https://sputnik-georgia.com/20210827/txilis-eqsporti-mtavrobis-gegma-258688005.html
საქართველო თხილის ექსპორტით მსოფლიოში მეორე ადგილის დაკავებას გეგმავს
საქართველო თხილის ექსპორტით მსოფლიოში მეორე ადგილის დაკავებას გეგმავს
Sputnik საქართველო
თხილის წარმოების ბიზნესი საქართველოში ძალზე წარმატებულია – ქვეყანა თხილის უმსხვილესი მწარმოებელი ქვეყნების სამეულშია თურქეთისა და იტალიის შემდეგ. 27.08.2021-ს, Sputnik საქართველო
2021-08-27T09:39+0400
2021-08-27T09:39+0400
2021-10-19T18:04+0400
საქართველოს ეკონომიკა
საქართველოს მთავრობა
საქართველოს სოფლის მეურნეობა
საქართველო
https://cdnn1.img.sputnik-georgia.com/img/24638/83/246388338_569:672:2341:1669_1920x0_80_0_0_3758cc09576c42333dd7c0117e9cda66.jpg
თბილისი, 27 აგვისტო – Sputnik. საქართველოს მთავრობა თხილის ექსპორტის გაზრდას და სიდიდით მეორე მწარმოებლის – იტალიის უკან ჩამოტოვებას გეგმავს. ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა.ეს განცხადება პრემიერმა თვითმმართველობის არჩევნებამდე ერთი თვით ადრე გააკეთა. ქვეყანაში აქტიური წინასაარჩევნო კამპანია მიმდინარეობს, ამიტომ მთავრობის მსგავს დაპირებებს ოპოზიცია პოპულისტურს უწოდებს.პრემიერის თქმით, საქართველოში ძალზე წარმატებულია თხილის ბიზნესი. ქვეყანა თხილის მწარმოებელი ხუთი ლიდერი ქვეყნის ჩამონათვალშია და მხოლოდ თურქეთსა და იტალიას ჩამორჩება.თხილი საქართველოს ერთ-ერთი მთავარი საექსპორტო პროდუქციაა. ის ძირითადად ევროკავშირის ქვეყნებში – გერმანიასა და იტალიაში, ასევე მეზობელ სომხეთსა და რუსეთში გადის.საქართველომ 2020 წლის 1 აგვისტოდან 2021 წლის 9 თებერვლამდე ექსპორტზე გაიტანა 81,2 მილიონი დოლარის ღირებულების 15,6 ათასი ტონა თხილი.2019/2020 წლების იმავე პერიოდთან შედარებით თხილის ექსპორტის მოცულობა ორჯერ, 5,2 ათასი ტონით გაიზარდა, ფულადი გამოსახულებით კი 27,7 მილიონი დოლარით (52%).სოფლის მეურნეობის სამინისტროში აღნიშნავენ, რომ 2016 წლიდან აზიური ფაროსანას და სოკოვანი დაავადებების გავრცელების გამო თხილის წარმოება (შესაბამისად, ექსპორტი) მცირდებოდა და 2018 წელს მინიმალურ ნიშნულს, 17 ათას ტონას მიაღწია.მავნებლებთან აქტიური და მიზანმიმართული ბრძოლის შედეგად 2020 წელს თხილის უხვი და მაღალი ხარისხის მოსავლის მიღება გახდა შესაძლებელი.
https://sputnik-georgia.com/20210813/saqartvelo-gvinis-eqsports-zrdis-252580655.html
https://sputnik-georgia.com/20210820/eqsporti-izrdeba-252628373.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველოს ეკონომიკა, საქართველოს მთავრობა , საქართველოს სოფლის მეურნეობა, საქართველო
საქართველოს ეკონომიკა, საქართველოს მთავრობა , საქართველოს სოფლის მეურნეობა, საქართველო
საქართველო თხილის ექსპორტით მსოფლიოში მეორე ადგილის დაკავებას გეგმავს
09:39 27.08.2021 (განახლებულია: 18:04 19.10.2021) თხილის წარმოების ბიზნესი საქართველოში ძალზე წარმატებულია – ქვეყანა თხილის უმსხვილესი მწარმოებელი ქვეყნების სამეულშია თურქეთისა და იტალიის შემდეგ.
თბილისი, 27 აგვისტო – Sputnik. საქართველოს მთავრობა თხილის ექსპორტის გაზრდას და სიდიდით მეორე მწარმოებლის – იტალიის უკან ჩამოტოვებას გეგმავს. ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა.
ეს განცხადება პრემიერმა თვითმმართველობის არჩევნებამდე ერთი თვით ადრე გააკეთა. ქვეყანაში აქტიური წინასაარჩევნო კამპანია მიმდინარეობს, ამიტომ მთავრობის მსგავს დაპირებებს ოპოზიცია პოპულისტურს უწოდებს.
„ჩვენი ამოცანა უნდა იყოს, ეტაპობრივად, სულ რამდენიმე წელიწადში გადავიდეთ მეორე ადგილზე. გვაქვს ამბიციური გეგმა და ხედვა, რომ თხილის წარმოების კუთხით საქართველო გახდეს მსოფლიოში მეორე მწარმოებელი ქვეყანა“, – განუცხადა ღარიბაშვილმა ჟურნალისტებს. პრემიერის თქმით, საქართველოში ძალზე წარმატებულია თხილის ბიზნესი. ქვეყანა თხილის მწარმოებელი ხუთი ლიდერი ქვეყნის ჩამონათვალშია და მხოლოდ თურქეთსა და იტალიას ჩამორჩება.
თხილი საქართველოს ერთ-ერთი მთავარი საექსპორტო პროდუქციაა. ის ძირითადად ევროკავშირის ქვეყნებში – გერმანიასა და იტალიაში, ასევე მეზობელ სომხეთსა და რუსეთში გადის.
საქართველომ 2020 წლის 1 აგვისტოდან 2021 წლის 9 თებერვლამდე ექსპორტზე გაიტანა 81,2 მილიონი დოლარის ღირებულების 15,6 ათასი ტონა თხილი.
2019/2020 წლების იმავე პერიოდთან შედარებით თხილის ექსპორტის მოცულობა ორჯერ, 5,2 ათასი ტონით გაიზარდა, ფულადი გამოსახულებით კი 27,7 მილიონი დოლარით (52%).
სოფლის მეურნეობის სამინისტროში აღნიშნავენ, რომ 2016 წლიდან აზიური ფაროსანას და სოკოვანი დაავადებების გავრცელების გამო თხილის წარმოება (შესაბამისად, ექსპორტი) მცირდებოდა და 2018 წელს მინიმალურ ნიშნულს, 17 ათას ტონას მიაღწია.
მავნებლებთან აქტიური და მიზანმიმართული ბრძოლის შედეგად 2020 წელს თხილის უხვი და მაღალი ხარისხის მოსავლის მიღება გახდა შესაძლებელი.
