თბილისი, 24 აპრილი — Sputnik. საქართველოს ძიუდოისტთა ნაკრებმა ყაზანის ევროპის გუნდური ჩემპიონატის ფინალში რუსეთის ნაკრები დაამარცხა და ევროპის რვაგზის ჩემპიონი გახდა.
პირველი ტატამზე ვაჟა მარგველაშვილი გავიდა (-66), რომელიც რუსმა სპორტსმენმა შეხვედრის ბოლოს იპონზე დააგდო და ანგარიშით 0:1 დამარცხდა.
ტატამზე ვაჟა მარგველაშვილი ნუგზარ ტატალაშვილმა (-73) შეცვალა, რომელმაც საბოლოო ანგარიში 1:1 გაათანაბრა.
ავთანდილ ჭრიკიშვილმა (-81) რუსი მეტოქე ჯერ ვაზარზე, შემდეგ კი იპონზე დააგდო და საქართველოს ნაკრები დააწინაურა (2:1).
ვარლამ ლიპარტელიანმა რუს სპორტსმენთან გამარჯვებით საქართველოს ნაკრებს გადამწყვეტი გამარჯვება მოუტანა.
ბოლო ფორმალური შეხვედრა ლევან მატიაშვილსა და რუს მეტოქეს შორის დამატებით დროში გადავიდა.
რაც შეეხება რუსეთის გუნდს, მან ნახევარფინალში საფრანგეთს 3:2 სძლია.
ფინალში გავიდნენ რუსი ქალი ძიუდოისტები, რომლებმაც ნახევარფინალში ფრანგი ძიუდოისტი ქალები დაამარცხეს. ფინალში რუსი ძიუდოისტები პოლონელ სპორტსმენებს შეებრძოლენ და დამარცხდნენ.
საქართველოს ნაკრებმა გუნდურ ასპარეზობაში რუსეთს ანგარიშით 3:2 სძლია.
ევროპის პირველობა ყაზანში ქართული ჰიმნით დასრულდა.
