https://sputnik-georgia.com/20221010/cru-siketis-wvrilmanebis-da-sxva-cxovrebiseuli-kanonebi-271199312.html

ცრუ სიკეთის, წვრილმანების, მეორე ნახევრისა და სხვა ცხოვრებისეული კანონები

ცრუ სიკეთის, წვრილმანების, მეორე ნახევრისა და სხვა ცხოვრებისეული კანონები

Sputnik საქართველო

მათ ისე უჭირავთ თავი, თითქოს არ შეიძლება არ მოგეწონოთ. თუ სიტყვით გამოსვლაა საჭირო, მათი იერი გაჩვენებთ: მზად ვარ ტაში დაუკრათ, და ადამიანებიც უკრავენ ტაშს... 10.10.2022-ს, Sputnik საქართველო

2022-10-10T16:12+0400

2022-10-10T16:12+0400

2022-10-10T22:03+0400

სასარგებლო რჩევები

წასაკითხი ამბები

https://cdnn1.img.sputnik-georgia.com/img/24622/43/246224399_0:367:1921:1447_1920x0_80_0_0_ca87faec5b062bbe49a34d0a2efade3a.jpg

ცხოვრებისეული კანონზომიერებები, რომლებიც დაგეხმარებათ, უფრო გონივრული გახდეთ.• განულების კანონიტვინს განულება სჭირდება. სამსახურიდან როცა შინ ბრუნდებით და კიდევ უამრავი საქმე გელოდებათ, მაგრამ ადგომა და დაწყება გიჭირთ, ნუ გაკიცხავთ თავს! ტვინს არ შეუძლია უწყვეტად შეასრულოს თქვენი ბრძანებები, მასაც სჭირდება დასვენება, ამ დროს მისთვის აუცილებელია, რომ არანაირი ინფორმაცია არ მიიღოს; ის ამ დროს „იწმინდება". ამას ეწოდება განულება.• ცრუ სიკეთის კანონიროცა სხვის პრობლემებს ვაგვარებთ, მხოლოდ გვგონია, რომ ვეხმარებით. პირიქით, ჩვენ ამ პრობლემას ვაღრმავებთ. მაგალითად, როდესაც ალკოჰოლიკს ვაიძულებთ იმკურნალოს, მხოლოდ ვახანგრძლივებთ მის აგონიას და ვხარჯავთ ჩვენ საკუთარ დროს. ის ისევ დალევს, ჩვენ კი მას გავლანძღავთ და უმადურს ვუწოდებთ იმის ნაცვლად, რომ დავფიქრდეთ, ღირს კი სხვის მაგივრად გადაწყვეტილებების მიღება? თავისი პრობლემა ყველამ თვითონ უნდა გადაწყვიტოს.• წვრილმანების კანონიადამიანი როგორც ამჟღავნებს თავს წვრილმანებში, ასეთია კიდეც! ის, შესაძლოა, მეფურად ხელგაშლილი იყოს, მაგრამ წელიწადში ერთხელ, ხოლო ადამიანის ბუნება ყოველდღიურ წვრილმანებში მჟღავნდება, ეს ბევრად უფრო კარგად მეტყველებს ადამიანის ბუნებაზე.• ჩანასახის კანონიარსებობს მოვლენების ჩანასახი. მართალია, ეს ჩანასახები ცოცხალი არსებები არ არიან, მაგრამ მათ გამრავლების უნარი აქვთ. გასარეცხად დატოვებული ერთი ჭიქა ჭუჭყიანი თეფშების გორას გამოიწვევს. ამიტომ ყველა უარყოფითი მოვლენა ჩანასახშივე უნდა ამოიცნოთ და გაანადგუროთ.• ჯობს დააკლო, ვიდრე გადააჭარბოეს აბსოლუტურად ყველაფერს ეხება. მაგალითად, საუბარი მანამდე დაასრულეთ, სანამ ადამიანები თქვენი სიტყვით დაიღლებიან. პაემანზე თუ წახვალთ, ცოტა ადრე წამოდით, ვიდრე ამას თქვენი პარტნიორი მოინდომებს. სტუმრად როცა მიხვალთ, მანამდე წამოდით, სანამ მასპინძელს მარტოობა მოენატრება.