https://sputnik-georgia.com/20230217/40-saatiani-samusao-kvira-zalasi-rceba-274955778.html
40-საათიანი სამუშაო კვირა ძალაში რჩება
40-საათიანი სამუშაო კვირა ძალაში რჩება
Sputnik საქართველო
მთავრობამ დამსაქმებლები დაავალდებულა, რომ კვირაში 40 საათზე მეტი მუშაობისთვის დასაქმებულებს დამატებითი ანაზღაურება გადაუხადონ. 17.02.2023-ს, Sputnik საქართველო
2023-02-17T10:18+0400
2023-02-17T10:18+0400
2023-02-17T15:38+0400
სოციალური სფერო საქართველოში
დევნილთა, შრომის, ჯანმრთელობისა და სოციალური დაცვის სამინისტრო
ახალი ამბები
საქართველო
საზოგადოება
https://cdnn1.img.sputnik-georgia.com/img/07e4/0c/1d/250486610_0:140:3143:1908_1920x0_80_0_0_a1007a95d7b4155b5e87611971a11559.jpg
თბილისი, 17 თებერვალი — Sputnik. ახალი წესების ამოქმედება, რაც კერძო სექტორისთვის 40-საათიან სამუშაო კვირას უკავშირდება, არ გადავადდება, განაცხადა საქართველოს შრომის ინსპექციის სამსახურის უფროსმა ბექა ფერაძემ ჟურნალისტებთან.საქართველოს მთავრობის გადაწყვეტილებით, 2023 წლის იანვრიდან კერძო სექტორში მუშაობამ კვირაში 40 საათს არ უნდა გადააჭარბოს. ამასთან დაკავშირებით ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრომ განაცხადა, რომ დასაქმებულების უფლებების დარღვევაზე მყისიერი რეაგირება ექნება.მისი თქმით, სპეციფიკური სამუშაო საქმიანობის შემთხვევაში დაშვებულია კვირაში 40 საათზე მეტი მუშაობა, მაგრამ თანამშრომელმა ამისთვის ზეგანაკვეთური ანაზღაურება უნდა მიიღოს.შრომითი უფლებების დარღვევის რისკი დამოკიდებულია საქმიანობის სფეროზეც, მაგალითად, სამშენებლო სფეროში რისკი მეტია, ვიდრე მომსახურების სფეროში, აღნიშნა მან.„ეს, რა თქმა უნდა, არ ნიშნავს იმას, რომ მომსახურების სექტორში საფრთხე საერთოდ არ არსებობს. მომსახურების სექტორში ინციდენტები საკმაოდ გაზრდილია“, – აღნიშნა ფერაძემ.სამშენებლო სექტორში რისკები უნდა ფასდებოდეს არანაკლებ ათი დღის განმავლობაში, ხოლო მომსახურების სფეროში ინსპექტირების პერიოდი ოთხიდან ექვს თვემდეა, განაცხადა ფერაძემ.აზარაშვილმა პირობა დადო, რომ უხელფასოდ დარჩენილი დასაქმებულების უფლებებს დაიცავს>>„თუ კონკრეტულ სექტორში დარღვევის რისკი მეტია, უსაფრთხოების სპეციალისტის აქტივობაც ამ მიმართულებით მეტი იქნება“, – აღნიშნა ფერაძემ.იყო შემთხვევები, როდესაც რესტორნებში, ატელიეში, სასტუმროებსა თუ სუპერმარკეტებში თანამშრომლებს 40-ის ნაცვლად 48 საათი უწევდათ მუშაობა კვირაში და ამ დროს იმავე ხელფასს იღებდნენ. მაგრამ იანვრიდან საქართველოს მთავრობამ ასეთ შემთხვევაში დამსაქმებლებს დამატებითი ანაზღაურების გაცემა დაავალა.ეწვიეთ „Sputnik საქართველოს“ Telegram-არხს
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
სოციალური სფერო საქართველოში, დევნილთა, შრომის, ჯანმრთელობისა და სოციალური დაცვის სამინისტრო , ახალი ამბები, საქართველო, საზოგადოება
სოციალური სფერო საქართველოში, დევნილთა, შრომის, ჯანმრთელობისა და სოციალური დაცვის სამინისტრო , ახალი ამბები, საქართველო, საზოგადოება
40-საათიანი სამუშაო კვირა ძალაში რჩება
10:18 17.02.2023 (განახლებულია: 15:38 17.02.2023) მთავრობამ დამსაქმებლები დაავალდებულა, რომ კვირაში 40 საათზე მეტი მუშაობისთვის დასაქმებულებს დამატებითი ანაზღაურება გადაუხადონ.
