საქართველომ აზიური ფაროსანა დაამარცხა

© photo: National Food Agency / FBბრძოლა აზიურ ფაროსანასთან
ბრძოლა აზიურ ფაროსანასთან - Sputnik საქართველო
გამოწერა
დასავლეთ საქართველოში მავნებლის საწინააღმდეგო ქიმიკატებით 110 ათასი ჰექტარი დამუშავდა

თბილისი, 5 აგვისტო — Sputnik. დასავლეთ საქართველომ, რომელიც ბოლო ოთხი წლის განმავლობაში აქტიურად ებრძვის აზიურ ფაროსანას, თავისუფლად ამოისუნთქა, რეგიონში მავნებელი პრაქტიკულად აღარსად არ ჩანს. ამის შესახებ ისაუბრეს ადგილობრივებმა ტელეკომპანია Imedi-ს ეთერში.

მათი თქმით, ხეხილის ბაღების შესაწამლი სამუშაოები გრძელდება, ზოგიერთი ფერმერი სამჯერ, ზოგი კი ხუთჯერ წამლავს. ყველა ფერმერი, რომელმაც წელს შესაწამლი სამუშაოები ჩაატარა, კარგ მოსავალს ელოდება.

თხილის გადამამუშავებელი საწარმო სენაკში - Sputnik საქართველო
საქართველოში წელს თხილის კარგ მოსავალს ელიან

მიხეილ ცქიტაიშვილი გურიაში ცხოვრობს. რამდენიმე დღეში თავის თხილის ბაღში შესაწამლ სამუშაოებს დაიწყებს. ბაღის დამუშავებას მეექვსედ აპირებს, რათა მოსავლის აღება დაიწყოს. წელს ის თხილის მოსავლის ხარისხით კმაყოფილია და ბაღში ვერ პოულობს ვერცერთ მავნებელს, რომელსაც ის უკვე ორი წელია გამალებით ებრძვის.

„ველოდები დაახლოებით ერთ ტონა თხილის მოსავალს ნახევარ ჰექტარ მიწაზე. შარშან პატარა მოსავალი იყო, სადღაც 300-350 კგ“, - განაცხადა ცქიტაიშვილმა.

უხვ მოსავალს ელოდებიან სამეგრელოშიც. თედორაძეების ოჯახში ბოლო სამი წლის განმავლობაში წელს პირველად აიღეს ქლიავის, ვაშლის, თხილის, სიმინდის, კიტრისა და პომიდვრის მოსავალი.

აზიურ ფაროსანასთან საბრძოლველად თერმულ ნისლს გამოიყენებენ >>

სირთულეების მიუხედავად, საქართველოს თხილის ბაღების რიცხვი იზრდება. შესაბამისად, თხილის მწარმოებელთა ასოციაციის წევრთა რიცხვი ერთი წლის განმავლობაში 1,5 ათასიდან 15 ათასამდე გაიზარდა.

თხილის გადარჩენის პროგრამაში ჩართულ ფერმერებს სახელმწიფო დაეხმარა სპეციალური შესაწამლი აპარატებით, გადამზადდა სპეციალისტები და მავნებლის გასანადგურებლად დიდი კამპანია ჩატარდა. ფერმერებს ასწავლეს, როგორ უნდა ებრძოლონ სწორად ფაროსანას, ასევე სოკოვან დაავადებებს, რომელიც ასევე აზიანებს თხილის ბაღებს.

ფაროსანასთან ბრძოლა - Sputnik საქართველო
ფაროსანასთან ბრძოლა: უცხოელი სპეციალისტები ქართულ გამოცდილებას ეცნობიან

აბაშაში სადღეღამისო რეჟიმში მუშაობს სპეციალური შტაბი, სადაც აცნობენ ინფორმაციას იმის შესახებ, სად ფიქსირდება მავნებელი და იგეგმება ღონისძიებები.

დასავლეთ საქართველოში შესაწამლი სამუშაოები 110 ათას ჰექტარ მიწაზე ჩატარდა სამეგრელოში, გურიასა და აჭარაში, დაიდგა 36 ათასი დამჭერი ფერომონი. სპეციალისტები აღნიშნავენ, რომ მიმდინარე ღონისძიებების შედეგად აზიური ფაროსანას რაოდენობა საგრძნობლად შემცირდა და კონტროლს ექვემდებარება.

„ყველა ღონისძიება, რომელიც ჩატარდა თითოეულ ფერმერთან ერთად, ფერმერთა ასოციაციასთან, თავისი მასშტაბურობის კუთხით იყო უპრეცედენტო კამპანია და საქართველო თხილის მწარმოებელთა ქვეყნებს შორის დაიბრუნებს თავის პოზიციებს, რომელიც მან ბოლო რამდენიმე წლის განმავლობაში დაკარგა სხვადასხვა გამოწვევის გამო, მათ შორის აზიური ფაროსანის გამო“, - განაცხადა გარემოს დაცვისა და სოფლის მეურნეობის მინისტრმა ლევან დავითაშვილმა.

ფაროსანა იღვიძებს: ქვეყანა მზადაა მავნებელთან ბრძოლისთვის >>

აზიური ფაროსანა საქართველოში 2015 წელს გამოჩნდა და ის, სავარაუდოდ, აფხაზეთიდან გავრცელდა. მან თხილისა და ციტრუსის მოსავლის დიდი ნაწილი გაანადგურა. აზიური ფაროსანას წინააღმდეგ ბრძოლის საქართველოს მთავრობის პროექტი სამ ძირითად მიმართულებას მოიცავს: აქტიური საინფორმაციო კამპანია, სრულმასშტაბიანი მონიტორინგი და ქიმიური შეწამვლა.

ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური