შემცვლელი, კრიპტოვალუტა, AUKUS და სხვა: პუტინმა ამერიკულ ტელეარხს ინტერვიუ მისცა

© photo: Sputnik / Grigory Sisoev / ფოტობანკში გადასვლაПрезидент РФ В. Путин принял участие в работе Восточного экономического форума
Президент РФ В. Путин принял участие в работе Восточного экономического форума - Sputnik საქართველო, 1920, 14.10.2021
თბილისი, 14 ოქტომბერი — Sputnik. რუსეთის პრეზიდენტმა ვლადიმირ პუტინმა ამერიკულ ტელეარხ CNBC-ს ინტერვიუ მისცა, რა დროსაც მისი შემცვლელის შესახებაც ისაუბრა და სხვა თემებზეც გააკეთა კომენტარები, იუწყება РИА Новости.
სააგენტო ინტერვიუს მოკლე მიმოხილვას აქვეყნებს.

„ჯერ არანაირი გადაწყვეტილება არ არის მიღებული“

საპრეზიდენტო არჩევნებში შესაძლო მონაწილეობაზე საუბრისას ვლადიმირ პუტინმა აღნიშნა, რომ მოვლენების დაჩქარებისგან თავს იკავებს.
„ეს ჩემი ტრადიციული პასუხია. შემდეგ არჩევნებამდე კიდევ საკმარისი დროა. ამ თემაზე საუბრები ვითარების დესტაბილიზაციას იწვევს. სიტუაცია კი მშვიდი და სტაბილური უნდა იყოს, რათა ხელისუფლების ყველა ორგანომ, ყველა სახელმწიფო სტრუქტურამ დამაჯერებლად იმუშაოს და მშვიდად უცქიროს მომავალს“, — თქვა რუსეთის პრეზიდენტმა.
ვლადიმირ პუტინი - Sputnik საქართველო, 1920, 07.10.2021
პუტინმა უკრაინის გავლით გაზის ტრანზიტზე ვალდებულებების შესრულების პირობა დადო
მისი თქმით, მეორე ვადით კენჭისყრის უფლება აქვს, მაგრამ „ამ თემაზე ჯერჯერობით არანაირი გადაწყვეტილება არ არის მიღებული“.

დოლარის პერსპექტივებზე

ვლადიმირ პუტინს მიაჩნია, რომ დოლარი, როგორც მსოფლიო სარეზერვო ვალუტა, პოზიციებს კარგავს. ამასთან მან აღნიშნა, რომ აშშ, რომელიც დოლარს სანქციების ინსტრუმენტად იყენებს, დიდ შეცდომას უშვებს.
„ამასთან დაკავშირებით შეიძლება ითქვას, რომ აშშ ჭრის იმ ტოტს, რომელზეც ზის, იმიტომ რომ დოლარის, როგორც მსოფლიოს უნივერსალური სარეზერვო ვალუტის აბსოლუტურად კონკურენტულ უპირატესობას ანგრევენ, ამწუთიერი პოლიტიკური კონიუნქტურის ინტერესებში ზარალს აყენებენ თავის სტრატეგიულ ეკონომიკურ ინტერესებს“, — თქვა მან.
როგორც რუსეთის ლიდერმა აღნიშნა, მცირდება სხვადასხვა ქვეყნის გადახდებისა და რეზერვების მოცულობა ამერიკულ ვალუტაში, და რუსეთიც ამ გზით მიდის.
ამასთან პუტინმა შენიშნა, რომ მოსკოვი არ არის დაინტერესებული დოლარზე სრული უარის თქმით: „ჩვენ ჯერ გვაწყობს ენერგორესურსებზე დოლარში ანგარიშსწორება, უპირველესად, ნავთობზე“. და იქვე დასძინა, რომ მთელი მსოფლიო ეკონომიკა აშშ-ის ეკონომიკის კეთილდღეობაზეა დამოკიდებული და რუსეთი დაინტერესებულია, რომ იქ არანაირი ნახტომები და მღელვარებები არ იყოს.
პირდაპირი ხაზი ვლადიმირ პუტინთან - Sputnik საქართველო, 1920, 30.06.2021
Через губу: პუტინმა პარტნიორებისადმი აშშ-ის დამოკიდებულება შეაფასა
მისი თქმით, მოსკოვი ყურადღებით აკვირდება და აანალიზებს, რა ხდება და დგამს აუცილებელ ნაბიჯებს იმისთვის, რომ თავისი გრძელვადიანი ინტერესები უზრუნველყოს.

