11:42 08 დეკემბერი 2019
პირდაპირი ეთერი
  • EUR3.2690
  • 100 RUB4.6218
  • USD2.9466
თბილისის საქალაქო სასამართლოს შესასვლელი

სასამართლომ 18 ნოემბერს აქციაზე დაკავებული პირები დარბაზიდან გაათავისუფლა

© Sputnik / Shota Nozadze
შემთხვევები
მოკლე ბმულის მიღება
ახალი საპროტესტო ტალღა თბილისში: 2019 წლის ნოემბერი (158)
66 0 0

დღეს ადმინისტრაციული პატიმრობიდან გათავისუფლებული პირების საქმის განხილვა 20 ნოემბრის, 13:00 საათიდან დაიწყება.

თბილისი, 19 ნოემბერი — Sputnik. თბილისის საქალაქო სასამართლომ 18 ნოემბერს პარლამენტთან საპროტესტო აქციაზე დაკავებული 12 პირი დარბაზიდან გაათავისუფლა.

დაკავებულებს შორის არიან სამოქალაქო აქტივისტები ზუკა ბერძენიშვილი, გიგა მაქარაშვილი, ადვოკატი ბექა ბასილაია და სხვები.

როგორც ზუკა ბერძენიშვილმა სასამართლო დარბაზიდან გამოსვლისას განაცხადა, დღეს 37-ვე პირი ეტაპობრივად გათავისუფლდება.

ხულიგნობისა და დაუმორჩილებლობის ბრალდებით დაკავებული 37 ადამიანი სასამართლოს გადაწყვეტილებას დილიდან ელოდებოდა. ყველა მათგანის საქმეს ერთი მოსამართლე იხილავდა. აღსანიშნავია, რომ დაკავებულების ადმინისტრაციული პატიმრობის 24-საათიანი ვადა დღეს დილით ამოიწურა. ოპოზიციის ლიდერები აცხადებდნენ, რომ დაკავებულებს თავისუფლება უკანონოდ ჰქონდათ შეზღუდული.

დღეს გათავისუფლებული პირების საქმის განხილვა 20 ნოემბერს, 13:00 საათიდან დაიწყება.

სასამართლოს შენობის მიმდებარე ტერიტორიაზე სასამართლო გადაწყვეტილებას ელოდებოდნენ ოპოზიციის ლიდერები, დაკავებულების ახლობლები და სამოქალაქო აქტივისტები, რომლებიც გათავისუფლებულებს შეძახილებით და ოვაციებით შეხვდნენ.

საპროტესტო აქციის მონაწილეები ორშაბათს პარლამენტის პიკეტირებისას ჩიტაძის ქუჩაზე დააკავებს.

პიკეტები ყოველ ორშაბათს: ოპოზიციამ გეგმები გაახმოვანა >>

თბილისში საპროტესტო აქცია 14 ნოემბრიდან მიმდინარეობს, მას შემდეგ, რაც პარლამენტმა 2020 წლის საპარლამენტო არჩევნების პროპორციული სისტემით ჩატარების შესახებ კონსტიტუციაში ცვლილების შეტანა ჩააგდო. 17 ნოემბრიდან პარლამენტის ყველა შენობასთან გაშლილი იყო კარვები, მმართველი პარტიის დეპუტატებს შენობაში შესვლის საშუალებას არ აძლევდნენ. 

 

თემები:
ახალი საპროტესტო ტალღა თბილისში: 2019 წლის ნოემბერი (158)

მთავარი თემები