https://sputnik-georgia.com/20230208/chxenkeli-universiteti-girseulad-agrzelebs-saukunovan-tradicias-274681572.html
მიხეილ ჩხენკელი: უნივერსიტეტი ღირსეულად აგრძელებს საუკუნოვან ტრადიციას
მიხეილ ჩხენკელი: უნივერსიტეტი ღირსეულად აგრძელებს საუკუნოვან ტრადიციას
Sputnik საქართველო
უნივერსიტეტმა დაარსების დღიდან გადამწყვეტი როლი ითამაშა ქვეყნის ერთიანობისა და ეროვნული თვითმყოფადობის შენარჩუნების პროცესში, აღნიშნა მინისტრმა. 08.02.2023-ს, Sputnik საქართველო
2023-02-08T11:49+0400
2023-02-08T11:49+0400
2023-02-08T19:15+0400
საქართველო
საქართველოს განათლებისა და მეცნიერების სამინისტრო
საზოგადოება
ახალი ამბები
https://cdnn1.img.sputnik-georgia.com/img/24794/68/247946822_0:158:3001:1846_1920x0_80_0_0_8d8ecb589a54fc5556e50a3b2790992c.jpg
თბილისი, 8 თებერვალი — Sputnik. საქართველოს განათლებისა და მეცნიერების მინისტრი მიხეილ ჩხენკელი ივანე ჯავახიშვილის სახელობის თბილისის სახელმწიფო უნივერსიტეტს 105 წლის იუბილეს ულოცავს.კავკასიაში პირველი ეროვნული უნივერსიტეტი 1918 წლის 26 იანვარს (ახალი სტილით 8 თებერვალს) — დავით აღმაშენებლის ხსენების დღეს გაიხსნა. 1989 წელს უნივერსიტეტს მისი დამაარსებლის, ისტორიკოსისა და აკადემიკოსის ივანე ჯავახიშვილის სახელი მიენიჭა.„ჩემთვის, როგორც უნივერსიტეტელისთვის განსაკუთრებით საამაყოა, რომ თბილისის უნივერსიტეტი ღირსეულად აგრძელებს საუკუნოვან ტრადიციას და დღესაც უდიდესი წვლილი შეაქვს ახალგაზრდა თაობების განათლების საქმეში", – განაცხადა ჩხენკელმა.მინისტრმა მნიშვნელოვანი თარიღი განსაკუთრებით მიულოცა თსუ-ის სტუდენტებს, პროფესორ-მასწავლებლებსა და სასწავლებლის ადმინისტრაციის თანამშრომლებს. ჩხენკელი დარწმუნებულია, რომ უნივერსიტეტი მომავალშიც აღზრდის თაობებს, რომლებიც საქართველოს საერთაშორისო ასპარეზზე ასახელებენ და ქვეყნის განვითარებაში უდიდეს წვლილს შეიტანენ.თბილისის სახელმწიფო უნივერსიტეტისაქართველოში უნივერსიტეტის შექმნის იდეა ჯერ კიდევ XIX საუკუნის დასაწყისში გაჩნდა. 1860-იან წლებში საზოგადო მოღვაწემ და მწერალმა ილია ჭავჭავაძემ ამ მიმართულებით მუშაობა დაიწყო და მხოლოდ XX საუკუნის დასაწყისში მოხერხდა სანქტ-პეტერბურგის უნივერსიტეტის კურსდამთავრებულის ივანე ჯავახიშვილის თაოსნობით უნივერსიტეტის გახსნის ორგანიზება.1917 წლის მაისში თბილისში, ქართველი ქიმიკოსის პეტრე მელიქიშვილის ბინაში უნივერსიტეტის დამფუძნებელთა პირველი კრება გაიმართა. კრებას საზოგადო მოღვაწე ექვთიმე თაყაიშვილი ხელმძღვანელობდა. ამ დღეს „ქართული თავისუფალი უნივერსიტეტის“ საზოგადოება შეიქმნა, რომელმაც ქვეყნის პირველი უმაღლესი სასწავლო დაწესებულების დაარსებაში დიდი როლი ითამაშა.თსუ ევროპის დედაქალაქების უნივერსიტეტების ქსელის წევრი გახდა>>>1917 წლის შემოდგომაზე საზოგადოების წევრებმა მიიღეს გადაწყვეტილება, გაეხსნათ ჯერ მხოლოდ ფილოსოფიის ფაკულტეტი, რომელიც აერთიანებდა ჰუმანიტარულ მეცნიერებებს, ასევე მათემატიკასა და ბუნებისმეტყველებას. უკვე დეკემბრის ბოლოს ქართულ პრესაში ქართულ უნივერსიტეტში სტუდენტთა მიღების შესახებ განცხადება გაჩნდა.