კრიპტოვალუტის შესახებ

ვლადიმირ პუტინის თქმით, კრიპტოვალუტა შეიძლება იყოს ანგარიშსწორების ერთეული, მაგრამ ის ძალიან არასტაბილურია. „იმისათვის, რომ თანხები ერთი ადგილიდან მეორეზე გადავრიცხოთ — კი, მაგრამ [კრიპტოვალუტაზე] ვაჭრობა, მით უმეტეს, ენერგორესურსებში, ჩემი აზრით, ჯერ კიდევ ნაადრევია“, — თქვა მან.
რუსეთის ლიდერის განმარტებით, კრიპტოვალუტა ჯერჯერობით არაფრით არის გამყარებული, თუმცა ყველაფერი ვითარდება და „ყველაფერს აქვს არსებობის უფლება“.
„შევხედავთ, როგორ წავა საქმე. შესაძლოა როდესმე ის დაგროვების საშუალებაც გახდეს. ჩვენ ვხედავთ, როგორ იცვლება ეს ბაზარი. დღეს ცოტა ადრეა“, — განაცხადა პუტინმა.

AUKUS-ის ბლოკის შესახებ

ისეთი ბლოკების შექმნა, როგორც AUKUS-ია, რომელიც აშშ-ს, დიდ ბრიტანეთსა და ავსტრალიას აერთიანებს, რეგიონულ სტაბილურობას არღვევს — ასე ფიქრობს რუსეთის ლიდერი.
ალექსეი პუშკოვი - Sputnik საქართველო, 1920, 17.09.2021
რუსეთში ახალ სამხედრო ალიანსზე აშშ-ის განცხადება გააქილიკეს

„ჩემი აზრით, მეგობრობა კარგია, მაგრამ მეგობრობა ვინმეს წინააღმდეგ — ცუდია. ეს სტაბილურობას ანგრევს, რაზეც ყველა ვლაპარაკობთ და რაზეც ყველა ვზრუნავთ“, — განმარტა პუტინმა.

მას იმედი აქვს, რომ სიტუაცია არაპროგნოზირებადი სცენარით არ განვითარდება და რეგიონში დამატებით დაძაბულობებს არ გამოიწვევს.

ნავალნის შესახებ

რუსეთის პრეზიდენტის თქმით, ქვეყნის ხელისუფლება არ აპირებს, ვინმეს ექსკლუზიური პირობები შეუქმნას, მათ შორის არც მათ, ვინც კანონი დაარღვია და პოლიტიკური მოღვაწეობით კი ინიღბება. ასე მან ალექსეი ნავალნის შესახებ დასმულ კითხვას უპასუხა.
„მოქალაქე, რომელზეც მკითხეთ, საპატიმროშია“, — განუმარტა მან ჟურნალისტს.
მოსკოვის სასამართლოს 2 თებერვლის დადგენილებით, ალექსეი ნავალნის კომპანია „ივ როშეს“ საქმესთან დაკავშირებით მისჯილი პირობითი სასჯელი გაუუქმდა და ის 3,5 წლით გაუშვეს რეალური ვადით სასჯელის მოსახდელად საერთო რეჟიმის კოლონიაში. ეს რუსეთის სასჯელაღსრულების ფედერალურმა სამსახურმა მოითხოვა, რომლის ცნობითაც, ნავალნიმ არაერთხელ დაარღვია გამოსაცდელი ვადა და ამასთან დაკავებამდე იძებნებოდა კიდეც. მოსკოვის საქალაქო სასამართლომ დააკმაყოფილა უწყების შუამდგომლობა და ნავალნი კოლონიაში გაამწესა.
ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური