ზალკალიანი საერთაშორისო პარტნიორებს არჩევნების მონიტორინგისთვის მადლობას უხდის

© photo: MFA of Georgia / FBდავით ზალკალიანი
დავით ზალკალიანი - Sputnik საქართველო
გამოწერა
საერთაშორისო სადამკვირვებლო მისიებმა საქართველოში 31 ოქტომბრის არჩევნები კონკურენტულ, თავისუფალ და დემოკრატიულ არჩევნებად აღიარეს.

თბილისი, 1 ნოემბერი - Sputnik. ჩვენი პარტნიორები და მეგობრები მაღალ შეფასებას აძლევენ ახალი საარჩევნო სისტემით ჩატარებული არჩევნების მნიშვნელობას საქართველოს შემდგომი განვითარებისთვის, წერს საქართველოს საგარეო საქმეთა მინისტრი დავით ზალკალიანი სოციალურ ქსელში.

ხმების დათვლა არჩევნებზე - Sputnik საქართველო
აშშ-ის საელჩო ეუთო/ოდირის პირველად შეფასებას იზიარებს 

საქართველოში 31 ოქტომბერს საპარლამენტო არჩევნები შერეული სისტემით გაიმართა, რომელშიც 48 პარტიამ და ორმა საარჩევნო ბლოკმა მიიღო მონაწილეობა. ქვეყნის მოსახლეობამ 150 დეპუტატიდან 120 პარტიული სიით (პროპორციული სისტემა), 30 კი მაჟორიტარული წესით აირჩია.

ზალკალიანი მადლობას უხდის საერთაშორისო პარტნიორებს საქართველოს საპარლამენტო არჩევნების მონიტორინგისა და ქვეყანაში დემოკრატიის შემდგომი კონსოლიდაციის მხარდაჭერისთვის.

„ჩვენი პარტნიორები უსვამენ არჩევნების თავისუფალ და პლურალისტურ გარემოში ჩატარებას და გამოთქვამენ მზადყოფნას, ითანამშრომლონ საქართველოს ხელისუფლებასთან იმ რეკომენდაციების გათვალისწინების მიზნით, რაც ხელს შეუწყობს საქართველოს დემოკრატიულ განვითარებას, ასევე დასავლური ღირებულებების ერთგულების გზით ქვეყნის ევროპულ და ევრო-ატლანტიკური ინტეგრაციის პროცესის წარმატებას!“ - წერს დავით ზალკალიანი.
არჩევნები -2020 - Sputnik საქართველო
ISFED ხმების პარალელური დათვლის შედეგებს აქვეყნებს

საერთაშორისო სადამკვირვებლო მისიებმა საქართველოში 31 ოქტომბრის არჩევნები კონკურენტულ, თავისუფალ და დემოკრატიულ არჩევნებად აღიარეს.

ცესკოს მონაცემებით, მმართველმა გუნდმა ამომრჩევლის ხმების 48,15% მიიღო, მთავარმა ოპოზიციურმა ძალამ, საარჩევნო ბლოკმა „ერთიანი ნაციონალური მოძრაობა – ძალა ერთობაშია“ – 27,14%. მეათე მოწვევის პარლამენტში სულ 9 პოლიტიკური სუბიექტი – 7 პარტია და ორი საარჩევნო ბლოკი შედის.

თავისუფალი, თუმცა არა სრულყოფილი: საერთაშორისო ორგანიზაციებმა არჩევნები შეაფასეს >>

საპარლამენტო არჩევნებში მონაწილეობის უფლება 3,5 მილიონზე მეტ მოქალაქეს ჰქონდა, მათთვის 3,8 ათასზე მეტი საარჩევნო უბანი იყო გახსნილი. ამომრჩევლის აქტივობამ 56,11% შეადგინა. კენჭისყრის დღეს საკუთარი პოზიცია დააფიქსირა 1 970 540–მა მოქალაქემ.

 

ყველა ახალი ამბავი
0