იჩხუბეთ, მაგრამ... ანუ როგორ ავირიდოთ თავიდან სერიოზული კონფლიქტი ოჯახში>>• ძალა ერთობაშია, ანუ უღლის კანონიუღელში შებმულ ორ ცხენს ადგილიდან 15 ტონის გაწევა შეუძლია, ერთს — მხოლოდ სამის. საქმეში თქვენთან ერთად სხვაც ჩართეთ, ანუ „ძალა ერთობაშია".• ჯადოსნური სიტყვის ძალაჯადოსნური სიტყვაა „არა" და არა „კი, ბატონო". თუ უარის თქმას ისწავლით, მრავალ პრობლემას აირიდებთ თავიდან. მაგალითად, ნუ გაატარებთ დროს ადამიანებთან უბრალო თავაზიანობის გამო, როცა ეს არ გინდათ. ნუ გასცემთ ვალს, როცა ამის გაკეთება არ გინდათ. ეს ჯობს, ვიდრე იდარდოთ, დაგიბრუნებენ თუ არა ვალს. ხომ გაგიგიათ, „თუ გინდა მეგობარი დაკარგო, მას ფული უნდა ასესხო". საინტერესო ფენომენია, რომ როდესაც ადამიანი არგუმენტირებულად ამბობს უარს, მისი თვითშეფასება მაღლდება. ადამიანებს უარის თქმისა ეშინიათ და, იცით, რატომ? ეშინიათ, რომ აღარ მოეწონებათ სხვა ადამიანებს. მაგრამ ყველას მაინც ვერ მოეწონები.• სიცრუე იდეალური პირობების შესახებიდეალური პირობები არასდროს იქნება. რა თქმა უნდა, სისულელეა იმის მტკიცება, რომ იშვიათად ხელსაყრელი ვითარებებიც გვხვდება, მაგრამ კიდევ უფრო იშვიათია, რომ ვინმეს ეყოს მისი გამოყენების სიბრძნე და გონივრულობა.• წინადადების კანონიწინადადებას უბრალოდ არ გვთავაზობენ. მაგალითად, გყავთ ძველი მოდელის ავტომობილი და ახლის შეძენა გინდათ, მაგრამ თუ ძველს არ გაყიდით და თანხას არ დაუმატებთ, ისე ვერ იყიდით. ამისთვის განათავსეთ განცხადება, რომ იყიდება ავტომობილი. მაგრამ არავინ რეკავს. გადის დრო და, როგორც იქნა, მოდის წინადადება, რომ ავტომობილში გადაგიხდიან, პირობითად, 1000 ლარს. თქვენ აღშფოთებული რჩებით — არავითარ შემთხვევაში. დაინტერესებული პირი რამდენიმე დღეში კიდევ გირეკავთ და გეუბნებათ, რომ მზადაა 1000 ლარი გადაიხადოს ამ ავტომობილში, თქვენ კვლავ უარს ეუბნებით… ერთ დღეს კი შეიძლება აღმოაჩინოთ, რომ თქვენი ავტომობილი აღარ დგას თავის ადგილზე, ან მისი მხოლოდ რაღაც დეტალებია დარჩენილი — უბრალოდ, მოიპარეს ან ადგილზევე დაშალეს ნაწილებად და ისე მოიპარეს… ხანდახან ბედი ჩვენზე ასეთი წინადადებებით ზრუნავს.ბედნიერებას არ ეძებენ, მას თავადვე ქმნიან>>• ერთხელ აწყობილის კანონიერთხელ აწყობილი საქმე შესანიშნავად მუშაობს.• კომპენსაციის კანონიყველაფერი ერთდროულად არ გვეძლევა. შეგიძლიათ წარმოიდგინოთ: ცოლი — ულამაზესი, მოვლილი, სახლში საჭმელი თავისი დესერტებით მუდამ არის, ბავშვები ყურადღების ქვეშ არიან მუდმივად, ქმარი ყოველთვის კმაყოფილია ინტიმური ურთიერთობებით — ის ხომ საოცრებებს ახდენს, სტუმრები არასდროს იწყენენ — ცოლი მშვენივრად უკრავს როიალზე და მღერის, არის პოეტი, წარმატებული ბიზნეს-ლედი, ამასთან შესაშური ჯანმრთელობა აქვს… ყველაფერი ერთდროულად არასდროს არის. ადამიანმა თუ ერთ სფეროში მიაღწია არსებით წარმატებას, მეორე სფეროში მას აუცილებლად რაღაც დააკლდება… მაგრამ ადამიანი ფასობს არა მხოლოდ ნაკლოვანებების არარსებობით, არამედ ღირსებებით.