თბილისი, 19 მარტი — Sputnik. ამჟამად როსტოვში კვლავ უამინდობაა. მეტეოროლოგოური პროგნოზი არაპოზიტიურია, მოდის სველი თოვლი რომელსაც ქარი ახლავ თან. საგანგებო სიტუაციების სამინისტროს სინოპტიკოსთა პროგნოზით, მსგავსი ამინდი 20 მარტამდე გასტანს.
დონის როსტოვის აეროპორტი დახურულია ყველა როგორც შემომავალი, ისე გამავალი რეისისათვის. თვითმფრინავები 20 (21) მარტამდე არ გაფრინდება, რადგან ჯერჯერობით უცნობია რამდენ ხანს გაგრძელდება საავარიო-სამაშველო სამუშაოები. ყველა საერთაშორისო და შიდა რეისი გადამისამართებულია აეროპორტ „პაშკოვსკში“ ქალაქ კრასნოდარში.
აეროპორტის ავტოსადგომზე მოგროვდა 30-40 ავტობუსი, რომელთაც მგზავრები კრასნოდარში უნდა გადაიყვანონ. ავტობუსებს ის მგზავრები გადაჰყავთ, რომლებიც როსტოვიდან უნდა გაფრენილიყვნენ და რაიმე მიზეზის გამო ვერ შეძლეს ბილეთების დაბრუნება. კრასნოდარიდან ხალხს სხვა რეისებზე გადაამისამართებენ მათი დანიშნულების ადგილის მიხედვით, ეს ეხება საერთაშორისო რეისებსაც. ყველა ავიაკომპანია ამ სიტუაციაში შეეცდება დაეხმაროს მგზავრებს, რომლებიც როსტოვიდან უნდა გაფრენილიყვნენ.
ამასთან, აეროპორტის ხელმძღვანელობამ განაცხადა, რომ ყველა მსურველს საშუალება ექნება დააბრუნოს ბილეთები და უარი თქვას დღეს ან ხვალ გაფრენაზე. ხალხს ბილეთების ფულს სრულად აუნაზღაურებენ.
უკვე შესაძლებელია იმის თქმა, რომ აეროპორტში სიტუაცია ნაკლებ დაძაბულია, თუმცა მუდმივად შემოდიან ავტომანქანები მაშველებით უკვე ვოლგოგრადის ოლქიდან, კრასნოდარისა და სტავროპოლის მხარიდან.
ერთ-ერთი მაშველის განცხადებით, რთული მეტეოროლოგიური პირობების გამო, სავარაუდოდ გვიან ღამემდე, შესაძლოა უფრო დიდხანაც იმუშავებენ.
აეროპორტის ხელმძღვანელობამ საინფორმაციო დაფაზე დაღუპული მგზავრების სია გამოიტანა. იქ 62 სახელია. დაღუპულებს შორის არიან უკრაინისა და უზბეკეთის მოქალაქეები, ერთი — ინდოეთის მოქალაქეა.
იმავე ტერმინალში დაღუპულთა ახლობლები იმყოფებიან. მათთან ფსიქოლოგები და მედიკოსები მუშაობენ. ასევე მუსმივად ეკონტაქტებიან როსტოვის ოლქის ადმინისტრაციის წარმომადგენლები. ისინი გამოკითხვას აწარმოებენ, რომლითაც შემდგომში შესაძლებელი გახდება დახმარების თანხის მიღება.
დაღუპულთა ახლობლებისათვის კომპენსაციის თანხა ჯერ არ არის განსაზღვრული. გადახდა როსტოვის ოლქის ბიუჯეტიდან მოხდება. ოლქის გუბერნატორმა შესაბამისი განკარგულება გასცა, რომ არც ერთი ადამიანი არ დარჩეს კომპენსაციის გარეშე.
უცხოელი მოქალაქეებისათვის კომპენსაციის საკითხი ჯერ არ არის გადაწყვეტილი. ტრაგედიის ადგილზე უკვე უმყოფებიან რუსეთის საგარეო საქმეთა სამინისტროსა და უცხოური საკონსულოების წარმომადგენლები.
უახლოეს ხანებში ელოდებიან, რომ როსტოვის აეროპორტში საგანდებო სიტუაციათა მინისტი ვლადიმირ პუჩკოვი და რუსეთის პრეზიდენტის წარმომადგენელი სამხრეთ ფედერალურ ოლქში ვლადიმირ უსტინოვი ჩავლენ, რომლებიც კატასტროფის ადგილის გაცნობის შემდეგ, ჟურნალისტებს შეხვდებიან.
