მუშაობა საპატიმრო ვადის შესამცირებლად: სიახლე საქართველოს ციხეებში

© AFP 2024 / Mike LEYRAL საკანი ციხეში. არქივის ფოტო
საკანი ციხეში. არქივის ფოტო - Sputnik საქართველო
გამოწერა
ცნობილი გახდა, რა პრინციპით სურს საქართველოს ხელისუფლებას პატიმრობის ვადის შემცირება იმ მსჯავრდებულთათვის, რომლებიც ციხეში მუშაობენ

თბილისი, 23 დეკემბერი — Sputnik. ციხეში პატიმრობის ვადის შესამცირებლად საქართველოს ხელისუფლება ახალი მექანიზმების დანერგვას აპირებს, განაცხადა სასჯელაღსრულებისა და პრობაციის მინისტრმა კახა კახიშვილმა პარლამენტში.

ციხის საკანი - Sputnik საქართველო
პატიმრებს თავისუფლებისთვის მოამზადებენ

მისი თქმით, ერთი სამუშაო დღე პატიმრობის ერთ დღეს გაუტოლდება.

„ეს იქნება რევოლუციური საკანონმდებლო ცვლილება, რომელსაც 2018 წელს წარმოვადგენთ და რომელიც შეეხება მსჯავრდებულისთვის სასჯელის შემცირებას, თუ ის იმუშავებს. ეს იქნება სტიმული იმისა, რომ მათ უფრო მეტად იფიქრონ დასაქმებაზე, შეიმცირონ სასჯელი და არ იფიქრონ კრიმინალურ ავტორიტეტებსა და მათ ადათ-წესებზე“, — განაცხადა კახიშვილმა.

საქართველოს კანონმდებლობის მიხედვით, სამინისტრო მსჯავრდებულებთან გარკვეული სამუშაოების შესრულებაზე შრომით კონტრაქტებს აფორმებს. სამუშაოდან თავისუფალ დროს მსჯავრდებულები საპატიმროს საამქროებში საკუთარი პროდუქციის წარმოებასა და ონლაინ-მაღაზიაში გაყიდვას შეძლებენ.

გარდა ამისა, პატიმრებს ასაქმებენ ის კომპანიები, რომლებსაც საპატიმროს ტერიტორიაზე წარმოების გახსნის ნებართვა გააჩნიათ.


ყველა ახალი ამბავი
0