https://sputnik-georgia.com/20230703/sazamtro-citrullus-watermelon-279185015.html
საზამთრო და საზამთროს კურკა - რა სარგებლობა მოაქვს და როდის შეიძლება გვავნოს
საზამთრო და საზამთროს კურკა - რა სარგებლობა მოაქვს და როდის შეიძლება გვავნოს
Sputnik საქართველო
საზამთროს, მისი მდიდარი შემადგენლობის გამო, ადამიანის ორგანიზმისთვის უამრავი სიკეთე მოაქვს, სასარგებლოა მისი კურკაც. 03.07.2023-ს, Sputnik საქართველო
2023-07-03T12:44+0400
2023-07-03T12:44+0400
2023-07-18T12:53+0400
სასარგებლო რჩევები
ჩვენ და ბუნება
წასაკითხი ამბები
ხალხური მკურნალობა
https://cdnn1.img.sputnik-georgia.com/img/07e6/07/13/268665499_0:171:1824:1197_1920x0_80_0_0_3df92265f7b59e98a57c88e0fc756997.jpg
საზამთრო (ლათ. Citrullus) გოგრისებრთა ოჯახის მცენარეა. საზამთროს ისტორია ჩვ.წ.აღ.-მდე მეოცე საუკუნემდე მიდის. პირველად მის შესახებ გვხვდება დოკუმენტებში, რომლებიც სამხრეთ აფრიკის ტომების ცხოვრებაზე მოგვითხრობს. ძველ ეგვიპტეში ამ პროდუქტის მოხმარების დამადასტურებელია ტუტანჰამონის სამარხში მშვენივრად შემონახული საზამთროს კურკა. არსებობს საზამთროს 1200-ზე მეტი ნაირსახეობა. ის მსოფლიოს 96 ქვეყანაში მოჰყავთ, მათ შორის საქართველოშიც. ყველაზე მეტად საზამთრო გავრცელებულია ჩინეთში, ყირგიზეთში, ამერიკაში, უნგრეთში და სხვ. საზამთროს კალორიულობა და შემადგენლობა საზამთროს კალორიულობა 100 გრამ პროდუქტზე საშუალოდ 30 კკალორიაა. საზამთროში საკმაოდ ბევრი ვიტამინი და მინერალური ნივთიერებაა, რაც ამ პროდუქტს ადამიანის ჯანმრთელობისთვის შეუცვლელ საკვებად აქცევს. საზამთრო შეიცავს ვიტამინებს: A, B1, B2, B6, B9, C, E, H, PP; ასევე ნივთიერებებს: კალიუმს, კალციუმს, ფოსფორს, მაგნიუმს, რკინას, მანგანუმს, ნიკელს, ნატრიუმს; შაქრებს – გლუკოზას, საქაროზას, ფრუქტოზას, პექტინებს, მცირე რაოდენობით ცილებს. 90% მასში წყალია, პრაქტიკულად არ შეიცავს ცხიმებს; მცირე რაოდენობით შეიცავს ტიამინს, ნიკოტინის მჟავას. საზამთროს სასარგებლო თვისებები საზამთროში შემავალი საკვები ბოჭკოები ხელს უწყობს მეტაბოლიზმის ნორმალიზებას. ცნობილია საზამთროს, როგორც შესანიშნავი შარდმდენი და ნაღველმდენი პროდუქტის თვისება, რაც ხელს უწყობს თირკმლებისა და ღვიძლის გაწმენდას. საზამთროს წყალობით სეზონზე, თან ისე, რომ ძალიანაც არ დაიძაბოს ადამიანი, შესაძლებელია ორგანიზმის გაწმენდა თირკმლებში მცირე კენჭებისა და ქვიშისგან. შარდმდენი ეფექტის წყალობით ორგანიზმიდან გამოდის მარილები, ასევე შხამიანი ნივთიერებები. კოწახური - სასარგებლო თვისებები და უკუჩვენებები>>საზამთრო სისხლში ქოლესტერინის დონეს ამცირებს, ამაღლებს ორგანიზმის იმუნიტეტს. საზამთრო საუკეთესო საკვებია სკლეროზით, პოდაგრით, ჰიპერტონიით, ართრიტით დაავადებული ადამიანებისთვის. მისი მიღება შეუძლიათ დიაბეტით დაავადებულებს. საზამთროს ხშირად იყენებენ მონოდიეტებში და, ზოგადად, წონაში დაკლებისთვის. სასარგებლოა ასევე საზამთროს თესლი. ის შეიცავს ცილებს, ნახშირწყლებს, ცხიმებს, ნაცარს, გაჯერებულ ცხიმმჟავებს, ვიტამინებს, მაკრო- და მიკროელემენტებს. საზამთროს კურკა სასარგებლოა სქესობრივი