https://sputnik-georgia.com/20240303/garibashvils-da-kobaxidzes-shoris-utanxmoebaa-286673981.html
უთანხმოება მმართველ პარტიაში: როგორ მიიღო ღარიბაშვილმა ახალი პრემიერის გადაწყვეტილება?
უთანხმოება მმართველ პარტიაში: როგორ მიიღო ღარიბაშვილმა ახალი პრემიერის გადაწყვეტილება?
Sputnik საქართველო
ვინ შეცვლის ზურაბ აზარაშვილს ჯანდაცვის მინისტრის პოსტზე, ჯერჯერობით, უცნობია. პრემიერ-მინისტრმა აღნიშნულ საკითხზე შიდაპარტიული კონსულტაციების გამართვა... 03.03.2024-ს, Sputnik საქართველო
2024-03-03T09:39+0400
2024-03-03T09:39+0400
2024-03-03T09:39+0400
საქართველო
საქართველოს მთავრობა
დევნილთა, შრომის, ჯანმრთელობისა და სოციალური დაცვის სამინისტრო
საზოგადოება
ირაკლი კობახიძე
ქართული ოცნება
ირაკლი ღარიბაშვილი
პოლიტიკა საქართველოში
ახალი ამბები
https://cdnn1.img.sputnik-georgia.com/img/07e5/0a/17/261425524_0:67:1280:788_1920x0_80_0_0_cbce0b88e425298b955f35783b9aeff8.jpg
თბილისი, 3 მარტი — Sputnik. მმართველი პარტია „ქართული ოცნება - დემოკრატიული საქართველოს“ თავმჯდომარე ირაკლი ღარიბაშვილი ირწმუნება, რომ მასსა და საქართველოს პრემიერ-მინისტრ ირაკლი კობახიძეს შორის არანაირი უთანხმოება და დაპირისპირება არ არის, თუმცა, ოპოზიცია საპირისპიროს ამტკიცებს.სახელისუფლებო პარტიაში დაპირისპირების შესახებ საუბარი მას შემდეგ დაიწყო, რაც საქართველოს პრემიერ-მინისტრმა ირაკლი კობახიძემ თანამდებობიდან გაათავისუფლა ჯანდაცვის მინისტრი ზურაბ აზარაშვილი, რომელმაც ირაკლი ღარიბაშვილის ინიციატივით საზოგადოებისთვის არაერთი არაპოპულარული გადაწყვეტილება მიიღო, მათ შორის რესპუბლიკურ საავადმყოფოსთან დაკავშირებით. თანამდებობა დატოვა მთავრობის კანცელარიის ხელმძღვანელმა რევაზ ჯაველიძემაც.მმართველი პარტიის ერთ-ერთმა ლიდერმა მამუკა მდინარაძემ დაადასტურა, რომ აზარაშვილის გადადგომის მიზეზი რესპუბლიკური საავადმყოფოს საკითხი გახდა - მთავრობის მეთაურის რანგში ირაკლი კობახიძის პირველი გადაწყვეტილება რესპუბლიკური საავადმყოფოს რეორგანიზაციის და შენობის დემონტაჟის პროცესის შეჩერება იყო.რატომ გადადგა ჯანდაცვის მინისტრი - პრემიერმა კომენტარი გააკეთა>>>„ჯანდაცვის მინისტრმა ზურაბ აზარაშვილმა ძალიან ბევრი პოზიტიური საქმე გააკეთა, თუმცა, ბოლო პერიოდში მასთან კომუნიკაციის საკითხებთან დაკავშირებული ხარვეზები იყო, და მართლაც, იყო განსხვავებები, მათ შორის რესპუბლიკურ საავადმყოფოსთან დაკავშირებით. შესაბამისად, მიღებული იყო ეს ერთობლივი გადაწყვეტილება - პრემიერ-მინისტრისა და ჯანდაცვის მინისტრის კომუნიკაციის შედეგად. მან გადაწყვიტა დაეტოვებინა თანამდებობა", - განაცხადა მდინარაძემ.ოპოზიციაში კი აზარაშვილის მიერ თანამდებობის დატოვება კობახიძისა და ღარიბაშვილის კლანებს შორის კონფლიქტად შეაფასეს.ზურაბ აზარაშვილის გადადგომა საზოგადოებისთვის მოულოდნელი იყო. იგი საქართველოს ოკუპირებული ტერიტორიებიდან იძულებით გადაადგილებულ პირთა, შრომის, ჯანმრთელობისა და სოციალური დაცვის სამინისტროს 2021 წლის დეკემბრიდან ხელმძღვანელობდა.ვინ შეცვლის აზარაშვილს ჯანდაცვის მინისტრის პოსტზე, ჯერჯერობით, უცნობია. პრემიერ-მინისტრმა აღნიშნულ საკითხზე შიდაპარტიული კონსულტაციების გამართვა დააანონსა.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2024
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საქართველო, საქართველოს მთავრობა , დევნილთა, შრომის, ჯანმრთელობისა და სოციალური დაცვის სამინისტრო , საზოგადოება, ირაკლი კობახიძე, ქართული ოცნება , ირაკლი ღარიბაშვილი , პოლიტიკა საქართველოში, ახალი ამბები
საქართველო, საქართველოს მთავრობა , დევნილთა, შრომის, ჯანმრთელობისა და სოციალური დაცვის სამინისტრო , საზოგადოება, ირაკლი კობახიძე, ქართული ოცნება , ირაკლი ღარიბაშვილი , პოლიტიკა საქართველოში, ახალი ამბები
უთანხმოება მმართველ პარტიაში: როგორ მიიღო ღარიბაშვილმა ახალი პრემიერის გადაწყვეტილება?
ვინ შეცვლის ზურაბ აზარაშვილს ჯანდაცვის მინისტრის პოსტზე, ჯერჯერობით, უცნობია. პრემიერ-მინისტრმა აღნიშნულ საკითხზე შიდაპარტიული კონსულტაციების გამართვა დააანონსა.
თბილისი, 3 მარტი — Sputnik. მმართველი პარტია „ქართული ოცნება - დემოკრატიული საქართველოს“ თავმჯდომარე ირაკლი ღარიბაშვილი ირწმუნება, რომ მასსა და საქართველოს პრემიერ-მინისტრ ირაკლი კობახიძეს შორის არანაირი უთანხმოება და დაპირისპირება არ არის, თუმცა, ოპოზიცია საპირისპიროს ამტკიცებს.
სახელისუფლებო პარტიაში დაპირისპირების შესახებ საუბარი მას შემდეგ დაიწყო, რაც საქართველოს პრემიერ-მინისტრმა ირაკლი კობახიძემ თანამდებობიდან გაათავისუფლა ჯანდაცვის მინისტრი ზურაბ აზარაშვილი, რომელმაც ირაკლი ღარიბაშვილის ინიციატივით საზოგადოებისთვის არაერთი არაპოპულარული გადაწყვეტილება მიიღო, მათ შორის რესპუბლიკურ საავადმყოფოსთან დაკავშირებით. თანამდებობა დატოვა მთავრობის კანცელარიის ხელმძღვანელმა რევაზ ჯაველიძემაც.
„არავითარი დაპირისპირება არ არის. პრემიერ-მინისტრის პრეროგატივაა მინისტრების წარდგენა, მოხსნა, დანიშვნა. სხვა განცხადებებიც მოვისმინე, რომ ადმინისტრაციის უფროსი გაათავისუფლეს. უკაცრავად, მაგრამ ადმინისტრაციის უფროსი პრემიერის ნდობით აღჭუვილი პირია. რატომ უნდა იყოს ჩემი ადმინისტრაციის უფროსი ირაკლი კობახიძის ადმინისტრაციის უფროსი?“, - განაცხადა ღარიბაშვილმა.
მმართველი პარტიის ერთ-ერთმა ლიდერმა მამუკა მდინარაძემ დაადასტურა, რომ აზარაშვილის გადადგომის მიზეზი რესპუბლიკური საავადმყოფოს საკითხი გახდა - მთავრობის მეთაურის რანგში ირაკლი კობახიძის პირველი გადაწყვეტილება რესპუბლიკური საავადმყოფოს რეორგანიზაციის და შენობის დემონტაჟის პროცესის შეჩერება იყო.
„ჯანდაცვის მინისტრმა ზურაბ აზარაშვილმა ძალიან ბევრი პოზიტიური საქმე გააკეთა, თუმცა, ბოლო პერიოდში მასთან კომუნიკაციის საკითხებთან დაკავშირებული ხარვეზები იყო, და მართლაც, იყო განსხვავებები, მათ შორის რესპუბლიკურ საავადმყოფოსთან დაკავშირებით. შესაბამისად, მიღებული იყო ეს ერთობლივი გადაწყვეტილება - პრემიერ-მინისტრისა და ჯანდაცვის მინისტრის კომუნიკაციის შედეგად. მან გადაწყვიტა დაეტოვებინა თანამდებობა", - განაცხადა მდინარაძემ.
ოპოზიციაში კი აზარაშვილის მიერ თანამდებობის დატოვება კობახიძისა და ღარიბაშვილის კლანებს შორის კონფლიქტად შეაფასეს.
„კლანური კონფლიქტი წარმოიშვა. ღარიბაშვილის მინისტრები მთავრობას ტოვებენ. აზარაშვილს არაფერი გაუკეთებია. ის არის ადამიანი, რომელმაც ყველაფერი გააფუჭა", - განაცხადა ოპოზიციური პარტია „ლელო საქართველოსთვის" წარმომადგენელმა ვატო სურგულაძემ.
ზურაბ აზარაშვილის გადადგომა საზოგადოებისთვის მოულოდნელი იყო. იგი საქართველოს ოკუპირებული ტერიტორიებიდან იძულებით გადაადგილებულ პირთა, შრომის, ჯანმრთელობისა და სოციალური დაცვის სამინისტროს 2021 წლის დეკემბრიდან ხელმძღვანელობდა.
ვინ შეცვლის აზარაშვილს ჯანდაცვის მინისტრის პოსტზე, ჯერჯერობით, უცნობია. პრემიერ-მინისტრმა აღნიშნულ საკითხზე შიდაპარტიული კონსულტაციების გამართვა დააანონსა.
