როგორ შეიცვალა ფასები სამრეწველო პროდუქციაზე - სტატისტიკა განახლდა

საწარმო - Sputnik საქართველო, 1920, 30.08.2023
გამოწერა
НовостиTelegram
მიმდინარე წლის ივლისში, ივნისთან შედარებით, ფასები სამრეწველო პროდუქციაზე 0,5%-ით გაიზარდა.
თბილისი, 30 აგვისტო — Sputnik. სამრეწველო პროდუქციის მწარმოებელთა ფასების ინდექსი 2023 წლის ივლისში, 2022 წლის ივნისთან შედარებით, 2,8%-ით შემცირდა, ნათქვამია საქართველოს სტატისტიკის ეროვნული სამსახურის „საქსტატის" მასალებში.
ინდექსის ფორმირებაზე ძირითადად გავლენა იქონია ფასების შემცირებამ გადამამუშავებელ მრეწველობაში – 3,48%-ით, მაგრამ სურსათზე ფასები გაიზარდა 2,3%-ით, სამთო-მომპოვებელ მრეწველობაში კი ფასები 2,9%-ით გაიზარდა.
ივლისში, ივნისთან შედარებით, ფასები სამრეწველო პროდუქციაზე 0,5%-ით გაიზარდა, იუწყება „საქსტატი".
ადგილობრივი წარმოება
ფასები შიდა ბაზრისთვის გათვლილ საქართველოში წარმოებულ პროდუქციაზე ივლისში, 2022 წლის ანალოგიურ პერიოდთან შედარებით, 1,8%-ით გაიზარდა.
საქართველოში ინფლაციის მაჩვენებელი ევროსტანდარტით გადაიხედა: რა შეიცვალა>>>
ყველაზე მეტად ფასები გაიზარდა სამთო-მომპოვებელ მრეწველობაში – 3,8%-ით, გადამამუშავებელ მრეწველობაში ფასები გაიზარდა 2%-ით.
ექსპორტი და იმპორტი
ექსპორტზე გატანილი სამრეწველო პროდუქციის ფასების ინდექსი ივლისში, გასული წლის ანალოგიურ პერიოდთან შედარებით, 11,1%-ით გაიზარდა.
სამთო-მომპოვებელი მრეწველობის პროდუქციაზე ფასები 2,6%-ით გაიზარდა. გადამამუშავებელი მრეწველობის ექსპორტირებულ პროდუქციაზე ფასები შემცირდა 13,2%-ით, მათ შორის ქიმიურ პროდუქციაზე შემცირდა 29,6%-ით.
საგარეო სავაჭრო ბრუნვა კვლავ იზრდება - ვისთან ვაჭრობს საქართველო>>>
საქართველოში იმპორტირებულ სამრეწველო პროდუქციაზე ფასები საანგარიშო პერიოდში 8,9%-ით შემცირდა. ამასთან გადამამუშავებელი მრეწველობის იმპორტირებული პროდუქცია 10,4%-ით გაიაფდა.
სამომხმარებლო ფასები
წლიური ინფლაციის დონემ 2023 წლის ივლისში 0,3% შეადგინა (მიზნობრივი მაჩვენებელია 3%). ამასთან, წლის მანძილზე სურსათზე ფასები 1,2%-ით გაიზარდა. 2023 წლის ივლისში, ამავე წლის ივნისთან შედარებით, ინფლაციის დონემ –0,04% შეადგინა.
ყველა ახალი ამბავი
0