https://sputnik-georgia.com/20221222/saqartvelo-da-saudis-arabeti-davitasvili-ekonomikuri-tanamsromloba-273315278.html
საქართველო და საუდის არაბეთი კავშირის გასაღრმავებლად ერთობლივ სამუშაო ჯგუფებს შექმნიან
საქართველო და საუდის არაბეთი კავშირის გასაღრმავებლად ერთობლივ სამუშაო ჯგუფებს შექმნიან
Sputnik საქართველო
მხარეები განიხილავენ თანამშრომლობას ისეთ სფეროებში, როგორიცაა ვაჭრობა, ტურიზმი, სამოქალაქო ავიაცია, საზღვაო ტრანსპორტი, ენერგეტიკა, უძრავი ქონება... 22.12.2022-ს, Sputnik საქართველო
2022-12-22T15:57+0400
2022-12-22T15:57+0400
2022-12-22T19:48+0400
საქართველო
ახალი ამბები
ეკონომიკა
საქართველოს ეკონომიკა
საუდის არაბეთი
პოლიტიკა
https://cdnn1.img.sputnik-georgia.com/img/07e6/0c/16/273299767_100:314:1147:903_1920x0_80_0_0_7dc87d98fd5d29324e68447a1837b7b0.jpg
თბილისი, 22 დეკემბერი — Sputnik. საქართველოსა და საუდის არაბეთის პრემიერ-მინისტრებმა სხვადასხვა დარგობრივი მიმართულებით ერთობლივი სამუშაო ჯგუფების შექმნა გადაწყვიტეს, რომლებიც წელიწადში ორჯერ უშუალოდ პრემიერს ჩააბარებენ ანგარიშს პრაქტიკული შედეგების მისაღებად.ამის შესახებ ჟურნალისტებს ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა განუცხადა. დავითაშვილი ერ-რიადში იმყოფება ქართული დელეგაციის შემადგენლობაში, რომელსაც პრემიერ-მინისტრი ირაკლი ღარიბაშვილი ხელმძღვანელობს.საქართველოს პრემიერის საუდის არაბეთში ოფიციალური ვიზიტის ფარგლებში დავითაშვილი ამ ქვეყნის ეკონომიკისა და დაგეგმვის მინისტრს ფაისალ ალ იბრაჰიმს შეხვდა.მხარეებმა ყურადღება გაამახვილეს თანამშრომლობის გაღრმავებაზე ისეთ სფეროებში, როგორიცაა ორმხრივი ვაჭრობა, ტურიზმი, სამოქალაქო ავიაცია, საზღვაო ტრანსპორტი, ენერგეტიკა, უძრავი ქონება, სამთო-მომპოვებელი მრეწველობა და სხვ.შეხვედრაზე აღინიშნა, რომ, მიუხედავად ბოლო დროს ორმხრივი ეკონომიკური კავშირების განვითარების ტენდენციისა, არის დიდი პოტენციალი, რომელსაც ორივე ქვეყნისთვის ეკონომიკური სარგებლის მოტანა შეუძლია.შეხვედრაზე ქართულმა მხარემ ერთობლივი ეკონომიკური კომისიის შექმნის საკითხი დააყენა, რაც ხელს შეუწყობს ორმხრივი სავაჭრო-ეკონომიკური კავშირების გაღრმავებას.ტრანზიტი, ტურიზმი, ინვესტიციები: რა საკითხები განიხილა ღარიბაშვილმა საუდის არაბეთში>>ასევე განიხილეს თანამშრომლობა მრავალმხრივ რეგიონულ ფორმატში. მათ შორის აღინიშნა კონსულტაციების დაწყების მნიშვნელობა არაბული სახელმწიფოების თანამშრომლობის საბჭოსთან თავისუფალი ვაჭრობის შესახებ შეთანხმებაზე.