პროფესორთა საბჭომ უნივერსიტეტის პირველ რექტორად პეტრე მელიქიშვილი აირჩია, ივანე ჯავახიშვილი კი ფილოსოფიის ფაკულტეტს ჩაუდგა სათავეში.პირველ უნივერსიტეტში ლექციებს კითხულობდნენ ისეთი დიდი პროფესორები და ლექტორები, როგორებიც იყვნენ გიორგი ახვლედიანი, კორნელი კეკელიძე, შალვა ნუცუბიძე, ელისაბედ ბაგრატიონ-ორბელიანი, დიმიტრი უზნაძე, გრიგოლ წერეთელი და მრავალი სხვა.ამჟამად თბილისის სახელმწიფო უნივერსიტეტში ყოველწლიურად 200-მდე ადგილობრივი და საერთაშორისო სამეცნიერო პროექტი ხორციელდება. უნივერსიტეტში საბაკალავრო, სამაგისტრო და სადოქტორო საგანმანათლებლო პროგრამებთან ერთად უმაღლესი პროფესიონალური პროგრამებიც მოქმედებს, ასევე მოკლევადიანი და გრძელვადიანი სასერტიფიკატო პროგრამები.მსოფლიოს წამყვანი უნივერსიტეტების წარმომადგენლები თბილისში პერსონალის კვირეულზე შეიკრიბნენ>>>უნივერსიტეტი სხვადასხვა ქვეყნის უმაღლეს სასწავლო დაწესებულებებთან მჭიდროდ თანამშრომლობს. ყველა სტუდენტს აქვს შესაძლებლობა, მონაწილეობა მიიღოს გაცვლით პროგრამებში, საერთაშორისო პროგრამებში, და მიიღოს ორი დიპლომი — ქართული და საერთაშორისო.უნივერსიტეტს აქვს 7 ფაკულტეტი, 60-მდე სამეცნიერო-კვლევითი ლაბორატორია და ცენტრი, უმდიდრესი სამეცნიერო ბიბლიოთეკა (4 მილიონამდე წიგნითა და პერიოდული გამოცემით), 7 მუზეუმი, აგრეთვე საკუთარი გამომცემლობა და სტამბა.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საქართველო, საქართველოს განათლებისა და მეცნიერების სამინისტრო , საზოგადოება, ახალი ამბები
საქართველო, საქართველოს განათლებისა და მეცნიერების სამინისტრო , საზოგადოება, ახალი ამბები
მიხეილ ჩხენკელი: უნივერსიტეტი ღირსეულად აგრძელებს საუკუნოვან ტრადიციას
11:49 08.02.2023 (განახლებულია: 19:15 08.02.2023) უნივერსიტეტმა დაარსების დღიდან გადამწყვეტი როლი ითამაშა ქვეყნის ერთიანობისა და ეროვნული თვითმყოფადობის შენარჩუნების პროცესში, აღნიშნა მინისტრმა.
თბილისი, 8 თებერვალი — Sputnik. საქართველოს განათლებისა და მეცნიერების მინისტრი მიხეილ ჩხენკელი ივანე ჯავახიშვილის სახელობის თბილისის სახელმწიფო უნივერსიტეტს 105 წლის იუბილეს ულოცავს.
კავკასიაში პირველი ეროვნული უნივერსიტეტი 1918 წლის 26 იანვარს (ახალი სტილით 8 თებერვალს) — დავით აღმაშენებლის ხსენების დღეს გაიხსნა. 1989 წელს უნივერსიტეტს მისი დამაარსებლის, ისტორიკოსისა და აკადემიკოსის ივანე ჯავახიშვილის სახელი მიენიჭა.
„დაარსების დღიდან თბილისის სახელმწიფო უნივერსიტეტმა გარდამტეხი როლი შეასრულა ჩვენი ქვეყნის ერთიანობისა და ეროვნული თვითმყოფადობის შენარჩუნებაში“, – ნათქვამია მინისტრის მისალოც წერილში.
„ჩემთვის, როგორც უნივერსიტეტელისთვის განსაკუთრებით საამაყოა, რომ თბილისის უნივერსიტეტი ღირსეულად აგრძელებს საუკუნოვან ტრადიციას და დღესაც უდიდესი წვლილი შეაქვს ახალგაზრდა თაობების განათლების საქმეში", – განაცხადა ჩხენკელმა.
