https://sputnik-georgia.com/20210829/rogor-gadawydeba-saqartvelosi-bavsvta-vaqcinaciis-sakitxi-cxaizis-ganmarteba-258897066.html
როგორ გადაწყდება საქართველოში ბავშვთა ვაქცინაციის საკითხი: ჩხაიძის განმარტება
როგორ გადაწყდება საქართველოში ბავშვთა ვაქცინაციის საკითხი: ჩხაიძის განმარტება
Sputnik საქართველო
საქართველოში ეპიდემიოლოგიური ვითარება მკვეთრად გაუარესებულია. ინფიცირების ყოველდღიური მაჩვენებელი 4-5 ათასს აჭარბებს, აქედან დაახლოებით 400-500 ბავშვია 29.08.2021-ს, Sputnik საქართველო
2021-08-29T19:23+0400
2021-08-29T19:23+0400
2023-08-17T18:13+0400
covid-19 - ბოლო ცნობები
საზოგადოება
ახალი ამბები
საქართველო
covid-19
https://cdnn1.img.sputnik-georgia.com/img/07e5/04/03/251361856_713:358:2976:1631_1920x0_80_0_0_1e91592bb02f1917c815b4019d21b94d.jpg
თბილისი, 29 აგვისტო - Sputnik. მოსალოდნელია, რომ ჯანდაცვის მსოფლიო ორგანიზაციამ (ჯანმო), მეოთხე ტალღის სიმძიმის გათვალისწინებით, ვაქცინაციის ასაკი შეამციროს, განაცხადა იმუნიზაციის ტექნიკურ მრჩეველთა ეროვნული ჯგუფის ხელმძღვანელმა, ივანე ჩხაიძემ. ჩხაიძის განცხადებით, საქართველოში ბავშვების ინფიცირების ყოველდღიური მაჩვენებელი საკმაოდ დიდია და ის 400-500-ს შეადგენს. როგორც მან განმარტა, ინფიცირებული ბავშვების 95-97% არ საჭიროებს ჰოსპიტალიზაციას. „ინფიცირებული ბავშვების მხოლოდ სამი, მაქსიმუმ ხუთი პროცენტისთვის ხდება აუცილებელი ჰოსპიტალში მოთავსება დაავადების მიმდინარეობის სიმძიმიდან გამომდინარე. თუმცა ისეთი პატარა ქვეყნისთვის, როგორიც საქართველოა, ყოველდღიურად 400-500 ინფიცირებული ბავშვი მართლაც მაღალი მაჩვენებელია“, - განაცხადა ჩხაიძემ. იმუნიზაციის ტექნიკურ მრჩეველთა ეროვნული ჯგუფის ხელმძღვანელის განცხადებით, ჯერ არაა გადაწყვეტილი, 12-დან 15 წლამდე ასაკის მოზარდებში ვაქცინაციასთან დაკავშირებით როგორ უნდა მოიქცეს ქვეყანა. „შესაძლოა, საქართველო დაელოდოს ჯანმოს გადაწყვეტილებას ვაქცინაციის ასაკის შემცირებასთან დაკავშირებით. ამ გადაწყვეტილებას ალბათ სექტემბერ-ოქტომბერში მიიღებს ჯანდაცვის მსოფლიო ორგანიზაცია, ოღონდ შერჩეულ ვაქცინებთან დაკავშირებით. ეს არ შეეხება არავითარ შემთხვევაში ყველა ვაქცინას“, - განაცხადა ჩხაიძემ. იმ შემთხვევაში კი, თუ ჯანმომ ვაქცინაციის ასაკის შემცირების გადაწყვეტილება არ მიიღო, ჩხაიძის განცხადებით, შესაძლოა, საქართველომ ევროპის ქვეყნების მსგავსად ინდივიდუალურად მიიღოს აღნიშნული გადაწყვეტილება. ამ დროისათვის ქვეყანაში პრეპარატ Pfizer-ით 16 წლიდან პირთა ვაქცინაცია მიმდინარეობს. რაც შეეხება 18 წლის და ზემოთ ასაკის პირებს, მათ არჩევნის გაკეთება შეუძლიათ პრეპარატ Pfizer-ს, Sinopharm-სა და Sinovac-ს შორის, ხოლო 45 წელს ზემოთ პირებს დამატებით AstraZeneca-ს არჩევაც შეუძლიათ. ქვეყანა კორონავირუსის მეოთხე ტალღას ებრძვის. ინფიცირების შემთხვევების ყოველდღიური მაჩვენებელი ძალზე მაღალია. ყველაზე მძიმე საქართველოში კორონავირუსის მეორე ტალღა იყო 2020 წლის შემოდგომაზე. მაშინ ინფიცირების ყოველდღიური მაჩვენებელი 4–5 ათასი იყო. ამჟამად ინფიცირების ყოველდღიურმა მაჩვენებელმა უკვე გადააჭარბა მეორე ტალღის დროს არსებულ საშუალო მონაცემებს.