მხარეებმა ასევე განიხილეს თანამშრომლობა ენერგეტიკის სფეროში. დავითაშვილმა კოლეგას წარუდგინა განახლებადი ენერგიის წყაროების გამოყენების წახალისების სამთავრობო სქემა, რომელიც მიმართულია ინვესტიციების მოზიდვაზე სამშენებლო სფეროში და ახალი გენერირებადი სიმძლავრეების ექსპლუატაციაში შესვლაზე.მისი თქმით, საქართველოს განახლებადი ენერგიის წყაროების მნიშვნელოვანი პოტენციალი აქვს, რომელთა გამოყენება მთავრობის ერთ-ერთი პრიორიტეტია.მან ასევე ყურადღება მიაქცია შავი ზღვის ენერგოკაბელის მეგაპროექტს, რომელიც ევროკავშირისა და სამხრეთ კავკასიის ენერგეტიკულ ინფრასტრუქტურას დააკავშირებს.მინისტრი: ზღვის ფსკერზე მაღალი ძაბვის ელექტროკაბელი საქართველოს ევროკავშირთან დააახლოებს>>შეხვედრაზე დადებითი შეფასება მისცეს თანამშრომლობას ტურიზმის სფეროში, რაც სტატისტიკური მონაცემებითაც დასტურდება. 2022 წლის 11 თვეში საუდის არაბეთიდან საქართველოს დაახლოებით 117,2 ათასი სტუმარი ეწვია, რაც 2021 წლის ანალოგიური პერიოდის მაჩვენებელზე ორჯერ მეტია.შეხვედრაზე ყურადღება დაეთმო ასევე საქართველოსა და საუდის არაბეთის ქალაქებს შორის ავიამიმოსვლის გაზრდას, რაც, თავის მხრივ, ხელს უწყობს თანამშრომლობას ეკონომიკის სხვადასხვა სფეროში.დიპლომატიური ურთიერთობები საქართველოსა და საუდის არაბეთის სამეფოს შორის 1994 წლის 27 მაისს დამყარდა. 2014 წელს ერ-რიადში საქართველოს საელჩო გაიხსნა.ეწვიეთ „Sputnik საქართველოს“ Telegram-არხს
საქართველო
საუდის არაბეთი
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საქართველო, ახალი ამბები, ეკონომიკა, საქართველოს ეკონომიკა, საუდის არაბეთი , პოლიტიკა
საქართველო, ახალი ამბები, ეკონომიკა, საქართველოს ეკონომიკა, საუდის არაბეთი , პოლიტიკა
საქართველო და საუდის არაბეთი კავშირის გასაღრმავებლად ერთობლივ სამუშაო ჯგუფებს შექმნიან
15:57 22.12.2022 (განახლებულია: 19:48 22.12.2022) მხარეები განიხილავენ თანამშრომლობას ისეთ სფეროებში, როგორიცაა ვაჭრობა, ტურიზმი, სამოქალაქო ავიაცია, საზღვაო ტრანსპორტი, ენერგეტიკა, უძრავი ქონება, სამთო-მომპოვებელი მრეწველობა და სხვ.
თბილისი, 22 დეკემბერი — Sputnik. საქართველოსა და საუდის არაბეთის პრემიერ-მინისტრებმა სხვადასხვა დარგობრივი მიმართულებით ერთობლივი სამუშაო ჯგუფების შექმნა გადაწყვიტეს, რომლებიც წელიწადში ორჯერ უშუალოდ პრემიერს ჩააბარებენ ანგარიშს პრაქტიკული შედეგების მისაღებად.
ამის შესახებ ჟურნალისტებს ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა განუცხადა. დავითაშვილი ერ-რიადში იმყოფება ქართული დელეგაციის შემადგენლობაში, რომელსაც პრემიერ-მინისტრი ირაკლი ღარიბაშვილი ხელმძღვანელობს.
