https://sputnik-georgia.com/20230125/daxurul-sivrceebsi-arar-ewevian-274232086.html
დახურულ საზოგადოებრივ ადგილებში პრაქტიკულად აღარ ეწევიან
დახურულ საზოგადოებრივ ადგილებში პრაქტიკულად აღარ ეწევიან
Sputnik საქართველო
საქართველოში თამბაქოს მოხმარების საწინააღმდეგო კანონი 2017 წლიდან ამოქმედდა. 25.01.2023-ს, Sputnik საქართველო
2023-01-25T12:44+0400
2023-01-25T12:44+0400
2023-01-25T17:37+0400
საზოგადოება
საქართველო
ახალი ამბები
https://cdnn1.img.sputnik-georgia.com/img/24722/44/247224463_0:53:3000:1741_1920x0_80_0_0_adf51fc7506f8cfe4bda42af17da709d.jpg
თბილისი, 25 იანვარი – Sputnik. თამბაქოს კონტროლის ალიანსი 2022 წლის დეკემბრის მონიტორინგის მონაცემებს აქვეყნებს, რომელმაც აჩვენა, რომ საქართველოში დახურულ საზოგადოებრივ ადგილებში პრაქტიკულად არავინ აღარ ეწევა.მონიტორინგის შედეგებით, მოწევის წესების დარღვევა ძირითადად უკავშირდება თამბაქოს ახალი ნაწარმის – ელექტრონული სიგარეტის, გასახურებელი თამბაქოს და ჩილიმის უკანონოდ გამოყენების შემთხვევებს, რაც მასობრივი ხასიათის არ არის, თუმცა შესამჩნევია, აღნიშნავენ ალიანსში.ორგანიზაციაში მიიჩნევენ, რომ 2023 წელს ჯანდაცვის სამინისტრო მძლავრ საინფორმაციო-საკომუნიკაციო კამპანიას აამუშავებს. ალიანსში აცხადებენ, რომ რაც უფრო კარგად იქნებიან ინფორმირებული მოქალაქეები, მით უფრო დაიცავენ კანონს.იმ დროს, როდესაც სახელმწიფო საზოგადოებას არ აწვდის საჭირო ინფორმაციას, თამბაქოს ინდუსტრია სხვადასხვა მეთოდით ცდილობს ადამიანების დარწმუნებას, თითქოს ელექტროსიგარეტი ნაკლებად მავნეა როგორც მწეველის, ისე ირგვლივ მყოფებისთვის, რაც სინამდვილეს არ შეესაბამება, აღნიშნავენ ორგანიზაციაში.ზოგიერთი ორგანიზაცია ან დაწესებულება, განსაკუთრებით კაფე-ბარები და რესტორნები კლიენტებს ეუბნებიან, რომ მათთან დაშვებულია ელექტროსიგარეტის და გასახურებელი თამბაქოს მოწევა, რაც სიმართლე არაა. დახურულ საზოგადოებრივ შენობებში აკრძალულია თამბაქოს ნებისმიერი ნაწარმის მოწევა, აღნიშნავენ ალიანსში.თამბაქოს სტანდარტული შეფუთვა: ჯანმო მოუწოდებს საქართველოს, არ გადადოს კანონის ამოქმედება>>„რეგულაციის დარღვევის გამო ჯარიმდება როგორც ფიზიკური პირი, ისე ორგანიზაცია, რომელმაც არ სცადა მოწევის აკრძალვის რეგულაციის დარღვევის აღკვეთა, ან სცადა და მწეველის დაუმორჩილებლობის შემდეგ არ გამოიძახა სამართალდამცველები“, – ნათქვამია განცხადებაში.რეგულაციის დამრღვევი პირველ ჯერზე ჯარიმდება 100 ლარით, განმეორების შემთხვევაში – 200 და მესამე და ყოველ ჯერზე ერთი წლის განმავლობაში – 300 ლარით. ორგანიზაცია, რომელიც თამბაქოს ნებისმიერი სახის ნაწარმის მოწევის აკრძალვის რეგულაციის დარღვევას არ აღკვეთს, ჯარიმდება პირველ ჯერზე 500 ლარით, განმეორების შემთხვევაში – 1.000 ლარით და მესამე და ყოველ მომდევნო ჯერზე ერთი წლის განმავლობაში – 2.000 ლარით.პარლამენტმა თამბაქოს საწინააღმდეგო წესების ამოქმედება 2024 წლამდე გადაავადა>>გარდა ამისა, ალიანსი სინანულით აღნიშნავს, რომ მოწევის წესები 2022 წლის დეკემბერში დაირღვა ქვეყნის სამედიცინო დაწესებულებებში.„თამბაქოს მოხმარების კონტროლის შესახებ“ კანონი ძალაში 2017 წლის მაისში შევიდა და ის წლიდან წლამდე მკაცრდება.ეწვიეთ „Sputnik საქართველოს“ Telegram-არხს
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საზოგადოება, საქართველო, ახალი ამბები
საზოგადოება, საქართველო, ახალი ამბები
დახურულ საზოგადოებრივ ადგილებში პრაქტიკულად აღარ ეწევიან
12:44 25.01.2023 (განახლებულია: 17:37 25.01.2023) საქართველოში თამბაქოს მოხმარების საწინააღმდეგო კანონი 2017 წლიდან ამოქმედდა.
