https://sputnik-georgia.com/20230804/tragedia-rawasi-qveynis-pirveli-pirebi-darupulta-ojaxebs-usamzimreben-280916886.html
ტრაგედია რაჭაში - ქვეყნის პირველი პირები დაღუპულთა ოჯახებს უსამძიმრებენ
ტრაგედია რაჭაში - ქვეყნის პირველი პირები დაღუპულთა ოჯახებს უსამძიმრებენ
Sputnik საქართველო
კურორტ შოვში მომხდარ ტრაგედიას საქართველოს პრეზიდენტი, პარლამენტის თავმჯდომარე, დედაქალაქის მერი გამოეხმაურნენ. 04.08.2023-ს, Sputnik საქართველო
2023-08-04T15:52+0400
2023-08-04T15:52+0400
2023-08-04T21:17+0400
მეწყერი რაჭაში
რაჭა-ლეჩხუმი
შემთხვევები საქართველოში
სტიქიური მოვლენები
ახალი ამბები
საქართველო
საზოგადოება
საქართველოს პრეზიდენტი
სალომე ზურაბიშვილი
საქართველოს პარლამენტის თავმჯდომარე
https://cdnn1.img.sputnik-georgia.com/img/07e7/08/04/280912560_0:83:1600:983_1920x0_80_0_0_df22b1a7203b82462cba37644d2a5f6a.jpg
თბილისი, 4 აგვისტო — Sputnik. რაჭაში მომხდარი ტრაგედიის გამო მწუხარება გამოთქვეს საქართველოს პრეზიდენტმა სალომე ზურაბიშვილმა, პარლამენტის თავმჯდომარემ შალვა პაპუაშვილმა და თბილისის მერმა კახა კალაძემ. კურორტ შოვში 3 აგვისტოს მეწყერი ჩამოწვა. დაღუპულია შვიდი ადამიანი. 31 ადამიანს მაშველები ამ დრომდე ეძებენ. როგორც პრეზიდენტმა აღნიშნა, ეს ტრაგედია ქვეყნისთვის, სრულიად საქართველოსთვის დიდი ტრაგედიაა, რომელსაც იზიარებს ყოველი მოქალაქე. „ჩემი ადმინისტრაცია და მე პირადად ვუცხადებთ სოლიდარობას ადგილობრივ ხელმძღვანელობას, ხელისუფლებას, ყველა უწყებას, რომელიც იქ არის ჩართული, მთავრობას, დღეს არის დრო ერთიანობის და ერთად ამ ტრაგედიის გადალახვის. მინდა ისიც ვთქვა, რომ ჩემი ადმინისტრაცია და მე პირადად ყველაფერში ჩავერთვებით, სადაც ჩვენი აქტიურობა საჭირო იქნება", – განაცხადა სალომე ზურაბიშვილმა. საქართველოში 7 აგვისტო გლოვის დღედ გამოცხადდება - პრემიერი>>საქართველოს პრეზიდენტმა მაშველებს გაწეული მუშაობისთვის მადლობა გადაუხადა. „მათი როლი არ დასრულებულა და ძალიან რთულია ამ პირობებში მუშაობა. ვიცით, რამდენად შეუძლიათ მათ ამ რთულ პირობებში ყველაფერი გააკეთონ, რათა ადამიანების სიცოცხლე გადაარჩინონ", – თქვა სალომე ზურაბიშვილმა შოვში სტიქიის შედეგად დაღუპულთა ოჯახებს მიუსამძიმრა საქართველოს პარლამენტის თავმჯდომარემ შალვა პაპუაშვილმა, რომელიც პრემიერ-მინისტრთან ერთად სტიქიის ზონაში იმყოფება. როგორც პარლამენტის თავმჯდომარემ აღნიშნა, ადგილზე ძალიან მძიმე სურათია. „ითქვა კიდეც სპეციალისტების მხრიდან, რომ დასავლეთ საქართველოში ასეთი მასშტაბის ბუნებრივი კატასტროფა არ მომხდარა, თუ არ ჩავთვლით 1991 წლის მიწისძვრას. მართლაც დაუჯერებელია ის, რასაც ჩვენ ყველა ვხედავთ, მათ შორის გავრცელდა ვიდეოკადრებიც", – განაცხადა შალვა პაპუაშვილმა. რაჭაში მომხდარმა სტიქიამ შეძრა საქართველო. შეუძლებელია სიტყვებით ასახო ის შემზარავი რეალობა, რაც სტიქიამ დაგვატეხა თავს, დაწერა დედაქალაქის მერმა კახა კალაძემ სოციალურ ქსელში. სტიქიური უბედურების ზონაში აქტიური სამაშველო და საძიებო სამუშაოები ჯერ კიდევ გრძელდება. რაჭაში მომხდარი ტრაგედიის გამო 7 აგვისტო გლოვის დღედ გამოცხადდა.
რაჭა-ლეჩხუმი
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
მეწყერი რაჭაში, რაჭა-ლეჩხუმი , შემთხვევები საქართველოში, სტიქიური მოვლენები, ახალი ამბები, საქართველო, საზოგადოება, საქართველოს პრეზიდენტი, სალომე ზურაბიშვილი , საქართველოს პარლამენტის თავმჯდომარე , შალვა პაპუაშვილი, კახა კალაძე
მეწყერი რაჭაში, რაჭა-ლეჩხუმი , შემთხვევები საქართველოში, სტიქიური მოვლენები, ახალი ამბები, საქართველო, საზოგადოება, საქართველოს პრეზიდენტი, სალომე ზურაბიშვილი , საქართველოს პარლამენტის თავმჯდომარე , შალვა პაპუაშვილი, კახა კალაძე
ტრაგედია რაჭაში - ქვეყნის პირველი პირები დაღუპულთა ოჯახებს უსამძიმრებენ
15:52 04.08.2023 (განახლებულია: 21:17 04.08.2023) კურორტ შოვში მომხდარ ტრაგედიას საქართველოს პრეზიდენტი, პარლამენტის თავმჯდომარე, დედაქალაქის მერი გამოეხმაურნენ.