ფუნქციისთვის, მხედველობისთვის, კანისთვის, თმისთვის, მაღალი არტერიული წნევის დროს, გულის მუშაობისთვის. ამცირებს ინფარქტის რისკს, აუმჯობესებს ნივთიერებათა ცვლას, ნერვული სისტემის მუშაობას. საზამთროს კურკა მაღალი არტერიული წნევისთვის – რეცეპტი: გააშრეთ საზამთროს თესლი და ქერქი, შემდეგ დაფქვით. მიიღეთ ნახევარი კოვზი დღეში ორჯერ. ერთი თვის შემდეგ არტერიული წნევა დარეგულირდება. საზამთროს თესლს სხვადასხვა ქვეყანაში აქტიურად გამოიყენებენ. მაგალითად, ჩინეთში მას სხვადასხვა სუნელ-საკმაზთან ერთად ხალავენ, აფრიკაში აქუცმაცებენ და სუპებსა და სოუსებში ამატებენ. მარწყვი - უგემრიელესი და უაღრესად სასარგებლო კენკრა>>როდის შეიძლება გვავნოს საზამთრომ მიუხედავად იმისა, რომ საზამთრო შაქრიანი დიაბეტით დაავადებულებისთვის დასაშვებია, ის უკონტროლოდ, დიდი რაოდენობით მათ არ უნდა მიიღონ. ასევე არ უნდა მიიღონ მათ, ვისაც თირკმლის უკმარისობა აწუხებს; აქვს თირკმლის კენჭოვანი დაავადება, კუჭქვეშა ჯირკვლისა და პროსტატის მძიმე დაავადება. საზამთროს მიღება არ არის რეკომენდებული მარილიან საკვებთან, მწნილეულთან ერთად, რადგან მარილი ორგანიზმში სითხეს აკავებს, ეს კი შეშუპებას იწვევს. საზამთრო კარგად ითვისებს ნიტრატებს, ამიტომ მან შეიძლება გამოიწვიოს არა მარტო ალერგიული რეაქცია, არამედ ორგანიზმს მნიშვნელოვანი ზიანიც მიაყენოს. საზამთროთი მოწამვლა განსაკუთრებით საშიშია ბავშვებისთვის. ამიტომ გაითვალისწინეთ, რომ საზამთრო დაჭრის წინ კარგად უნდა გარეცხოთ, ასევე უნდა იცოდეთ, რომ მავნე ნივთიერებები პროდუქტის კანთან ახლოს გროვდება, ამიტომ შუა ნაწილი ბევრად უსაფრთხოა.
https://sputnik-georgia.com/20230626/savi-mocxari-sasargeblo-tvisebebi-278947038.html
https://sputnik-georgia.com/20230612/atami-sasargeblo-tvisebebi-prnus-prsica-278477764.html
https://sputnik-georgia.com/20230206/cocxana-isidas-cremli-verbena-274598003.html
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
სასარგებლო რჩევები , ჩვენ და ბუნება , წასაკითხი ამბები, ხალხური მკურნალობა
სასარგებლო რჩევები , ჩვენ და ბუნება , წასაკითხი ამბები, ხალხური მკურნალობა
საზამთრო და საზამთროს კურკა - რა სარგებლობა მოაქვს და როდის შეიძლება გვავნოს
12:44 03.07.2023 (განახლებულია: 12:53 18.07.2023) საზამთროს, მისი მდიდარი შემადგენლობის გამო, ადამიანის ორგანიზმისთვის უამრავი სიკეთე მოაქვს, სასარგებლოა მისი კურკაც.
საზამთრო (ლათ. Citrullus) გოგრისებრთა ოჯახის მცენარეა.
საზამთროს ისტორია ჩვ.წ.აღ.-მდე მეოცე საუკუნემდე მიდის. პირველად მის შესახებ გვხვდება დოკუმენტებში, რომლებიც სამხრეთ აფრიკის ტომების ცხოვრებაზე მოგვითხრობს. ძველ ეგვიპტეში ამ პროდუქტის მოხმარების დამადასტურებელია ტუტანჰამონის სამარხში მშვენივრად შემონახული საზამთროს კურკა.
არსებობს საზამთროს 1200-ზე მეტი ნაირსახეობა. ის მსოფლიოს 96 ქვეყანაში მოჰყავთ, მათ შორის საქართველოშიც. ყველაზე მეტად საზამთრო გავრცელებულია ჩინეთში, ყირგიზეთში, ამერიკაში, უნგრეთში და სხვ.
საზამთროს კალორიულობა და შემადგენლობა
საზამთროს კალორიულობა 100 გრამ პროდუქტზე საშუალოდ 30 კკალორიაა.
