https://sputnik-georgia.com/20211206/onlain-kazinoebtan-dakavshirebit-kanonproeqti-parlaments-waredgineba-262627943.html
ონლაინ-კაზინოებთან დაკავშირებით კანონპროექტი პარლამენტს ამ კვირაში წარედგინება
ონლაინ-კაზინოებთან დაკავშირებით კანონპროექტი პარლამენტს ამ კვირაში წარედგინება
Sputnik საქართველო
ირაკლი ღარიბაშვილი 22 ნოემბერს გამართულ მთავრობის სხდომაზე ონლაინ-კაზინოების შეზღუდვის ინიციატივით გამოვიდა. 06.12.2021-ს, Sputnik საქართველო
2021-12-06T17:35+0400
2021-12-06T17:35+0400
2021-12-06T20:32+0400
საზოგადოება
ახალი ამბები
საქართველო
საქართველოს მთავრობა
საქართველოს პარლამენტი
https://cdnn1.img.sputnik-georgia.com/img/22945/10/229451069_0:160:3077:1890_1920x0_80_0_0_d95d17ab06c151fa4e4be240af735a67.jpg
თბილისი, 6 დეკემბერი — Sputnik. ონლაინ-კაზინოებთან დაკავშირებით კანონპროექტის პარლამენტში ინიცირება ამ კვირაში მოხდება, განაცხადა საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე.პრემიერის ინიციატივით, საქართველოში ონლაინ-კაზინოების მუშაობის წესები გამკაცრდება. პირველ ეტაპზე იგეგმება ონლაინ-კაზინოებისთვის გადასახადების გაზრდა, რეკლამის აკრძალვა და ასაკობრივი ბარიერის 25 წლამდე გაზრდა, მეორე ეტაპი კი ითვალისწინებს ყველა ონლაინ-კაზინოს აკრძალვას. „ონლაინ-კაზინოებთან დაკავშირებით ფინანსთა მინისტრი ლაშა ხუციშვილი დაუკავშირდა პარლამენტს, ჩვენ გვქონდა კონსულტაციები და ამ კვირაში მოხდება კანონპროექტის ინიცირება, რათა სწრაფად განხორციელდეს შესაბამისი ცვლილებები“, – აღნიშნა პრემიერმა.ახალი წესებიფინანსთა სამინისტროს მიერ მომზადებული კანონპროექტი ითვალისწინებს სათამაშო ბიზნესის დაბეგვრის საყოველთაოდ მიღებული პრაქტიკის დანერგვას.ცვლილებების თანახმად, თანხის გატანისას მიღებული მოგება დაიბეგრება 2%-იანი საშემოსავლო გადასახადით. სექტორის გადასახადების დასაბეგრი ბაზა ჯამში 65-70%-ით გაიზრდება.ამასთან, საქართველოს მოქალაქეებისთვის დადგინდება ერთიანი ასაკობრივი ზღვარი, ვისთვისაც აკრძალული იქნება აზარტულ თამაშებში მონაწილეობის მიღება. აღნიშნული შეეხება 25 წლამდე ასაკის საქართველოს ყველა მოქალაქეს, შეზღუდვა არ გავრცელდება უცხო ქვეყნის მოქალაქეებზე. გარდა ამისა, განისაზღვრა იმ პირთა წრე, რომელთაც შეზღუდული ექნებათ სათამაშო ბიზნესში მონაწილეობის მიღება, აზარტული თამაშები აეკრძალებათ სოციალურად დაუცველ პირებს, რომლებიც დახმარებას იღებენ სახელმწიფოსგან; საჯარო მოხელეებს; პირებს, რომლებიც მიმართავენ შემოსავლების სამსახურს თვითშეზღუდვის მექანიზმის გამოყენების მოთხოვნით; პირებს, რომლებიც მოხვდებიან ე.წ. შავ სიაში სასამართლო გადაწყვეტილების საფუძველზე ოჯახის წევრების მოთხოვნით.ჯამში პირთა წრე, რომელთაც შეზღუდული ექნებათ წვდომა აზარტულ თამაშებზე, ერთ მილიონამდე სრულწლოვან ადამიანს შეადგენს.აზარტული თამაშების ორგანიზატორები ვალდებული იქნებიან მოგებული თანხა მოთამაშეს ჩაურიცხონ მხოლოდ პირად ანგარიშზე ან გასცენ მხოლოდ მოთამაშედ რეგისტრირებულ პირზე.აიკრძალება ერთი მოთამაშის მიერ მეორე მოთამაშის ანგარიშზე თანხის გადარიცხვა, რაც მნიშვნელოვნად შეზღუდავს სხვისი ანგარიშით თამაშის შესაძლებლობებს. სათამაშო ანგარიშზე თანხის შეტანისა და გატანის წესი, ასევე მოთამაშედ რეგისტრაციის წესი დარეგულირდება კანონქვემდებარე აქტით.
