01:13 08 აგვისტო 2020
პირდაპირი ეთერი
  • EUR3.6356
  • 100 RUB4.1811
  • USD3.0758
საქართველოში
მოკლე ბმულის მიღება
ჩვენ და ბუნება (35)
24310

მონადირეებს ექვსი თვის განმავლობაში გადამფრენ ფრინველებზე ნადირობა შეეძლოთ

თბილისი, 28 თებერვალი - Sputnik. 1 მარტიდან საქართველოში გადამფრენ ფრინველებზე ნადირობა იკრძალება, იუწყება გარემოსდაცვითი ზედამხედველობის დეპარტამენტი.

იანვარში ხეტყის უკანონო მოპოვების 401 ფაქტი დაფიქსირდა >>

გადამფრენ ფრინველებზე ნადირობის სეზონი 14 აგვისტოს გაიხსნა და 28 თებერვალს დასრულდა.

ამიერიდან ბრაკონიერებს ჩამოერთმევა ნანადირევი და დაეკისრება 500-700 ლარის ოდენობის ჯარიმა. თუ მოპოვებული ნანადირევით გარემოს მნიშვნელოვანი ზიანი მიადგა, პირის მიმართ შესაძლოა სისხლის სამართლის პასუხისმგებლობის საკითხი დადგეს.

ყოველწლიურად საქართველოს ტერიტორიას მილიონზე მეტი გადამფრენი ფრინველი გადაუფრენს. სეზონზე ნადირობა იკრძალება ქალაქებში, ასევე დაცულ ტერიტორიებთან 500 მეტრის რადიუსში.

საქართველოში კიდევ ერთი შველი მოკლეს >>

ნადირობის დროს იკრძალება მცენარეული საფარის დაწვა, გარეული ფრინველის კვერცხის შეგროვება და გაყიდვა, ცხოველთა ბუდეების, ბუნაგების, საცხოვრებელი ადგილების მოშლა ან განადგურება, ცხოველთა მასობრივი მოპოვებისთვის სხვადასხვა მოწყობილობის გამოყენება, ნადირობა თვითმფრინავიდან, ვერტმფრენიდან, ავტომობილიდან, მოტოციკლეტიდან, კატარღებიდან, ძრავიანი ნავებიდან და სხვა მოტორიანი სატრანსპორტო საშუალებებიდან. დაუშვებელია სტიქიური უბედურებების შედეგად დასუსტებული ცხოველების მონადირება.

თემები:
ჩვენ და ბუნება (35)

მთავარი თემები