03:30 21 სექტემბერი 2019
პირდაპირი ეთერი
  • EUR3.2860
  • 100 RUB4.6659
  • USD2.9759
სვანეთი. ჰაწვალი

National Geographic-ი საქართველოს რეკლამას იწყებს

photo: courtesy of Elizabeth Joudro
ტურიზმი
მოკლე ბმულის მიღება
საქართველო - ტურისტული ცენტრი–2018 (408)
11510

ინტერნეტ-კამპანიის დახმარებით საქართველოს შესახებ ევროპასა და ახლო აღმოსავლეთში 4,5 მილიონზე მეტი ადამიანი შეიტყობს

თბილისი, 1 მაისი — Sputnik. საქართველოს ტურიზმის ეროვნული ადმინისტრაცია პოპულარულ სამოგზაურო ჟურნალ National Geographic-თან ერთად საქართველოს ტურისტული პოტენციალის პოპულარიზაციის მიზნით მასშტაბურ მარკეტინგულ ინტერნეტ-კამპანიას იწყებს.

კამპანიის პრეზენტაცია სპეციალურ პრესკონფერენციაზე წარადგინეს საქართველოს ტურიზმის ეროვნული ადმინისტრაციის უფროსმა გიორგი ჩოგოვაძემ და National Geographic-ის ცენტრალური ოფისის ვიცე-პრეზიდენტმა ანაბელ კანველმა.

ახალი მარკეტინგული კამპანიის ღირებულება 250 000 ევროს შეადგენს და მისი მთავარი ამოცანაა — საქართველოში ზაფხულის და შემოდგომის ტურისტული სეზონის პოპულარიზაცია და ქვეყნის ტურისტული პოტენციალის დემონსტრაცია.

National Geographic Traveler–მა ბათუმი ევროპის საუკეთესო ქალაქების ათეულში დაასახელა >>

ინტერნეტ-კამპანია ევროპისა და ახლო აღმოსავლეთ ქვეყნებში 4,5 მილიონზე მეტ ადამიანს დაფარავს. კამპანიის ფარგლებში National Geographic-ის მთავარ გვერდზე საქართველოს შესახებ ფოტო და ვიდეომასალები განთავსდება.

სპეციალური ონლაინ-ბანერები განთავსდება ვებგვერდზე შემდეგ განყოფილებებში — Travel (მოგზაურობა), Adventure (თავგადასავალი) და History (ისტორია). National Geographic-ის Facebook-გვერდზეც საქართველოს რეკლამა გავა.

გასული წლის ივნისში National Geographic-მა საქართველოს სპეციალური გამოშვება მიუძღვნა. ჟურნალი შეზღუდული ტირაჟით რუსულ და ინგლისურ ენებზე გამოვიდა — სულ 35 ათასი ეგზემპლარი. აქედან 30 000 იყო გათვლილი რუსეთსა და ყაზახეთზე, დანარჩენი 5 000 მსოფლიოს სხვადასხვა ქვეყნებში საქართველოს საელჩოებში გაიგზავნა.

თემები:
საქართველო - ტურისტული ცენტრი–2018 (408)

მთავარი თემები