რუსეთის საგანგებო სიტუაციების სამინისტროს თანამშრომლები განაგრძობენ ჩაბნელებული ყირიმის მოსახლეობის ყველა საჭიროებით უზრუნველყოფას. იხილეთ ვიდეო, თუ როგორ ამარაგებენ ელექტროენერგიით სოციალური მნიშვნელობის ობიექტებს მაშველები და როგორ მუშაობენ საყოფაცხოვრებო უზრუნველყოფის ქალაქები.
მაშველებმა ელექტროენერგიის 10 გენერატორი გადასცეს სახელმწიფო უნიტარულ საწარმოს "სევასტოპოლის სააფთიაქო ქსელი". ამის შესახებ ინფორმაცია გაავრცელა ორგანიზაციის დირექტორმა რუსლან მუსტაფინმა.
ასევე ელექტროენერგიის ახალი გენერატორითაა უზრუნველყოფილი ბავშვთა სახლი-ინტერნატი მას შემდეგ, რაც ძველი აგრეგატი მწყობრიდან გამოვიდა. დაწესებულების დირექტორის ნიკოლოს ჭოველიძის თქმით, ამ დროისათვის ელექტროენერგიის პრობლემა არ არსებობს.
"გენერატორი მალე მოგვიტანეს, მოვიდა რაიონული ელექტროენერგიის ქსელებიდან ბრიგადა, ერთი საათის განმავლობაში მიაერთეს, გენერატორი საჭირო სიმძლავრით მუშაობს", — განაცხადა მან.
უკრაინის ხერსონის ოლქში დაზიანდა ელექტროგადამცემი ხაზების საყრდენები, რომლებისგავლითაც ელექტროენერგიით მარაგდებოდა ყირიმი. 22 ნოემბრიდან ნახევარკუნძულს უკრაინიდან ელექტროენერგიის მიწოდება სრულად შეუწყდა. ყირიმსა და სევასტოპოლში საგანგებო სიტუაციაა გამოცხადებული, ელექტროენერგიაზე დაწესებულია გრაფიკი.