საზამთროში საკმაოდ ბევრი ვიტამინი და მინერალური ნივთიერებაა, რაც ამ პროდუქტს ადამიანის ჯანმრთელობისთვის შეუცვლელ საკვებად აქცევს. საზამთრო შეიცავს ვიტამინებს: A, B1, B2, B6, B9, C, E, H, PP; ასევე ნივთიერებებს: კალიუმს, კალციუმს, ფოსფორს, მაგნიუმს, რკინას, მანგანუმს, ნიკელს, ნატრიუმს; შაქრებს – გლუკოზას, საქაროზას, ფრუქტოზას, პექტინებს, მცირე რაოდენობით ცილებს. 90% მასში წყალია, პრაქტიკულად არ შეიცავს ცხიმებს; მცირე რაოდენობით შეიცავს ტიამინს, ნიკოტინის მჟავას.
საზამთროს სასარგებლო თვისებები
საზამთროში შემავალი საკვები ბოჭკოები ხელს უწყობს მეტაბოლიზმის ნორმალიზებას. ცნობილია საზამთროს, როგორც შესანიშნავი შარდმდენი და ნაღველმდენი პროდუქტის თვისება, რაც ხელს უწყობს თირკმლებისა და ღვიძლის გაწმენდას.
საზამთროს წყალობით სეზონზე, თან ისე, რომ ძალიანაც არ დაიძაბოს ადამიანი, შესაძლებელია ორგანიზმის გაწმენდა თირკმლებში მცირე კენჭებისა და ქვიშისგან. შარდმდენი ეფექტის წყალობით ორგანიზმიდან გამოდის მარილები, ასევე შხამიანი ნივთიერებები.
საზამთრო სისხლში ქოლესტერინის დონეს ამცირებს, ამაღლებს ორგანიზმის იმუნიტეტს.
საზამთრო საუკეთესო საკვებია სკლეროზით, პოდაგრით, ჰიპერტონიით, ართრიტით დაავადებული ადამიანებისთვის. მისი მიღება შეუძლიათ დიაბეტით დაავადებულებს.
საზამთროს ხშირად იყენებენ მონოდიეტებში და, ზოგადად, წონაში დაკლებისთვის.
სასარგებლოა ასევე საზამთროს თესლი. ის შეიცავს ცილებს, ნახშირწყლებს, ცხიმებს, ნაცარს, გაჯერებულ ცხიმმჟავებს, ვიტამინებს, მაკრო- და მიკროელემენტებს.
საზამთროს კურკა სასარგებლოა სქესობრივი ფუნქციისთვის, მხედველობისთვის, კანისთვის, თმისთვის, მაღალი არტერიული წნევის დროს, გულის მუშაობისთვის. ამცირებს ინფარქტის რისკს, აუმჯობესებს ნივთიერებათა ცვლას, ნერვული სისტემის მუშაობას.
საზამთროს კურკა მაღალი არტერიული წნევისთვის – რეცეპტი:
გააშრეთ საზამთროს თესლი და ქერქი, შემდეგ დაფქვით. მიიღეთ ნახევარი კოვზი დღეში ორჯერ. ერთი თვის შემდეგ არტერიული წნევა დარეგულირდება.
საზამთროს თესლს სხვადასხვა ქვეყანაში აქტიურად გამოიყენებენ. მაგალითად, ჩინეთში მას სხვადასხვა სუნელ-საკმაზთან ერთად ხალავენ, აფრიკაში აქუცმაცებენ და სუპებსა და სოუსებში ამატებენ.
როდის შეიძლება გვავნოს საზამთრომ
მიუხედავად იმისა, რომ საზამთრო შაქრიანი დიაბეტით დაავადებულებისთვის დასაშვებია, ის უკონტროლოდ, დიდი რაოდენობით მათ არ უნდა მიიღონ. ასევე არ უნდა მიიღონ მათ, ვისაც თირკმლის უკმარისობა აწუხებს; აქვს თირკმლის კენჭოვანი დაავადება, კუჭქვეშა ჯირკვლისა და პროსტატის მძიმე დაავადება.
საზამთროს მიღება არ არის რეკომენდებული მარილიან საკვებთან, მწნილეულთან ერთად, რადგან მარილი ორგანიზმში სითხეს აკავებს, ეს კი შეშუპებას იწვევს.
საზამთრო კარგად ითვისებს ნიტრატებს, ამიტომ მან შეიძლება გამოიწვიოს არა მარტო ალერგიული რეაქცია, არამედ ორგანიზმს მნიშვნელოვანი ზიანიც მიაყენოს.
საზამთროთი მოწამვლა განსაკუთრებით საშიშია ბავშვებისთვის. ამიტომ გაითვალისწინეთ, რომ საზამთრო დაჭრის წინ კარგად უნდა გარეცხოთ, ასევე უნდა იცოდეთ, რომ მავნე ნივთიერებები პროდუქტის კანთან ახლოს გროვდება, ამიტომ შუა ნაწილი ბევრად უსაფრთხოა.
