01:46 15 ოქტომბერი 2019
პირდაპირი ეთერი
  • EUR3.2778
  • 100 RUB4.6307
  • USD2.9701
მამუკა ბახტაძე

პრემიერი: საქართველო კორუფციასთან ბრძოლაში ლიდერია

© FB / Mamuka Bakhtadze
პოლიტიკა
მოკლე ბმულის მიღება
საქართველო კორუფციის წინააღმდეგ (13)
130 0 0

კორუფციასთან ბრძოლის კუთხით საერთაშორისო ორგანიზაციების  მაღალი შეფასებების მიუხედავად, მთავრობა ამ მიმართულებით მაჩვენებლების გაუმჯობესებას გეგმავს

თბილისი,  1 თებერვალი — Sputnik.  საქართველო კორუფციასთან ბრძოლაში ერთ–ერთი ლიდერი–ქვეყანაა, განაცხადა პრემიერ–მინისტრმა მამუკა ბახტაძემ პარასკევს გამართულ ბრიფინგზე.

მსოფლიო ბანკის კვლევის „გლობალური მმართველობის ინდიკატორების“ თანახმად, საქართველომ კორუფციის კონტროლისა და მმართველობის  ეფექტიანობის  მიხედვით  100–დან 77,4 ქულა დააგროვა და 1996 წლიდან ისტორიულ მაქსიმუმს მიაღწია. ასე, რომ საქართველო კორუფციასთნ ბრძოლის ლიდერი–ქვეყნების სიაში შევიდა და ბევრი ევროპული სახელმწიფო ჩამოიტოვა.

ბახტაძის განცხადებით,  მოცემული ფაქტი მრავალი საერთაშორისო ორგანიზაციის კვლევებში აღინიშნა. 

 „საქართველომ კორუფციის დაბალი რისკისა  და მმართველობის ეფექტურობის თვალსაზრისით საერთაშორისო რეიტინგებში წინ გაიჭრა. ეს არის კონკრეტული ფაქტები, ეს არის საერთაშორისო ორგანიზაციების შეფასება... და  ჩვენი ამოცანაა ყოველივე ამის გაძლიერება და გაუმჯობესება“, – განაცხადა ბახტაძემ.

საქართველომ კორუფციის აღქმის ინდექსში, რომელსაც ყოველწლიურად არასამთავრობო ორგანიზაცია „საერთაშორისო გამჭვირვალობა" (Transparency International) ადგენს, პოზიციები გაიუმჯობესა და მსოფლიოს 180 ქვეყანას შორის 41-ე ადგილზე განთავსდა. კორუფციის აღქმის ინდექსს Transparency International-ი გამოკითხვების საფუძველზე ადგენს, რომლებსაც ექსპერტთა შორის და საქმიან წრეებში ატარებს. 

საქართველომ 2018 წელს 58 ქულა მიიღო, რაც ორი ქულით მეტია 2017 წლის მაჩვენებელთან შედარებით. ამით ქვეყანამ საკუთარი პოზიციები ხუთი საფეხურით გაიუმჯობესა და 41-ე ადგილზე გადავიდა. 2017 წელს საქართველო 46-ე ადგილზე იყო. რეიტინგში 41-ე ადგილი საქართველომ ლატვიასთან, ესპანეთთან და სენტ-ვინსენტი და გრენადინებთან გაიყო. ამასთან, საქართველოს ცენტრალურ აზიასა და აღმოსავლეთ ევროპის რეგიონში ყველაზე კარგი მაჩვენებელი აქვს.

თემები:
საქართველო კორუფციის წინააღმდეგ (13)

მთავარი თემები