https://sputnik-georgia.com/20210624/bavSvebis-acra-koronavirusze-jandacvis-msoflio-organizaciis-ganaxlebuli-rekomendaciebi-252111481.html
https://sputnik-georgia.com/20210826/janmo-gebreiesusi-axali-pandemia-semodgomistvis-258620724.html
https://sputnik-georgia.com/20210824/ganaxldeba-tu-ara-swavla-skolebsi-gamyrelize-258553015.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საზოგადოება, ახალი ამბები, საქართველო, covid-19
საზოგადოება, ახალი ამბები, საქართველო, covid-19
როგორ გადაწყდება საქართველოში ბავშვთა ვაქცინაციის საკითხი: ჩხაიძის განმარტება
19:23 29.08.2021 (განახლებულია: 18:13 17.08.2023) საქართველოში ეპიდემიოლოგიური ვითარება მკვეთრად გაუარესებულია. ინფიცირების ყოველდღიური მაჩვენებელი 4-5 ათასს აჭარბებს, აქედან დაახლოებით 400-500 ბავშვია
თბილისი, 29 აგვისტო - Sputnik. მოსალოდნელია, რომ ჯანდაცვის მსოფლიო ორგანიზაციამ (ჯანმო), მეოთხე ტალღის სიმძიმის გათვალისწინებით, ვაქცინაციის ასაკი შეამციროს, განაცხადა იმუნიზაციის ტექნიკურ მრჩეველთა ეროვნული ჯგუფის ხელმძღვანელმა, ივანე ჩხაიძემ.
ჩხაიძის განცხადებით, საქართველოში ბავშვების ინფიცირების ყოველდღიური მაჩვენებელი საკმაოდ დიდია და ის 400-500-ს შეადგენს. როგორც მან განმარტა, ინფიცირებული ბავშვების 95-97% არ საჭიროებს ჰოსპიტალიზაციას.
„ინფიცირებული ბავშვების მხოლოდ სამი, მაქსიმუმ ხუთი პროცენტისთვის ხდება აუცილებელი ჰოსპიტალში მოთავსება დაავადების მიმდინარეობის სიმძიმიდან გამომდინარე. თუმცა ისეთი პატარა ქვეყნისთვის, როგორიც საქართველოა, ყოველდღიურად 400-500 ინფიცირებული ბავშვი მართლაც მაღალი მაჩვენებელია“, - განაცხადა ჩხაიძემ.
იმუნიზაციის ტექნიკურ მრჩეველთა ეროვნული ჯგუფის ხელმძღვანელის განცხადებით, ჯერ არაა გადაწყვეტილი, 12-დან 15 წლამდე ასაკის მოზარდებში ვაქცინაციასთან დაკავშირებით როგორ უნდა მოიქცეს ქვეყანა.
„შესაძლოა, საქართველო დაელოდოს ჯანმოს გადაწყვეტილებას ვაქცინაციის ასაკის შემცირებასთან დაკავშირებით. ამ გადაწყვეტილებას ალბათ სექტემბერ-ოქტომბერში მიიღებს ჯანდაცვის მსოფლიო ორგანიზაცია, ოღონდ შერჩეულ ვაქცინებთან დაკავშირებით. ეს არ შეეხება არავითარ შემთხვევაში ყველა ვაქცინას“, - განაცხადა ჩხაიძემ.
იმ შემთხვევაში კი, თუ ჯანმომ ვაქცინაციის ასაკის შემცირების გადაწყვეტილება არ მიიღო, ჩხაიძის განცხადებით, შესაძლოა, საქართველომ ევროპის ქვეყნების მსგავსად ინდივიდუალურად მიიღოს აღნიშნული გადაწყვეტილება.
ამ დროისათვის ქვეყანაში პრეპარატ Pfizer-ით 16 წლიდან პირთა ვაქცინაცია მიმდინარეობს. რაც შეეხება 18 წლის და ზემოთ ასაკის პირებს, მათ არჩევნის გაკეთება შეუძლიათ პრეპარატ Pfizer-ს, Sinopharm-სა და Sinovac-ს შორის, ხოლო 45 წელს ზემოთ პირებს დამატებით AstraZeneca-ს არჩევაც შეუძლიათ. ქვეყანა კორონავირუსის მეოთხე ტალღას ებრძვის. ინფიცირების შემთხვევების ყოველდღიური მაჩვენებელი ძალზე მაღალია.
ყველაზე მძიმე საქართველოში კორონავირუსის მეორე ტალღა იყო 2020 წლის შემოდგომაზე. მაშინ ინფიცირების ყოველდღიური მაჩვენებელი 4–5 ათასი იყო. ამჟამად ინფიცირების ყოველდღიურმა მაჩვენებელმა უკვე გადააჭარბა მეორე ტალღის დროს არსებულ საშუალო მონაცემებს.