თბილისი, 17 თებერვალი — Sputnik. ახალი წესების ამოქმედება, რაც კერძო სექტორისთვის 40-საათიან სამუშაო კვირას უკავშირდება, არ გადავადდება, განაცხადა საქართველოს შრომის ინსპექციის სამსახურის უფროსმა ბექა ფერაძემ ჟურნალისტებთან.
საქართველოს მთავრობის გადაწყვეტილებით, 2023 წლის იანვრიდან კერძო სექტორში მუშაობამ კვირაში 40 საათს არ უნდა გადააჭარბოს. ამასთან დაკავშირებით ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრომ განაცხადა, რომ დასაქმებულების უფლებების დარღვევაზე მყისიერი რეაგირება ექნება.
„ასწლეულზე მეტია, რაც განვითარებული სამყარო ამაზე შეთანხმდა. ბიზნესთან ორი წლის განმავლობაში აქტიური კომუნიკაცია გვქონდა. ნებისმიერ ბიზნესს მოლოდინი უნდა ჰქონოდა, რომ 40-საათიანი სამუშაო დროის ნორმა დაწესდებოდა. რეგულაციის გადავადება არ იგეგმება. ჩვენ ბიზნესს ადაპტირების საშუალებას ვაძლევთ“, – განაცხადა ფერაძემ.
მისი თქმით, სპეციფიკური სამუშაო საქმიანობის შემთხვევაში დაშვებულია კვირაში 40 საათზე მეტი მუშაობა, მაგრამ თანამშრომელმა ამისთვის ზეგანაკვეთური ანაზღაურება უნდა მიიღოს.
შრომითი უფლებების დარღვევის რისკი დამოკიდებულია საქმიანობის სფეროზეც, მაგალითად, სამშენებლო სფეროში რისკი მეტია, ვიდრე მომსახურების სფეროში, აღნიშნა მან.
„ეს, რა თქმა უნდა, არ ნიშნავს იმას, რომ მომსახურების სექტორში საფრთხე საერთოდ არ არსებობს. მომსახურების სექტორში ინციდენტები საკმაოდ გაზრდილია“, – აღნიშნა ფერაძემ.
სამშენებლო სექტორში რისკები უნდა ფასდებოდეს არანაკლებ ათი დღის განმავლობაში, ხოლო მომსახურების სფეროში ინსპექტირების პერიოდი ოთხიდან ექვს თვემდეა, განაცხადა ფერაძემ.
„თუ კონკრეტულ სექტორში დარღვევის რისკი მეტია, უსაფრთხოების სპეციალისტის აქტივობაც ამ მიმართულებით მეტი იქნება“, – აღნიშნა ფერაძემ.
იყო შემთხვევები, როდესაც რესტორნებში, ატელიეში, სასტუმროებსა თუ სუპერმარკეტებში თანამშრომლებს 40-ის ნაცვლად 48 საათი უწევდათ მუშაობა კვირაში და ამ დროს იმავე ხელფასს იღებდნენ. მაგრამ იანვრიდან საქართველოს მთავრობამ ასეთ შემთხვევაში დამსაქმებლებს დამატებითი ანაზღაურების გაცემა დაავალა.
