https://sputnik-georgia.com/20230922/------282545755.html
კახა კალაძე: პრეზიდენტი „რადიკალურ ოპოზიციასთან" უნისონში მოქმედებს
კახა კალაძე: პრეზიდენტი „რადიკალურ ოპოზიციასთან" უნისონში მოქმედებს
Sputnik საქართველო
თბილისი, 22 სექტემბერი — Sputnik. საქართველოს პრეზიდენტი სალომე ზურაბიშვილი მავნებლობითაა დაკავებული და „რადიკალურ ოპოზიციასთან" უნისონში მოქმედებს, განაცხადა... 22.09.2023-ს, Sputnik საქართველო
2023-09-22T12:41+0400
2023-09-22T12:41+0400
2023-09-22T17:14+0400
საქართველო
პოლიტიკა საქართველოში
საქართველოს პრეზიდენტი
ქართული ოპოზიცია
ქართული ოცნება
ახალი ამბები
https://cdnn1.img.sputnik-georgia.com/img/07e7/02/18/275209727_323:513:1214:1014_1920x0_80_0_0_0c9e589ec718fc1f82c8ec7787e1a737.jpg
თბილისი, 22 სექტემბერი — Sputnik. საქართველოს პრეზიდენტი სალომე ზურაბიშვილი მავნებლობითაა დაკავებული და „რადიკალურ ოპოზიციასთან" უნისონში მოქმედებს, განაცხადა მმართველი პარტია „ქართული ოცნება - დემოკრატიული საქართველოს" გენერალურმა მდივანმა, თბილისის მერმა კახა კალაძემ. იმის თაობაზე, რომ საქართველოს პრეზიდენტი „რადიკალურ ოპოზიციასთან" გაერთიანდა და ეროვნული ბანკის საბოტაჟს შეეცადა, მანამდე „ქართული ოცნების" თავმჯდომარემ ირაკლი კობახიძემ განაცხადა. მისი თქმით, ზურაბიშვილი ეროვნული ბანკის საბჭოს წევრობის მის მიერვე წარდგენილ კანდიდატებს შეხვდა და საბჭოს წევრობაზე უარის თქმა სთხოვა. ბოლო დღეებში საზოგადოება ისმენს ზურაბიშვილის განცხადებებს ეროვნული ბანკის პრეზიდენტის მოვალეობის შემსრულებლის ნათია თურნავას მისამართით. ეს არის პირდაპირ უხეში ზეწოლა დამოუკიდებელი ინსტიტუტის ხელმძღვანელზე, დასძინა კალაძემ. „ამას აკეთებს ადამიანი, რომელსაც პრეზიდენტი ჰქვია და ის საზოგადოებას ბოდიშს უხდის იმისთვის, რომ ნათია თურნავა წარადგინა ამ თანამდებობაზე. ერთ-ერთი ადამიანი ვიყავი, ვინც სალომე ზურაბიშვილის არჩევნების დროს ყველაფერს ვაკეთებდი იმისთვის, რომ ის პრეზიდენტი გამხდარიყო. სამწუხაროდ, ვხედავთ, როგორი პრეზიდენტია. ის დაკავებულია მავნებლობით", – აღნიშნა კალაძემ. ნათია თურნავამ სსფ-ის მისიას თავისი სკანდალური გადაწყვეტილების მიზეზები გააცნო>>>„ქართული ოცნება" რადიკალურ ოპოზიციად მოიხსენიებს როგორც ქვეყნის მთავარ ოპოზიციურ პარტიას, ექს-პრეზიდენტ მიხეილ სააკაშვილის მიერ დაარსებულ „ერთიან ნაციონალურ მოძრაობას", ისე „ლელო საქართველოსთვის", „სტრატეგია აღმაშენებელს", „გირჩი - მეტი თავისუფლებას" და სხვა მცირე პარტიებს. მმართველი პარტია მათ „კოლექტიურ ნაცმოძრაობასაც" უწოდებს. სკანდალი ეროვნული ბანკის ირგვლივ საქართველოს ეროვნულმა ბანკმა 18 სექტემბერს ყოფილ მთავარ პროკურორ ოთარ ფარცხალაძეს აქტივებზე და ფინანსურ ოპერაციებზე ხელმისაწვდომობა შეუზღუდა აშშ-ის მიერ დაწესებული სანქციების გამო. ეროვნულ ბანკში ეს გადაწყვეტილება იმით ახსნეს, რომ საქართველოს საფინანსო სექტორი საერთაშორისო მოთხოვნების სრულ შესაბამისობაში მუშაობს. იმავე დღეს მმართველ პარტია „ქართულ ოცნებაში" რეგულატორს უდანაშაულობის პრეზუმფცია შეახსენეს და მოუწოდეს, დაელოდონ სახელმწიფო უსაფრთხოების სამსახურის გამოძიებას. პარლამენტმა ეროვნული ბანკის საბჭოს ახალი წევრები აირჩია>>>ეროვნულმა ბანკმა უკვე 19 სექტემბერს შეცვალა საერთაშორისო სანქციების რეჟიმის რეალიზაციის წესი იმ შემთხვევებისთვის, როდესაც საუბარია საქართველოს მოქალაქეებზე. სანქციები გამოყენებული იქნება მხოლოდ იმ შემთხვევაში, როდესაც ქართულმა სასამართლომ უკვე გამოიტანა გამამტყუნებელი განაჩენი. ამით ეროვნულმა ბანკმა შეცვალა ერთი დღით ადრე მიღებული თავისივე გადაწყვეტილება ოთარ ფარცხალაძის ანგარიშების გაყინვის შესახებ სანქციების სიაში მოხვედრის გამო. ეროვნული ბანკის განმარტებით, საქართველოს საფინანსო ინსტიტუტები მარეგულირებლის მითითებით სრულად იცავენ რუსეთის წინააღმდეგ აშშ-ის, ევროკავშირისა და დიდი ბრიტანეთის სანქციებს და რომ ქვეყანა არასოდეს ყოფილა და არ გახდება ამ სანქციების გვერდის ავლის ადგილი. ამასთან, ეროვნულმა ბანკმა აქვე აღნიშნა, რომ საქართველოს ყველა მოქალაქე დაცულია ქვეყნის კონსტიტუციით და მარეგულირებელი მოქმედებს ქვეყნის მთავარი კანონის შესაბამისად. პაპუაშვილი ფარცხალაძის მოქალაქეობაზე: სანქციების განხორციელებას არავითარი ზიანი არ მიადგა>>>პრეზიდენტმა სალომე ზურაბიშვილმა განაცხადა, რომ ეროვნული ბანკის პრეზიდენტის მოვალეობის შემსრულებელმა ნათია თურნავამ 19 სექტემბრის გადაწყვეტილება ერთპიროვნულად, ეროვნული ბანკის საბჭოს წევრებთან კოორდინაციის გარეშე მიიღო და მას თანამდებობის დატოვებისკენ მოუწოდა. ამასთან, პრეზიდენტმა სინანული გამოთქვა, რომ ეროვნული ბანკის საბჭოში თურნავას კანდიდატურა თავის დროზე პარლამენტს დასამტკიცებლად მან წარუდგინა. თავის მხრივ, თურნავამ განაცხადა, რომ ეროვნული ბანკის 19 სექტემბრის გადაწყვეტილება სრულად შეესაბამება საქართველოს კონსტიტუციას და საქართველოს მოქალაქეები ამიერიდან უფრო მეტად იქნებიან დაცული, თუნდაც საერთაშორისო სანქციების რეჟიმის ზემოქმედების დროს. პრეზიდენტის მოწოდებას თურნავამ „ზეწოლის კლასიკური მაგალითი" უწოდა. მისი თქმით, ეროვნული ბანკის საბჭოს სამი წევრი სწორედ ხელისუფლების ოპონენტების მხრიდან ზეწოლის ფონზე გადადგა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, პოლიტიკა საქართველოში, საქართველოს პრეზიდენტი, ქართული ოპოზიცია, ქართული ოცნება , ახალი ამბები
საქართველო, პოლიტიკა საქართველოში, საქართველოს პრეზიდენტი, ქართული ოპოზიცია, ქართული ოცნება , ახალი ამბები
თბილისი, 22 სექტემბერი — Sputnik. საქართველოს პრეზიდენტი სალომე ზურაბიშვილი მავნებლობითაა დაკავებული და „რადიკალურ ოპოზიციასთან" უნისონში მოქმედებს, განაცხადა მმართველი პარტია „ქართული ოცნება - დემოკრატიული საქართველოს" გენერალურმა მდივანმა, თბილისის მერმა კახა კალაძემ.
იმის თაობაზე, რომ საქართველოს პრეზიდენტი „რადიკალურ ოპოზიციასთან" გაერთიანდა და ეროვნული ბანკის საბოტაჟს შეეცადა, მანამდე „ქართული ოცნების" თავმჯდომარემ ირაკლი კობახიძემ განაცხადა. მისი თქმით, ზურაბიშვილი ეროვნული ბანკის საბჭოს წევრობის მის მიერვე წარდგენილ კანდიდატებს შეხვდა და საბჭოს წევრობაზე უარის თქმა სთხოვა.
„ბოლო თვეებისა და წლების განმავლობაში პრეზიდენტის ქმედებები აბსოლუტურად უნისონშია „რადიკალურ ოპოზიციასთან". რასაც რადიკალური ოპოზიცია აკეთებს, ფიქრობს, მოიმოქმედებს, პრეზიდენტი ყველაფერს „უპრავებს" და მაქსიმალურად ცდილობს, იგივე დღის წესრიგი და მესიჯი ჰქონდეს", – განაცხადა კალაძემ ტელეკომპანია „იმედის" ეთერში.
ბოლო დღეებში საზოგადოება ისმენს ზურაბიშვილის განცხადებებს ეროვნული ბანკის პრეზიდენტის მოვალეობის შემსრულებლის ნათია თურნავას მისამართით. ეს არის პირდაპირ უხეში ზეწოლა დამოუკიდებელი ინსტიტუტის ხელმძღვანელზე, დასძინა კალაძემ.
„ამას აკეთებს ადამიანი, რომელსაც პრეზიდენტი ჰქვია და ის საზოგადოებას ბოდიშს უხდის იმისთვის, რომ ნათია თურნავა წარადგინა ამ თანამდებობაზე. ერთ-ერთი ადამიანი ვიყავი, ვინც სალომე ზურაბიშვილის არჩევნების დროს ყველაფერს ვაკეთებდი იმისთვის, რომ ის პრეზიდენტი გამხდარიყო. სამწუხაროდ, ვხედავთ, როგორი პრეზიდენტია. ის დაკავებულია მავნებლობით", – აღნიშნა კალაძემ.
„ქართული ოცნება" რადიკალურ ოპოზიციად მოიხსენიებს როგორც ქვეყნის მთავარ ოპოზიციურ პარტიას, ექს-პრეზიდენტ მიხეილ სააკაშვილის მიერ დაარსებულ „ერთიან ნაციონალურ მოძრაობას", ისე „ლელო საქართველოსთვის", „სტრატეგია აღმაშენებელს", „გირჩი - მეტი თავისუფლებას" და სხვა მცირე პარტიებს. მმართველი პარტია მათ „კოლექტიურ ნაცმოძრაობასაც" უწოდებს.
სკანდალი ეროვნული ბანკის ირგვლივ
საქართველოს ეროვნულმა ბანკმა 18 სექტემბერს ყოფილ მთავარ პროკურორ ოთარ ფარცხალაძეს აქტივებზე და ფინანსურ ოპერაციებზე ხელმისაწვდომობა შეუზღუდა აშშ-ის მიერ დაწესებული სანქციების გამო. ეროვნულ ბანკში ეს გადაწყვეტილება იმით ახსნეს, რომ საქართველოს საფინანსო სექტორი საერთაშორისო მოთხოვნების სრულ შესაბამისობაში მუშაობს.
იმავე დღეს მმართველ პარტია „ქართულ ოცნებაში" რეგულატორს უდანაშაულობის პრეზუმფცია შეახსენეს და მოუწოდეს, დაელოდონ სახელმწიფო უსაფრთხოების სამსახურის გამოძიებას.
ეროვნულმა ბანკმა უკვე 19 სექტემბერს შეცვალა საერთაშორისო სანქციების რეჟიმის რეალიზაციის წესი იმ შემთხვევებისთვის, როდესაც საუბარია საქართველოს მოქალაქეებზე. სანქციები გამოყენებული იქნება მხოლოდ იმ შემთხვევაში, როდესაც ქართულმა სასამართლომ უკვე გამოიტანა გამამტყუნებელი განაჩენი.
ამით ეროვნულმა ბანკმა შეცვალა ერთი დღით ადრე მიღებული თავისივე გადაწყვეტილება ოთარ ფარცხალაძის ანგარიშების გაყინვის შესახებ სანქციების სიაში მოხვედრის გამო.
ეროვნული ბანკის განმარტებით, საქართველოს საფინანსო ინსტიტუტები მარეგულირებლის მითითებით სრულად იცავენ რუსეთის წინააღმდეგ აშშ-ის, ევროკავშირისა და დიდი ბრიტანეთის სანქციებს და რომ ქვეყანა არასოდეს ყოფილა და არ გახდება ამ სანქციების გვერდის ავლის ადგილი. ამასთან, ეროვნულმა ბანკმა აქვე აღნიშნა, რომ საქართველოს ყველა მოქალაქე დაცულია ქვეყნის კონსტიტუციით და მარეგულირებელი მოქმედებს ქვეყნის მთავარი კანონის შესაბამისად.
პრეზიდენტმა სალომე ზურაბიშვილმა განაცხადა, რომ ეროვნული ბანკის პრეზიდენტის მოვალეობის შემსრულებელმა ნათია თურნავამ 19 სექტემბრის გადაწყვეტილება ერთპიროვნულად, ეროვნული ბანკის საბჭოს წევრებთან კოორდინაციის გარეშე მიიღო და მას თანამდებობის დატოვებისკენ მოუწოდა. ამასთან, პრეზიდენტმა სინანული გამოთქვა, რომ ეროვნული ბანკის საბჭოში თურნავას კანდიდატურა თავის დროზე პარლამენტს დასამტკიცებლად მან წარუდგინა.
თავის მხრივ, თურნავამ განაცხადა, რომ ეროვნული ბანკის 19 სექტემბრის გადაწყვეტილება სრულად შეესაბამება საქართველოს კონსტიტუციას და საქართველოს მოქალაქეები ამიერიდან უფრო მეტად იქნებიან დაცული, თუნდაც საერთაშორისო სანქციების რეჟიმის ზემოქმედების დროს. პრეზიდენტის მოწოდებას თურნავამ „ზეწოლის კლასიკური მაგალითი" უწოდა. მისი თქმით, ეროვნული ბანკის საბჭოს სამი წევრი სწორედ ხელისუფლების ოპონენტების მხრიდან ზეწოლის ფონზე გადადგა.
