https://sputnik-georgia.com/20260908/skolebtan-sagzao-mozraobis-wesebi-mkacrdeba-300488179.html
სკოლებთან საგზაო მოძრაობის წესები მკაცრდება: 30 კმ/სთ-ზე მეტი სიჩქარით მოძრაობა აიკრძალება
სკოლებთან საგზაო მოძრაობის წესები მკაცრდება: 30 კმ/სთ-ზე მეტი სიჩქარით მოძრაობა აიკრძალება
Sputnik საქართველო
ცვლილების მიზანი, სასკოლო ზონებში გადაადგილების საშუალო სიჩქარის შემცირება და არასრულწლოვანთა უსაფრთხოების დონის გაზრდაა. 08.09.2026-ს, Sputnik საქართველო
2026-09-08T15:00+0400
2026-09-08T15:00+0400
2026-09-08T15:00+0400
საქართველო
განათლება საქართველოში
საქართველოს განათლებისა და მეცნიერების სამინისტრო
საქართველოს მთავრობა
საზოგადოება
ახალი ამბები
https://cdnn1.img.sputnik-georgia.com/img/24853/90/248539048_0:160:3072:1888_1920x0_80_0_0_2022934273d30326ead83d8cc1c37885.jpg
თბილისი, 8 სექტემბერი — Sputnik. სკოლების მიმდებარე ტერიტორიებზე საგზაო მოძრაობის წესები მკაცრდება, რის შედეგადაც სასკოლო ზონებში ავტოტრანსპორტის გადაადგილება მაქსიმუმ 30 კმ/სთ სიჩქარით იქნება დაშვებული. ამის შესახებ 2026-2030 წლების საგზაო უსაფრთხოების ეროვნული სტრატეგიის სამოქმედო გეგმაშია აღნიშნული. როგორც დოკუმენტშია ნათქვამი, არასრულწლოვანების უსაფრთხოებასთან არსებული გამოწვევების საპასუხოდ, დაიწყება მუშაობა საქართველოში სკოლის მიმდებარე ზონების შესაბამის რეგულირებასთან დაკავშირებით. ამასთან, გადაიხედება სიჩქარის გადაჭარბების მოქმედი 15 კმ/სთ-იანი ტოლერანტობის სასკოლო ზონებში გავრცელება. დღეს მოქმედი კანონმდებლობით, თუ სიჩქარის ლიმიტი არის 30 კმ/სთ, მძღოლს რეალურად 45 კმ/სთ-მდე სიჩქარით გადაადგილებისას არ აჯარიმებენ (ე.წ. +15 კმ/სთ შეღავათი). ახალი სტრატეგიით, სასკოლო ზონებში ეს ტოლერანტობა სრულად გაუქმდება ან მკაცრად გადაიხედება. ასევე სასკოლო ზონის ცნების განსაზღვრამდე შეფასდება ყველა მოქმედი საჯარო სკოლის მიმდებარედ არსებული ინფრასტრუქტურის შესაბამისობა საგზაო უსაფრთხოების უწყებათაშორისი კომისიის მიერ შემუშავებულ რეკომენდაციებთან დაკავშირებით. როგორც 2026-2030 წლების საგზაო უსაფრთხოების ეროვნულ სტრატეგიაშია ნათქვამი, აღნიშნული საკანონმდებლო ინტერვენციები ხელს შეუწყობს სასკოლო ზონებში გადაადგილების საშუალო სიჩქარის შემცირებას და საგრძნობლად გაზრდის არასრულწლოვანთა უსაფრთხოების დონეს. დოკუმენტის მიხედვით, საგზაო ინფრასტრუქტურის მიმართულებით გაგრძელდება მუშაობა სასკოლო ზონებსა და მათ მიმდებარე არეალებში ქვეითთა უსაფრთხოების გაძლიერებაზე ორიენტირებული კომპლექსური ინფრასტრუქტურული ღონისძიებების განხორციელებისათვის. საქართველოს მთავრობამ „2026-2030 წლების საგზაო უსაფრთხოების ეროვნული სტრატეგია“ და სამოქმედო გეგმა, რომელიც მიზნად ისახავს 2030 წლისთვის ავარიების შედეგად დაშავებულთა და დაღუპულთა რიცხვის 25%-ით შემცირებას, მიმდინარე წლის აგვისტოში დაამტკიცა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, განათლება საქართველოში , საქართველოს განათლებისა და მეცნიერების სამინისტრო , საქართველოს მთავრობა , საზოგადოება, ახალი ამბები
საქართველო, განათლება საქართველოში , საქართველოს განათლებისა და მეცნიერების სამინისტრო , საქართველოს მთავრობა , საზოგადოება, ახალი ამბები
სკოლებთან საგზაო მოძრაობის წესები მკაცრდება: 30 კმ/სთ-ზე მეტი სიჩქარით მოძრაობა აიკრძალება
ცვლილების მიზანი, სასკოლო ზონებში გადაადგილების საშუალო სიჩქარის შემცირება და არასრულწლოვანთა უსაფრთხოების დონის გაზრდაა.