https://sputnik-georgia.com/20211129/satamaso-bizness-axal-regulaciebs-uweseben-finansta-ministris-ganmarteba-262464144.html
https://sputnik-georgia.com/20211129/opozicia-premieris-iniciativas-mxars-uchers-262452729.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საზოგადოება, ახალი ამბები, საქართველო, საქართველოს მთავრობა , საქართველოს პარლამენტი
საზოგადოება, ახალი ამბები, საქართველო, საქართველოს მთავრობა , საქართველოს პარლამენტი
ონლაინ-კაზინოებთან დაკავშირებით კანონპროექტი პარლამენტს ამ კვირაში წარედგინება
17:35 06.12.2021 (განახლებულია: 20:32 06.12.2021) ირაკლი ღარიბაშვილი 22 ნოემბერს გამართულ მთავრობის სხდომაზე ონლაინ-კაზინოების შეზღუდვის ინიციატივით გამოვიდა.
თბილისი, 6 დეკემბერი — Sputnik. ონლაინ-კაზინოებთან დაკავშირებით კანონპროექტის პარლამენტში ინიცირება ამ კვირაში მოხდება, განაცხადა საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე.
პრემიერის ინიციატივით, საქართველოში ონლაინ-კაზინოების მუშაობის წესები გამკაცრდება. პირველ ეტაპზე იგეგმება ონლაინ-კაზინოებისთვის გადასახადების გაზრდა, რეკლამის აკრძალვა და ასაკობრივი ბარიერის 25 წლამდე გაზრდა, მეორე ეტაპი კი ითვალისწინებს ყველა ონლაინ-კაზინოს აკრძალვას.
„ონლაინ-კაზინოებთან დაკავშირებით ფინანსთა მინისტრი ლაშა ხუციშვილი დაუკავშირდა პარლამენტს, ჩვენ გვქონდა კონსულტაციები და ამ კვირაში მოხდება კანონპროექტის ინიცირება, რათა სწრაფად განხორციელდეს შესაბამისი ცვლილებები“, – აღნიშნა პრემიერმა.
ფინანსთა სამინისტროს მიერ მომზადებული კანონპროექტი ითვალისწინებს სათამაშო ბიზნესის დაბეგვრის საყოველთაოდ მიღებული პრაქტიკის დანერგვას.
ცვლილებების თანახმად, თანხის გატანისას მიღებული მოგება დაიბეგრება 2%-იანი საშემოსავლო გადასახადით. სექტორის გადასახადების დასაბეგრი ბაზა ჯამში 65-70%-ით გაიზრდება.
ამასთან, საქართველოს მოქალაქეებისთვის დადგინდება ერთიანი ასაკობრივი ზღვარი, ვისთვისაც აკრძალული იქნება აზარტულ თამაშებში მონაწილეობის მიღება. აღნიშნული შეეხება 25 წლამდე ასაკის საქართველოს ყველა მოქალაქეს, შეზღუდვა არ გავრცელდება უცხო ქვეყნის მოქალაქეებზე.
გარდა ამისა, განისაზღვრა იმ პირთა წრე, რომელთაც შეზღუდული ექნებათ სათამაშო ბიზნესში მონაწილეობის მიღება, აზარტული თამაშები აეკრძალებათ სოციალურად დაუცველ პირებს, რომლებიც დახმარებას იღებენ სახელმწიფოსგან; საჯარო მოხელეებს; პირებს, რომლებიც მიმართავენ შემოსავლების სამსახურს თვითშეზღუდვის მექანიზმის გამოყენების მოთხოვნით; პირებს, რომლებიც მოხვდებიან ე.წ. შავ სიაში სასამართლო გადაწყვეტილების საფუძველზე ოჯახის წევრების მოთხოვნით.
ჯამში პირთა წრე, რომელთაც შეზღუდული ექნებათ წვდომა აზარტულ თამაშებზე, ერთ მილიონამდე სრულწლოვან ადამიანს შეადგენს.
აზარტული თამაშების ორგანიზატორები ვალდებული იქნებიან მოგებული თანხა მოთამაშეს ჩაურიცხონ მხოლოდ პირად ანგარიშზე ან გასცენ მხოლოდ მოთამაშედ რეგისტრირებულ პირზე.
აიკრძალება ერთი მოთამაშის მიერ მეორე მოთამაშის ანგარიშზე თანხის გადარიცხვა, რაც მნიშვნელოვნად შეზღუდავს სხვისი ანგარიშით თამაშის შესაძლებლობებს. სათამაშო ანგარიშზე თანხის შეტანისა და გატანის წესი, ასევე მოთამაშედ რეგისტრაციის წესი დარეგულირდება კანონქვემდებარე აქტით.