თბილისი, 25 იანვარი – Sputnik. თამბაქოს კონტროლის ალიანსი 2022 წლის დეკემბრის მონიტორინგის მონაცემებს აქვეყნებს, რომელმაც აჩვენა, რომ საქართველოში დახურულ საზოგადოებრივ ადგილებში პრაქტიკულად არავინ აღარ ეწევა.
მონიტორინგის შედეგებით, მოწევის წესების დარღვევა ძირითადად უკავშირდება თამბაქოს ახალი ნაწარმის – ელექტრონული სიგარეტის, გასახურებელი თამბაქოს და ჩილიმის უკანონოდ გამოყენების შემთხვევებს, რაც მასობრივი ხასიათის არ არის, თუმცა შესამჩნევია, აღნიშნავენ ალიანსში.
„ვფიქრობთ, ამ ტიპის დარღვევებს საზოგადოებაში არასაკმარისი ინფორმაცია განაპირობებს. ხალხს სისტემატურად არ მიეწოდება ინფორმაცია თამბაქოს კონტროლის კანონის, მოწევის აკრძალვის რეგულაციების შესახებ“, – ნათქვამია არასამთავრობო ორგანიზაციის განცხადებაში.
ორგანიზაციაში მიიჩნევენ, რომ 2023 წელს ჯანდაცვის სამინისტრო მძლავრ საინფორმაციო-საკომუნიკაციო კამპანიას აამუშავებს. ალიანსში აცხადებენ, რომ რაც უფრო კარგად იქნებიან ინფორმირებული მოქალაქეები, მით უფრო დაიცავენ კანონს.
იმ დროს, როდესაც სახელმწიფო საზოგადოებას არ აწვდის საჭირო ინფორმაციას, თამბაქოს ინდუსტრია სხვადასხვა მეთოდით ცდილობს ადამიანების დარწმუნებას, თითქოს ელექტროსიგარეტი ნაკლებად მავნეა როგორც მწეველის, ისე ირგვლივ მყოფებისთვის, რაც სინამდვილეს არ შეესაბამება, აღნიშნავენ ორგანიზაციაში.
ზოგიერთი ორგანიზაცია ან დაწესებულება, განსაკუთრებით კაფე-ბარები და რესტორნები კლიენტებს ეუბნებიან, რომ მათთან დაშვებულია ელექტროსიგარეტის და გასახურებელი თამბაქოს მოწევა, რაც სიმართლე არაა. დახურულ საზოგადოებრივ შენობებში აკრძალულია თამბაქოს ნებისმიერი ნაწარმის მოწევა, აღნიშნავენ ალიანსში.
„რეგულაციის დარღვევის გამო ჯარიმდება როგორც ფიზიკური პირი, ისე ორგანიზაცია, რომელმაც არ სცადა მოწევის აკრძალვის რეგულაციის დარღვევის აღკვეთა, ან სცადა და მწეველის დაუმორჩილებლობის შემდეგ არ გამოიძახა სამართალდამცველები“, – ნათქვამია განცხადებაში.
რეგულაციის დამრღვევი პირველ ჯერზე ჯარიმდება 100 ლარით, განმეორების შემთხვევაში – 200 და მესამე და ყოველ ჯერზე ერთი წლის განმავლობაში – 300 ლარით. ორგანიზაცია, რომელიც თამბაქოს ნებისმიერი სახის ნაწარმის მოწევის აკრძალვის რეგულაციის დარღვევას არ აღკვეთს, ჯარიმდება პირველ ჯერზე 500 ლარით, განმეორების შემთხვევაში – 1.000 ლარით და მესამე და ყოველ მომდევნო ჯერზე ერთი წლის განმავლობაში – 2.000 ლარით.
გარდა ამისა, ალიანსი სინანულით აღნიშნავს, რომ მოწევის წესები 2022 წლის დეკემბერში დაირღვა ქვეყნის სამედიცინო დაწესებულებებში.
„თამბაქოს მოხმარების კონტროლის შესახებ“ კანონი ძალაში 2017 წლის მაისში შევიდა და ის წლიდან წლამდე მკაცრდება.
