ყაჩაღობის ბრალდებით დაკავებულს „დანა ნაცარში ჩაუვარდა“

© AP Photo / Patrick Semanskyდაკავება
დაკავება - Sputnik საქართველო
გამოწერა
ბრალდებული ერთ-ერთ მაღაზიაში ფულის გამოძალვის მიზნით ცივი იარაღით შეიჭრა.

თბილისი, 8 დეკემბერი — Sputnik. შინაგან საქმეთა სამინისტროს თანამშრომლებმა ქალაქ რუსთავში ჩადენილი ყაჩაღობის ბრალდებით ერთი პირი დააკავეს, ნათქვამია უწყების მიერ გავრცელებულ განცხადებაში.

დაკავება - Sputnik საქართველო
თავადასხმა იმერეთში - პოლიციამ ყაჩაღური დაჯგუფების წევრები დააკავა

სამართალდამცველებმა 1987 წელს დაბადებული, წარსულში მრავალჯერ ნასამართლევი პირი შემთხვევის ადგილიდან მიმალვის მცდელობისას დააკავეს.

„გამოძიებამ დაადგინა, რომ არაფხიზელ მდგომარეობაში მყოფი გ.ა. რუსთავის ერთ-ერთ სადღეღამისო მაღაზიაში დანით შეიარაღებული შეიჭრა და გამყიდველს ფულს სძალავდა“, — აღნიშნულია განცხადებაში.

პოლიციამ დანაშაულის იარაღი — დანა ნივთმტკიცებად ამოიღო. ბრალდებული ჩადენილ დანაშაულს აღიარებს.

გამოძიება სსსკ-ის 179-ე მუხლის 1-ლი ნაწილით მიმდინარეობს („ყაჩაღობა, თავდასხმა სხვისი მოძრავი ნივთის მართლსაწინააღმდეგო მისაკუთრების მიზნით, ჩადენილი სიცოცხლისათვის ან ჯანმრთელობისათვის საშიში ძალადობით ანდა ასეთი ძალადობის გამოყენების მუქარით“), რაც ითვალისწინებს 5-დან 7 წლამდე ვადით თავისუფლების აღკვეთას.
შოთა ნოზაძე

ყველა ახალი ამბავი
0