021 წლის განმავლობაში ვაჭრობის, მრეწველობისა და მომსახურების სფეროებში ბიზნეს-კლიმატი ოთხივე კვარტალში დადებითია. განსხვავებული ვითარება იყო სამშენებლო სექტორში, სადაც ბიზნეს-კლიმატის ინდექსი 2021 წლის პირველ ნახევარში უარყოფითი იყო, თუმცა მეორე ნახევარში მაჩვენებელი დადებითია და 2020 წლის შესაბამის პერიოდთან შედარებით უმჯობესდება.

მოსახლეობის დასაქმება

BAG-ის კვლევის მიხედვით, გამოკითხული კომპანიების 21,3% აცხადებს, რომ მათ მიერ დაქირავებულთა რაოდენობა იზრდება მესამე კვარტალთან შედარებით, მხოლოდ 3,7% საუბრობს შტატების შემცირებაზე.
კომპანიების უმეტესობა აცხადებს, რომ დასაქმებულთა რაოდენობა არ შეცვლილა.
ადამიანები პირბადეებით - Sputnik საქართველო, 1920, 19.11.2021
საქართველოში უმუშევრობის დონე მესამე კვარტალში შემცირდა
გარდა ამისა, გამოკითხული კომპანიების 25%-ს მიაჩნია, რომ 2022 წლის პირველ კვარტალში დასაქმებულთა რაოდენობას გაზრდის. მომავალი წლის დასაწყისში შტატის შემცირებაზე 3,7% ფიქრობს.
დასაქმების კუთხით ყველაზე პოზიტიური მოლოდინი სამშენებლო სექტორში დაფიქსირდა. გამოკითხული კომპანიების ნახევარი გაყიდვების ზრდის დადებითი მოლოდინების გამო თანამშრომლების რაოდენობის ზრდას ელის.

რა უშლის ხელს ბიზნესს

კვლევაში აღნიშნულია, რომ მეოთხე კვარტალში მნიშვნელოვნად შემცირდა იმ კომპანიების რაოდენობა, რომლებიც თვლიან, რომ არსებობს ფაქტორები, რომლებიც ხელს უშლის მათ საქმიანობას.
მეოთხე კვარტალში დასახელდა ხუთი მიზეზი, რომელიც საქართველოში ბიზნესს აფერხებს:
ეროვნული ვალუტის არასტაბილურობა,
სამართლებრივი და ადმინისტრაციული ბარიერები,
სპეციალისტების ნაკლებობა,
სამუშაო ძალის ნაკლებობა,
დაბალი მოთხოვნა პროდუქტებზე ან მომსახურებაზე.
აღნიშნულია, რომ მესამე და მეოთხე კვარტალში შეზღუდული ფინანსური რესურსები მეწარმეებისთვის დაბრკოლებას აღარ წარმოადგენს.

წვდომა ფინანსებზე

მიმდინარე წლის მეოთხე კვარტალში გამოკითხული კომპანიების 45% (7%-ით ნაკლები, ვიდრე მესამე კვარტალში) დაფინანსების მოძიებას ცდილობდა. ზოგიერთმა მათგანმა განაცხადა, რომ საქართველოში ფინანსებზე ხელმისაწვდომობა პრობლემას წარმოადგენს.
ამასთან, კომპანიების უმრავლესობამ განაცხადა, რომ ადგილობრივი წყაროებიდან ფინანსდებიან.

ლარის კურსი

2021 წლის მეოთხე კვარტალში, მესამე კვარტალთან შედარებით, იმ კომპანიების წილი, რომლებიც მომდევნო ექვს თვეში დოლარის მიმართ ლარის გაუფასურებას ელოდნენ, 8%-ით შემცირდა.
ამასთან, კომპანიების 42% არ ელოდება ლარის კურსის ცვლილებას მომდევნო ექვსი თვის განმავლობაში. წინა კვარტალში ამ მოსაზრებას რესპონდენტთა მხოლოდ 32% იზიარებდა. ასევე, კომპანიების 47% ეროვნული ვალუტის გაუფასურებას ელის, მის გამყარებას - მხოლოდ 11%.
ფულის კუპიურები - Sputnik საქართველო, 1920, 17.12.2021
რატომ გამყარდა ლარი – საქართველოს ეროვნული ბანკის ხელმძღვანელის განმარტება
ამ დროისათვის ლარის კურსი 3,08 GEL/$1 დონეზე დგას. სავალუტო ბაზრის სტაბილიზაციის მიზნით ეროვნულმა ბანკმა 2020 წელს 26 აუქციონი გამართა, სადაც ჯამში 873,2 მლნ აშშ დოლარი გაყიდა. წელს მარეგულირებელმა ცხრა აუქციონზე გაყიდა 332,9 მილიონი დოლარი. ლარის კურსის ანტირეკორდი 2020 წლის 27 მარტს დაფიქსირდა, როდესაც ეროვნული ვალუტა 3,4842 GEL/$1 ნიშნულამდე დაეცა.
ყველა ახალი ამბავი
0