23:48 12 დეკემბერი 2017
პირდაპირი ეთერი
შველი ტყეში

საქართველოში კიდევ ერთი შველი მოკლეს

Владимир Астапкович
საზოგადოება
მოკლე ბმულის მიღება
2901

გარემოსა და ბუნებრივი რესურსების დაცვის სამინისტროს თანამშრომლებმა გარემოსთვის მიყენებული ზიანი 5000 ლარად შეაფასეს.

თბილისი, 7 თებერვალი — Sputnik. გარემოსა და ბუნებრივი რესურსების დაცვის სამინისტროს თანამშრომლებმა დუშეთის მუნიციპალიტეტის სოფელ ჩარგლის მიმდებარე ტერიტორიაზე 6 პირი დააკავეს, რომლებსაც უკვე მოპოვებული და დანაწევრებული შველი აღმოაჩნდათ, ნათქვამია უწყების ვებგვერდზე გამოქვეყნებულ განცხადებაში. 

უწყების მონაცემებით, ბრაკონიერებმა უკანონო ნადირობისას მოკლეს შველი, შემდეგ კი დაანაწევრეს ის. ყველა მათგანი აღიარებს ჩადენილს. გარემოსა და ბუნებრივი რესურსების დაცვის სამინისტროს თანამშრომლებმა შესაბამისი ოქმი შეადგინეს, რომლის თანახმად გარემოსთვის მიყენებულმა ზიანმა 5000 ლარი შეადგინა.

ქმედება შეიცავს საქართველოს სისხლის სამართლის კოდექსით გათვალისწინებული დანაშაულის ნიშნებს და მასალები შინაგან საქმეთა სამინისტროს გადაეგზავნა.

ორი დღის წინ ბრაკონიერებმა ბორჯომ–ხარაგაულის ეროვნულ პარკში შველი დაჭრეს. რეინჯერებმა მას სამედიცინო დახმარება გაუწიეს, მაგრამ ცხოველი მაინც დაიღუპა. ბრაკონიერების დაკავება ვერ მოხერხდა.

საქართველოში ცხოველებზე ინდივიდუალური ნადირობა აკრძალულია. ნადირობა დაშვებულია მხოლოდ სპეციალურ სამონადირეო მეურნეობებში, რომლის ლიცენზიას გარემოს დაცვის სამინისტრო გასცემს.

 

მთავარი თემები