„ეს არის ყველაზე დიდი ეკონომიკა და მას გააჩნია საკმაოდ დიდი ინტერესი და შესაძლებლობა, რომ საქართველოს ეკონომიკაში მნიშვნელოვანი წვლილი შეიტანოს პირდაპირი უცხოური ინვესტიციების განხორციელების თვალსაზრისით. ვისაუბრეთ სხვადასხვა სექტორულ მიმართულებებზე, ისეთი, როგორიც არის ენერგეტიკა, ვაჭრობა, და ამ მიმართულებითაც ორ ქვეყანას შორის თანამშრომლობის ძალიან დიდი პოტენციალი არსებობს“, – განუცხადა ჟურნალისტებს დავითაშვილმა.
საქართველოს პრემიერის საუდის არაბეთში ოფიციალური ვიზიტის ფარგლებში დავითაშვილი ამ ქვეყნის ეკონომიკისა და დაგეგმვის მინისტრს ფაისალ ალ იბრაჰიმს შეხვდა.
მხარეებმა ყურადღება გაამახვილეს თანამშრომლობის გაღრმავებაზე ისეთ სფეროებში, როგორიცაა ორმხრივი ვაჭრობა, ტურიზმი, სამოქალაქო ავიაცია, საზღვაო ტრანსპორტი, ენერგეტიკა, უძრავი ქონება, სამთო-მომპოვებელი მრეწველობა და სხვ.
შეხვედრაზე აღინიშნა, რომ, მიუხედავად ბოლო დროს ორმხრივი ეკონომიკური კავშირების განვითარების ტენდენციისა, არის დიდი პოტენციალი, რომელსაც ორივე ქვეყნისთვის ეკონომიკური სარგებლის მოტანა შეუძლია.
შეხვედრაზე ქართულმა მხარემ ერთობლივი ეკონომიკური კომისიის შექმნის საკითხი დააყენა, რაც ხელს შეუწყობს ორმხრივი სავაჭრო-ეკონომიკური კავშირების გაღრმავებას.
ასევე განიხილეს თანამშრომლობა მრავალმხრივ რეგიონულ ფორმატში. მათ შორის აღინიშნა კონსულტაციების დაწყების მნიშვნელობა არაბული სახელმწიფოების თანამშრომლობის საბჭოსთან თავისუფალი ვაჭრობის შესახებ შეთანხმებაზე.
მხარეებმა ასევე განიხილეს თანამშრომლობა ენერგეტიკის სფეროში. დავითაშვილმა კოლეგას წარუდგინა განახლებადი ენერგიის წყაროების გამოყენების წახალისების სამთავრობო სქემა, რომელიც მიმართულია ინვესტიციების მოზიდვაზე სამშენებლო სფეროში და ახალი გენერირებადი სიმძლავრეების ექსპლუატაციაში შესვლაზე.
მისი თქმით, საქართველოს განახლებადი ენერგიის წყაროების მნიშვნელოვანი პოტენციალი აქვს, რომელთა გამოყენება მთავრობის ერთ-ერთი პრიორიტეტია.
მან ასევე ყურადღება მიაქცია შავი ზღვის ენერგოკაბელის მეგაპროექტს, რომელიც ევროკავშირისა და სამხრეთ კავკასიის ენერგეტიკულ ინფრასტრუქტურას დააკავშირებს.
შეხვედრაზე დადებითი შეფასება მისცეს თანამშრომლობას ტურიზმის სფეროში, რაც სტატისტიკური მონაცემებითაც დასტურდება. 2022 წლის 11 თვეში საუდის არაბეთიდან საქართველოს დაახლოებით 117,2 ათასი სტუმარი ეწვია, რაც 2021 წლის ანალოგიური პერიოდის მაჩვენებელზე ორჯერ მეტია.
შეხვედრაზე ყურადღება დაეთმო ასევე საქართველოსა და საუდის არაბეთის ქალაქებს შორის ავიამიმოსვლის გაზრდას, რაც, თავის მხრივ, ხელს უწყობს თანამშრომლობას ეკონომიკის სხვადასხვა სფეროში.
დიპლომატიური ურთიერთობები საქართველოსა და საუდის არაბეთის სამეფოს შორის 1994 წლის 27 მაისს დამყარდა. 2014 წელს ერ-რიადში საქართველოს საელჩო გაიხსნა.
