შშმ სტატუსის მქონე ბავშვს მოკვლით დაემუქრა: სექს-ვიდეოს საქმის ახალი დეტალები

© photo: Sputnik / Stringer
  - Sputnik საქართველო, 1920, 09.06.2023
გამოწერა
НовостиTelegram
ბრალდებული შშმ არასრულწლოვანს მისი და მისი მშობლების მოკვლით და დასახიჩრებით ემუქრებოდა.
თბილისი, 9 ივნისი — Sputnik. არასრულწლოვანი შეზღუდული შესაძლებლობის მქონე პირების სავარაუდო გაუპატიურების საქმის გამოძიების ფარგლებში დაკავებულ მამაკაცს ბრალად არასრულწლოვანი ბავშისა და მისი მშობლის მიმართ ჩადენილი მუქარა ედება, ნათქვამია საქართველოს პროკურატურის მიერ გავრცელებულ ინფორმაციაში.
გამოძიებით დადგინდა, რომ შშმ სტატუსის მქონე არასრულწლოვანი სოციალური ქსელით პროტესტს გამოთქვამდა შშმ პირების მიმართ განხორციელებული შესაძლო სექსუალური ძალადობის ფაქტებზე, რის გამოც ბრალდებული სიცოცხლის მოსპობით და ჯანმრთელობის დაზიანებით დაემუქრა მას და მის მშობელს.
ახლა ბრალდებულს სამ წლამდე თავისუფლების აღკვეთა ემუქრება. პროკურატურა ბრალდებულისთვის აღკვეთის ღონისძიების სახით პატიმრობას მოითხოვს.
ძირითადი საქმე
საქართველოს შინაგან საქმეთა სამინისტრო გამოძიებას არასამთავრობო ორგანიზაცია „შშმ ქალთა ალიანსის" მიმართვის საფუძველზე „გაუპატიურების" მუხლით აგრძელებს. მიმართვის მიზეზი ინტერნეტ-სივრცეში გავრცელებული ვიდეოს შესახებ ინფორმაცია გახდა.
შშმ პირების მიმართ შესაძლო სექსუალური ძალადობის ფაქტზე გამოძიება დაიწყო>>
არასამთავრობო ორგანიზაციის წარმომადგენლების თქმით, საქმე ეხება ვიდეოს, სადაც სექსუალური ხასიათის ძალადობაა დაფიქსირებული 7-დან 16 წლამდე გოგონების მიმართ. ორგანიზაციის ცნობით, ვიდეოები რამდენიმე წლის განმავლობაში სხვადასხვა ქალაქშია გადაღებული და მასზე სმენის პრობლემების მქონე პირები ფიგურირებენ.
პოლიცია მოწმეების გამოკითხვასა და საგამოძიებო ღონისძიებებს ატარებს.
ყველა ახალი ამბავი
0