10 თებერვალს დაბადებულები – ზოდიაქო, დახასიათება, რჩევები

© Pixabay / Fotocitizenდაისი
დაისი - Sputnik საქართველო, 1920, 10.02.2023
გამოწერა
გაეცანით 10 თებერვალს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის.
წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ.
1-10 თებერვალი
ამ პერიოდში მერწყულის ნიშნით იბადებიან - 21 იანვარი - 19 თებერვალი.
1-10 თებერვლის პერიოდი მერწყულის ნიშნის მეორე დეკადას განეკუთვნება.
ამ პერიოდში დაბადებული ადამიანების ხასიათს მერკური მართავს, ანიჭებს მათ სინაზეს, ემოციურობას, ჭკუასა და წინასწარმეტყველების უნარს. და ეს მათ მრავალი განსაცდელის თავიდან არიდებაში ეხმარება.
მნიშვნელოვანი წლებია: 10, 20, 42, 50, 60.
ამ პერიოდში დაბადებულთა სიმბოლოა - ფითრი.
პლიტვიცეს ჩანჩქერი - Sputnik საქართველო, 1920, 21.01.2021
მერწყული – რთული, ორიგინალური, თავისუფლებისმოყვარე – ზოგადი დახასიათება
ესენი არიან მომხიბლავი ადამიანები განსაკუთრებული შარმით. არიან შესანიშნავი, ვნებებით აღსავსე საყვარლები. იციან რა საკუთარი მომხიბლაობა, თავიანთ საუკეთესო თვისებებს ოსტატურად წარმოაჩენენ და იყენებენ ცხოვრებაში.
10 თებერვალს დაბადებულები
10 თებერვალს ორიგინალური პიროვნებები იბადებიან. ისინი გამოირჩევიან ჭკუა-გონებით, ენამოსწრებულობით, ნიჭიერებით - ბავშვობიდანვე არ ჰგვანან სხვებს, არიან გამჭრიახი და ანალიზის უნარის მქონე ბავშვები. არიან მგრძნობიარე ადამიანები მომაჯადოებელი მაგნეტიზმით, შეუძლიათ სხვებზე ზემოქმედება და თავიანთი იდეებით შთაბეჭდილების მოხდენა.
რა ბედი არგუნა ზოდიაქოს თითოეულ ნიშანს განგებამ>>
ასევე დიდია მათი ლიდერის თვისებები და ორგანიზატორული ნიჭი, სიტუაციის კონტროლის უნარი. მაგრამ ბედი მათ არასახარბიელოდ ეთამაშება, რადგან დროთა განმავლობაში მათ ნეგატიურ მხარეებს აძლიერებს. ამიტომ ამ დღეს დაბადებულები ყურადღებით უნდა იყვნენ, დაიცვან მორალური ნორმები, განავითარონ სულიერი მხარე, ისწრაფვოდნენ სრულყოფისკენ, ქმნან სიკეთე. ვინც ამ გზიდან გადაუხვევს, გამოამჟღავნებს ამპარტავნებას, შურსა და უმადურობას, მას მარტოობა და უბედური ცხოვრება ელოდება.
მზე - Sputnik საქართველო, 1920, 18.09.2019
თქვენი მფარველი პლანეტა ზოდიაქოს ნიშნის მიხედვით და მისი გავლენა თქვენზე
10 თებერვალს დაბადებულების ცხოვრება საკუთარი თავის პოვნაში მიდის. ისინი ეძებენ სფეროებს, სადაც თავს კარგად გამოამჟღავნებენ და აღიარებას მოიპოვებენ. განვითარებული ადამიანები ხელისუფლების უმაღლეს ეშელონებშიც მოხვდებიან, თან დიდი ძალისხმევის გარეშე.
