საქართველოს ოლიმპიური ჩემპიონები მზად არიან ზურაბ ზვიადაურს თავდებში დაუდგნენ

© photo : Georgian National Olympic Committeeლაშა ბექაური
ლაშა ბექაური - Sputnik საქართველო, 1920, 18.08.2021
პროკურატურა ოლიმპიური ჩემპიონისთვის აღკვეთის ღონისძიების სახით პატიმრობის შეფარდებას მოითხოვს. ბრალდებას კატეგორიულად არ ეთანხმება დაცვის მხარე, რომელიც ამტკიცებს, რომ ზვიადაურს აუცილებელი მოგერიების ფარგლებისთვის არ გადაუცილებია.
თბილისი, 18 აგვისტო – Sputnik. ოლიმპიური ჩემპიონები ლაშა ბექაური და ლაშა ტალახაძე მზად არიან ზურაბ ზვიადაურს თავდებში დაუდგნენ. ამის შესახებ ბრალის წარდგენის შემდეგ ზურაბ ზვიადაურის ადვოკატმა კახა ცნობილაძემ განაცხადა.
კახეთის სოფელ წინანდალში მომხდარი მკვლელობის საქმეზე დაკავებულ პირებს, ოლიმპიურ ჩემპიონს ძიუდოში და საქართველოს პარლამენტის ყოფილ დეპუტატს ზურაბ ზვიადაურსა და ჯაბა ჯანგირაშვილს ბრალი ოფიციალურად დღეს წარედგინათ.
პროკურატურა ბრალდებულებისთვის აღკვეთის ღონისძიების სახით პატიმრობის შეფარდების შუამდგომლობით თელავის რაიონულ სასამართლოს დღესვე მიმართავს.
ბრალდებას კატეგორიულად არ ეთანხმება დაცვის მხარე, რომელიც ამტკიცებს, რომ ზვიადაურს აუცილებელი მოგერიების ფარგლებისთვის არ გადაუცილებია
როგორც ზვიადაურის ადვოკატმა განაცხადა, მისი დაცვის ქვეშ მყოფი წარდგენილ ბრალდებაში თავს დამნაშავედ არ ცნობს. მისი ინფორმაციით, გარდა ბექაურისა და ტალახაძისა, შესაძლოა კიდევ რამდენიმე ცნობილმა ადამიანმა გამოთქვას თავდებობის სურვილი.
„ეს იყო აუცილებელი მოგერიების შემთხვევა. მას აქვს იარაღის ტარების კანონიერი უფლება და ის მოქმედებდა კანონის ფარგლებში. ზვიადაური ვალდებული იყო ასე მოქცეულიყო, რათა დაეცვა თავისი თავიც და სხვისი სიცოცხლეც“, – განაცხადა ცნობილაძემ.
საქართველოს პროკურატურა - Sputnik საქართველო, 1920, 18.08.2021
ზურაბ ზვიადაურსა და ჯაბა ჯანგირაშვილს ბრალი ოფიციალურად წარედგინათ
მისი ინფორმაციით, წინანდალში არანაირი ბიზნეს-წილების შესახებ არ ყოფილა დაპირისპირება და ჩხუბის მიზეზი მხოლოდ ყოფითი საკითხი გახდა.
მიმდინარე წლის 16 აგვისტოს თელავის მუნიციპალიტეტის სოფელ წინანდლის მიმდებარე ტერიტორიაზე რამდენიმე პირს შორის ყოფით ნიადაგზე დაწყებული ურთიერთშელაპარაკება ფიზიკურ დაპირისპირებაში გადაიზარდა. აღნიშნული დაპირისპირებისას ვასილ ცოცხალაშვილმა ამჟამად ბრალდებულის სახით დაკავებული ჯაბა ჯანგირაშვილის სახელზე რეგისტრირებული ცეცხლსასროლი იარაღიდან ცეცხლი გახსნა, რასაც ამ დაპირისპირებაში მონაწილე ნიკოლოზ კენჭოშვილის მხრიდან ასევე ცეცხლსასროლი იარაღიდან საპასუხო სროლა მოჰყვა.
შედეგად, კენჭოშვილის მიერ განხორციელებული სროლის შედეგად ოთხი პირი დაიჭრა. მიღებული დაზიანებების შედეგად ორი პირი – ზურაბ ზვიადაურის ძმა ზვიად ზვიადაური და მისი მეგობარი ვასილ ცოცხალაშვილი შემთხვევის ადგილზე გარდაიცვალნენ, ხოლო ორს შესაბამისი სამედიცინო დახმარება ჩაუტარდა.
ზურაბ ზვიადაური - Sputnik საქართველო, 1920, 17.08.2021
მკვლელობა კახეთში: ზურაბ ზვიადაური დუმილის უფლებას იყენებს
გამოძიებით ასევე დგინდება, რომ მომხდარი დაპირისპირებისას ცეცხლსასროლი იარაღიდან გასროლა განახორციელა ბრალდებულის სახით დაკავებულმა ზურაბ ზვიადაურმაც, რა დროსაც სასიკვდილოდ დაიჭრა ნიკოლოზ კენჭოშვილი.
სამართალდამცველებმა საქმეში ბრალდებულები ზურაბ ზვიადაური და ჯაბა ჯანგირაშვილი 17 აგვისტოს დააკავეს. ზვიადაურს ბრალდება განზრახ მკვლელობის მუხლით წარედგინა, რაც სასჯელის სახედ და ზომად 8-დან 15 წლამდე ვადით თავისუფლების აღკვეთას ითვალისწინებს. რაც შეეხება ჯაბა ჯანგირაშვილს, მას ბრალად ედება ცეცხლსასროლი იარაღის დაუდევრად შენახვა, რითიც შეიქმნა პირობა მისი სხვა პირის მიერ გამოყენებისათვის, რამაც მძიმე შედეგი გამოიწვია. ჯანგირაშვილს 3 წლამდე თავისუფლების აღკვეთა ემუქრება.
თელავის სასამართლო აღკვეთის ღონისძიების შერჩევის საკითხს უახლოეს საათებში განიხილავს.
 
ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური俄罗斯卫星通讯社中文(简体)ჩინური (გამარტ.)俄罗斯卫星通讯社中文(繁体)ჩინური (ტრად.)
სამხრეთი ამერიკა
BrasilPortuguêsპორტუგალიური