თბილისი, 4 აგვისტო — Sputnik. რაჭაში მომხდარი ტრაგედიის გამო მწუხარება გამოთქვეს საქართველოს პრეზიდენტმა სალომე ზურაბიშვილმა, პარლამენტის თავმჯდომარემ შალვა პაპუაშვილმა და თბილისის მერმა კახა კალაძემ.
კურორტ შოვში 3 აგვისტოს მეწყერი ჩამოწვა. დაღუპულია შვიდი ადამიანი. 31 ადამიანს მაშველები ამ დრომდე ეძებენ.
„მინდა გამოვხატო ჩემი ღრმა მწუხარება იმ ტრაგედიის წინაშე, რაც დატრიალდა გუშინ ღამე და დღეს. მინდა მივუსამძიმრო დაღუპულთა ოჯახებს და მინდა იმ ოჯახებთან ერთად ვილოცო, ვინც ჯერ კიდევ ელოდება, რომ დაკარგული ადამიანები აღმოჩნდნენ ცოცხლები", – განაცხადა სალომე ზურაბიშვილმა.
როგორც პრეზიდენტმა აღნიშნა, ეს ტრაგედია ქვეყნისთვის, სრულიად საქართველოსთვის დიდი ტრაგედიაა, რომელსაც იზიარებს ყოველი მოქალაქე.
„ჩემი ადმინისტრაცია და მე პირადად ვუცხადებთ სოლიდარობას ადგილობრივ ხელმძღვანელობას, ხელისუფლებას, ყველა უწყებას, რომელიც იქ არის ჩართული, მთავრობას, დღეს არის დრო ერთიანობის და ერთად ამ ტრაგედიის გადალახვის. მინდა ისიც ვთქვა, რომ ჩემი ადმინისტრაცია და მე პირადად ყველაფერში ჩავერთვებით, სადაც ჩვენი აქტიურობა საჭირო იქნება", – განაცხადა სალომე ზურაბიშვილმა.
საქართველოს პრეზიდენტმა მაშველებს გაწეული მუშაობისთვის მადლობა გადაუხადა.
„მათი როლი არ დასრულებულა და ძალიან რთულია ამ პირობებში მუშაობა. ვიცით, რამდენად შეუძლიათ მათ ამ რთულ პირობებში ყველაფერი გააკეთონ, რათა ადამიანების სიცოცხლე გადაარჩინონ", – თქვა სალომე ზურაბიშვილმა
შოვში სტიქიის შედეგად დაღუპულთა ოჯახებს მიუსამძიმრა საქართველოს პარლამენტის თავმჯდომარემ შალვა პაპუაშვილმა, რომელიც პრემიერ-მინისტრთან ერთად სტიქიის ზონაში იმყოფება.
„მინდა მივუსამძიმრო დაღუპულთა ოჯახებს. ასევე მინდა მადლობა გადავუხადო ჩვენს მაშველებს. 210 ადამიანი იქნა უვნებლად გამოყვანილი ამ საშინელი ტერიტორიიდან. გუშინ მთელი დღის განმავლობაში მუშაობდნენ და ჯამში 210 ადამიანი უვნებლად გამოიყვანეს. სამწუხაროდ, არიან ადამიანები, რომლებსაც ჯერ კიდევ ვეძებთ... მიმდინარეობს როგორც სამძებრო, ისე გაწმენდითი ღონისძიებები", – განაცხადა პაპუაშვილმა
როგორც პარლამენტის თავმჯდომარემ აღნიშნა, ადგილზე ძალიან მძიმე სურათია.
„ითქვა კიდეც სპეციალისტების მხრიდან, რომ დასავლეთ საქართველოში ასეთი მასშტაბის ბუნებრივი კატასტროფა არ მომხდარა, თუ არ ჩავთვლით 1991 წლის მიწისძვრას. მართლაც დაუჯერებელია ის, რასაც ჩვენ ყველა ვხედავთ, მათ შორის გავრცელდა ვიდეოკადრებიც", – განაცხადა შალვა პაპუაშვილმა.
რაჭაში მომხდარმა სტიქიამ შეძრა საქართველო. შეუძლებელია სიტყვებით ასახო ის შემზარავი რეალობა, რაც სტიქიამ დაგვატეხა თავს, დაწერა დედაქალაქის მერმა კახა კალაძემ სოციალურ ქსელში.
„მთელი გულით ვუსამძიმრებ შოვში სტიქიის შედეგად გარდაცვლილთა ოჯახის წევრებს, მათ ახლობლებს! ვუსამძიმრებ სრულიად საქართველოს! მინდა მადლობა ვუთხრა ყველას, ვინც უწყვეტ რეჟიმში მიმდინარე სამუშაოებში მონაწილეობს ჩვენს გმირ მაშველებთან ერთად. ამ მძიმე წუთებში მთელი საქართველო ლოცულობს დაკარგულთა გადასარჩენად", – აღნიშნა კახა კალაძემ.
სტიქიური უბედურების ზონაში აქტიური სამაშველო და საძიებო სამუშაოები ჯერ კიდევ გრძელდება.
რაჭაში მომხდარი ტრაგედიის გამო 7 აგვისტო გლოვის დღედ გამოცხადდა.