თბილისი, 8 სექტემბერი — Sputnik. სკოლების მიმდებარე ტერიტორიებზე საგზაო მოძრაობის წესები მკაცრდება, რის შედეგადაც სასკოლო ზონებში ავტოტრანსპორტის გადაადგილება მაქსიმუმ 30 კმ/სთ სიჩქარით იქნება დაშვებული. ამის შესახებ 2026-2030 წლების საგზაო უსაფრთხოების ეროვნული სტრატეგიის სამოქმედო გეგმაშია აღნიშნული.
როგორც დოკუმენტშია ნათქვამი, არასრულწლოვანების უსაფრთხოებასთან არსებული გამოწვევების საპასუხოდ, დაიწყება მუშაობა საქართველოში სკოლის მიმდებარე ზონების შესაბამის რეგულირებასთან დაკავშირებით.
„კერძოდ, საქართველოს კანონმდებლობაში სასკოლო ზონის ცნების განსაზღვრა, აღნიშნულ ზონებში სატრანსპორტო საშუალებათა მოძრაობის სიჩქარის მაქსიმალური ზღვრის 30 კმ/სთ-ის სახით დადგენა და სიჩქარის გადაჭარბების მოქმედი 15 კმ/სთ-იანი ტოლერანტობის სასკოლო ზონებში გავრცელების გადახედვა", - ნათქვამია დოკუმენტში.
ამასთან, გადაიხედება სიჩქარის გადაჭარბების მოქმედი 15 კმ/სთ-იანი ტოლერანტობის სასკოლო ზონებში გავრცელება. დღეს მოქმედი კანონმდებლობით, თუ სიჩქარის ლიმიტი არის 30 კმ/სთ, მძღოლს რეალურად 45 კმ/სთ-მდე სიჩქარით გადაადგილებისას არ აჯარიმებენ (ე.წ. +15 კმ/სთ შეღავათი). ახალი სტრატეგიით, სასკოლო ზონებში ეს ტოლერანტობა სრულად გაუქმდება ან მკაცრად გადაიხედება.
ასევე სასკოლო ზონის ცნების განსაზღვრამდე შეფასდება ყველა მოქმედი საჯარო სკოლის მიმდებარედ არსებული ინფრასტრუქტურის შესაბამისობა საგზაო უსაფრთხოების უწყებათაშორისი კომისიის მიერ შემუშავებულ რეკომენდაციებთან დაკავშირებით.
როგორც 2026-2030 წლების საგზაო უსაფრთხოების ეროვნულ სტრატეგიაშია ნათქვამი, აღნიშნული საკანონმდებლო ინტერვენციები ხელს შეუწყობს სასკოლო ზონებში გადაადგილების საშუალო სიჩქარის შემცირებას და საგრძნობლად გაზრდის არასრულწლოვანთა უსაფრთხოების დონეს.
დოკუმენტის მიხედვით, საგზაო ინფრასტრუქტურის მიმართულებით გაგრძელდება მუშაობა სასკოლო ზონებსა და მათ მიმდებარე არეალებში ქვეითთა უსაფრთხოების გაძლიერებაზე ორიენტირებული კომპლექსური ინფრასტრუქტურული ღონისძიებების განხორციელებისათვის.
საქართველოს მთავრობამ „2026-2030 წლების საგზაო უსაფრთხოების ეროვნული სტრატეგია“ და სამოქმედო გეგმა, რომელიც მიზნად ისახავს 2030 წლისთვის ავარიების შედეგად დაშავებულთა და დაღუპულთა რიცხვის 25%-ით შემცირებას, მიმდინარე წლის აგვისტოში დაამტკიცა.
