თურქეთი რუსულ მხარესთან „გაზის ჰაბის" პროექტის განხილვას განაგრძობს

© AP Photo / Lefteris Pitarakisთურქეთის დროშა
თურქეთის დროშა - Sputnik საქართველო, 1920, 25.08.2023
გამოწერა
НовостиTelegram
ანკარა ამ პროექტის მიმართ დიდ ინტერესს გამოხატავს.
თბილისი, 25 აგვისტო — Sputnik. თურქეთი რუსულ მხარესთან „გაზის ჰაბის" პროექტის განხილვას განაგრძობს, იუწყება სააგენტო РИА Новости ანკარაში დიპლომატიურ წყაროზე დაყრდნობით.
უფრო ადრე რუსეთის საგარეო საქმეთა სამინისტროს ეკონომიკური თანამშრომლობის დეპარტამენტის დირექტორმა დმიტრი ბორიჩევსკიმ განაცხადა, რომ თურქეთში „გაზის ჰაბის" პროექტის პარამეტრებს ჯერ კიდევ განიხილავენ.
„განხილვა მიმდინარეობს. ჩვენთვის ეს პროექტი დიდ ინტერესს წარმოადგენს", – განაცხადა სააგენტოს თანამოსაუბრემ კითხვაზე პასუხისას, ხომ არ შეჩერდა პროექტის რეალიზაციის პროცესი.
ერდოღანმა პირობა დადო, რომ პუტინის მიერ შეთავაზებულ პროექტს განახორციელებს>>
როგორც უფრო ადრე ტელეარხი CNN Türk იუწყებოდა, ენერგეტიკული პროექტები თურქეთსა და რუსეთს შორის, კერძოდ, „გაზის ჰაბის" პროექტი შეიძლება პრეზიდენტების რეჯეფ თაიიფ ერდოღანისა და ვლადიმირ პუტინის დაგეგმილი მოლაპარაკებების დროს განიხილონ.
2022 წლის ოქტომბერში პუტინმა წამოაყენა იდეა თურქეთის ტერიტორიაზე ჰაბის შექმნის შესახებ, სადაც დაზიანებული „ჩრდილოეთის ნაკადებიდან" გაზის გადამისამართება იქნებოდა შესაძლებელი. საუბარია თურქეთში კიდევ ერთი მილსადენის სისტემის აშენებასა და თურქეთში ცენტრის შექმნის შესაძლებლობაზე, რომლითაც გაზი მესამე ქვეყნებს მიეწოდება, პირველ რიგში, ევროპის ქვეყნებს.
პუტინი თურქეთში ვიზიტს დათანხმდა - ერდოღანის კანცელარია>>
თურქეთი ინიციატივას დადებითად გამოეხმაურა და განაცხადა, რომ მის ტერიტორიაზე ჰაბისა და გაზის სავაჭრო ცენტრის შესაქმნელად ინფრასტრუქტურის მნიშვნელოვანი ნაწილი მზად არის. ანკარამ ასევე დაიწყო საკანონმდებლო ცვლილებების ინიცირების პროცესი, რათა ჰაბის ფუნქციონირების სამართლებრივი საფუძველი უზრუნველყოს.
პროექტთან დაკავშირებით აქტიური მოლაპარაკებები თურქეთში დამანგრეველი მიწისძვრის გამო შეჩერდა.
ყველა ახალი ამბავი
0