ყველას ანცვიფრებს მათი თავდაჯერებულობა და თანამიმდევრულობა ქმედებებში. თუმცა, 10 თებერვალს დაბადებულებს, უფრო მეტი პოპულარობის მისაღწევად, თავიანთი სტილის შეცვლა არ სჩვევიათ. მათი აღუშფოთებლობა გარშემომყოფებზე უგრძნობი და ზედმეტი სიჯიუტის ნიშნად აღიქმება. და მაინც, მათ შესწევთ უნარი, მოძებნონ ისეთი ადამიანი, რომელიც მათ ისეთად მიიღებს, როგორიც არიან - ნაკლოვანებებით.
ზოდიაქო: ვის როგორ უმართლებს სიყვარულში>>
ამ დღეს დაბადებულებს არ ახასიათებთ ცეცხლოვანი ემოციები, თუმცა სხვებში ამ გრძნობების გამოწვევა შეუძლიათ. ასე იქცევა მათი ენერგია ქმედებაში ისე, რომ თავად მცირე ემოციასაც არ ამჟღავნებენ. შესაძლოა, სწორედ ამაში იმალება მათი წარმატებისა და მაღალი შედეგების საფუძველი. 10 თებერვალს დაბადებულები ოსტატურად თამაშობენ ახლობლების, მეგობრების მფარველებისა და დამცველების როლს, საკუთარ თავზე იღებენ მთელ პასუხისმგებლობას. ასრულებენ მთავარი პილოტის მოვალეობას, თუმცა, ხანდახან მაინც უნდა დაუთმონ სხვას ადგილი, რომ სხვასაც ჰქონდეს თავის წარმოჩენის შანსი.
10 თებერვალს დაბადებულებში ყოველთვის მწვავედ დგას პასუხისმგებლობის პრობლემა. როგორც წესი, ისინი ტოტალური პასუხისმგებლობისკენ მიილტვიან, თუმცა, პირადი ურთიერთობების დონეზე თანაგრძნობა, უბრალოდ, არ შეუძლიათ. მათ უნდა გააცნობიერონ, რომ არ შეიძლება, უდიერად მოეპყრა მეგობრებს, ახლობლებს.
კურდღელი - Sputnik საქართველო, 1920, 09.11.2022
2023 წელი ზოდიაქოს ნიშნებისთვის: სამუშაო, ფული, სიყვარული, ოჯახი, ჯანმრთელობა
მათ ცხოვრებაში არის რისკი, რომ ცნობილი, წარმატებული ადამიანები გახდებიან, მათ უამრავი თაყვანისმცემელი ეყოლებათ, მაგრამ, ამავე დროს, მარტონი იქნებიან. თუ დროულად შეამჩნევენ ამ ნეგატიურ ტენდენციას და ზომებს მიიღებენ, შესაძლებელია ბედნიერი ფინალი. და საერთოდ, მარტოობასთან ბრძოლა გვიანი არასდროსაა.
ჯანმრთელობა
10 თებერვალს დაბადებულებმა დიდი ყურადღება უნდა მიაქციონ ნერვულ სისტემას, რადგან ის არამდგრადია. ამ დღეს დაბადებულთაგან ბევრი შრომის „მანიაკია“ და ამიტომ ძილთან დაკავშირებით ხშირად აქვთ პრობლემები. მათ ენერგია უნდა მიმართონ თავიანთ სახლზე, შექმნან ნამდვილი ციხე-სიმაგრე, სადაც აუცილებლად მოიწყობენ მყუდრო ადგილს სამყაროს მოთხოვნებისგან დასვენებას შეძლებენ. მათი საკვები დაბალანსებული უნდა იყოს, ზომიერება უნდა დაიცვან. ზომიერება უნდა დაიცვან ასევე ფიზიკურ დატვირთვაშიც.
რჩევა:
მიაქციეთ ყურადღება წვრილმანებს; ნუ უკუაგდებთ უბრალო საქმეებს, ისინი შეიძლება საჭირო და სასარგებლო იყოს. აკონტროლეთ ემოციები, რომლებსაც თქვენი რელსებიდან გადაყვანა შეუძლია. შეაფასეთ პერსპექტივები.
ყველა ახალი ამბავი
0