მინისტრმა მნიშვნელოვანი თარიღი განსაკუთრებით მიულოცა თსუ-ის სტუდენტებს, პროფესორ-მასწავლებლებსა და სასწავლებლის ადმინისტრაციის თანამშრომლებს. ჩხენკელი დარწმუნებულია, რომ უნივერსიტეტი მომავალშიც აღზრდის თაობებს, რომლებიც საქართველოს საერთაშორისო ასპარეზზე ასახელებენ და ქვეყნის განვითარებაში უდიდეს წვლილს შეიტანენ.
თბილისის სახელმწიფო უნივერსიტეტი
საქართველოში უნივერსიტეტის შექმნის იდეა ჯერ კიდევ XIX საუკუნის დასაწყისში გაჩნდა. 1860-იან წლებში საზოგადო მოღვაწემ და მწერალმა ილია ჭავჭავაძემ ამ მიმართულებით მუშაობა დაიწყო და მხოლოდ XX საუკუნის დასაწყისში მოხერხდა სანქტ-პეტერბურგის უნივერსიტეტის კურსდამთავრებულის ივანე ჯავახიშვილის თაოსნობით უნივერსიტეტის გახსნის ორგანიზება.
1917 წლის მაისში თბილისში, ქართველი ქიმიკოსის პეტრე მელიქიშვილის ბინაში უნივერსიტეტის დამფუძნებელთა პირველი კრება გაიმართა. კრებას საზოგადო მოღვაწე ექვთიმე თაყაიშვილი ხელმძღვანელობდა. ამ დღეს „ქართული თავისუფალი უნივერსიტეტის“ საზოგადოება შეიქმნა, რომელმაც ქვეყნის პირველი უმაღლესი სასწავლო დაწესებულების დაარსებაში დიდი როლი ითამაშა.
1917 წლის შემოდგომაზე საზოგადოების წევრებმა მიიღეს გადაწყვეტილება, გაეხსნათ ჯერ მხოლოდ ფილოსოფიის ფაკულტეტი, რომელიც აერთიანებდა ჰუმანიტარულ მეცნიერებებს, ასევე მათემატიკასა და ბუნებისმეტყველებას. უკვე დეკემბრის ბოლოს ქართულ პრესაში ქართულ უნივერსიტეტში სტუდენტთა მიღების შესახებ განცხადება გაჩნდა.
პროფესორთა საბჭომ უნივერსიტეტის პირველ რექტორად პეტრე მელიქიშვილი აირჩია, ივანე ჯავახიშვილი კი ფილოსოფიის ფაკულტეტს ჩაუდგა სათავეში.
პირველ უნივერსიტეტში ლექციებს კითხულობდნენ ისეთი დიდი პროფესორები და ლექტორები, როგორებიც იყვნენ გიორგი ახვლედიანი, კორნელი კეკელიძე, შალვა ნუცუბიძე, ელისაბედ ბაგრატიონ-ორბელიანი, დიმიტრი უზნაძე, გრიგოლ წერეთელი და მრავალი სხვა.
ამჟამად თბილისის სახელმწიფო უნივერსიტეტში ყოველწლიურად 200-მდე ადგილობრივი და საერთაშორისო სამეცნიერო პროექტი ხორციელდება. უნივერსიტეტში საბაკალავრო, სამაგისტრო და სადოქტორო საგანმანათლებლო პროგრამებთან ერთად უმაღლესი პროფესიონალური პროგრამებიც მოქმედებს, ასევე მოკლევადიანი და გრძელვადიანი სასერტიფიკატო პროგრამები.
უნივერსიტეტი სხვადასხვა ქვეყნის უმაღლეს სასწავლო დაწესებულებებთან მჭიდროდ თანამშრომლობს. ყველა სტუდენტს აქვს შესაძლებლობა, მონაწილეობა მიიღოს გაცვლით პროგრამებში, საერთაშორისო პროგრამებში, და მიიღოს ორი დიპლომი — ქართული და საერთაშორისო.
უნივერსიტეტს აქვს 7 ფაკულტეტი, 60-მდე სამეცნიერო-კვლევითი ლაბორატორია და ცენტრი, უმდიდრესი სამეცნიერო ბიბლიოთეკა (4 მილიონამდე წიგნითა და პერიოდული გამოცემით), 7 მუზეუმი, აგრეთვე საკუთარი გამომცემლობა და სტამბა.