• ჯვრის კანონისატარებლად ყველას მისი ზურგის შესაბამისი ჯვარი ეძლევა.• პოლარული რეაქციის კანონინიჭიერი ადამიანები ყოველთვის იწვევენ პოლარულ რეაქციებს: ან აღფრთოვანებას, ან სიძულვილს. მათი გულგრილად აღქმა შეუძლებელია. მათი იგნორირება შეუძლებელია. მათი დავიწყება შეუძლებელია. ისინი ახსოვთ, უყვართ, სძულთ, მათზე ფიქრობენ, მათი შურთ. ამიტომ, თუ ნიჭიერი ხართ, საყოველთაო მოწონებას ვერ მოიპოვებთ. მტრები უკვე იმიტომ გეყოლებათ, რომ მათ ყველა ნიჭი არ დაჰყვათ.• „შენი ადამიანი არ არის"თუ ადამიანი შენი არ არის, ის მაინც მიგატოვებს.• საერთო მეხსიერების კანონიადამიანებს ყველაზე მეტად მოვლენებზე საერთო მოგონებები აკავშირებთ. საერთო მეხსიერებაზე ყალიბდება ურთიერთმიჩვევა. თუ გინდათ, ადამიანთან კეთილი დამოკიდებულება გქონდეთ, კეთილ მოგონებებზე მეხსიერებაში უნდა მოხვდეთ.როგორ ვაქციოთ პრობლემები ბედნიერებად>>• ახლოს მყოფთან აზრობრივი მიჩვევაჩვენთან ახლოს მყოფი ადამიანი მასზე ფიქრს გვაიძულებს, თუნდაც ის სულ არ იყოს ჩვენთვის საინტერესო. ამაშია უვარგისი, უსარგებლო ადამიანების სიახლოვის საფრთხე.• დანაკარგის გარდაუვალობის კანონირასაც ადამიანი აკეთებს, ყველაფერში შეცდომებს უშვებს, ამიტომ დანაკარგი გარდაუვალია! ამიტომ ძალიან არ უნდა გაბრაზდეთ. ჩვენ იდეალური არ ვართ და ამიტომ იდეალური არც ჩვენი საქციელია. გარდაუვალ დანაკარგებს უნდა შევეგუოთ.• მეორე ნახევრის კანონიმსოფლიოში ნებისმიერი სურათი, საქმე, სიმბოლურად შეიძლება ორად გაიყოს, რომლებიც ერთმანეთს ავსებენ. ნახევრებს შეიძლება ვუწოდოთ საწყისი და დამაბოლოებელი. ტონის მიცემა საწყისი ნახევრისთვის კიდევ შესაძლებელია, მაგრამ მას თუ ხორცი შეესხა, დამაბოლოებელი ნახევარი თითქოს თავისთავად იწყებს საბოლოო სახის მიღებას. ამაშია სიტუაციების მართვის არსი. თქვენ შეგიძლიათ საწყისი ნახევრისთვის გზის მიცემა, რომ სასურველი დამაბოლოებელი ნახევარი მიიღოთ. მაგალითად, არიან ადამიანები, რომლებიც ირგვლივ მყოფებში აღფრთოვანებას იწვევენ. მათ ისე უჭირავთ თავი, თითქოს არ შეიძლება არ მოგეწონოთ. თუ სიტყვით გამოსვლაა საჭირო, მათი იერი გაჩვენებთ: მზად ვარ ტაში დაუკრათ, და ადამიანები უკრავენ ტაშს, ანუ მეორე ნახევარს საბოლოო სახეს აძლევენ. ისინი ისე იყურებიან, თითქოს „გაღმერთების" რეაქციას ელოდებიან და ადამიანებიც იწყებენ ჯერ დაინტერესებას, შემდეგ — შეყვარებას. მიეცით სწორი მიმართულება საწყის ნახევარს და წარმატება გარანტირებულია.• სწორი საქციელის კანონითუ ადამიანი სწორად იქცევა, მისი საქმეები დღითი დღე უკეთესად მიდის.მასალა მომზადებულია ნატალია გრეისის მოსაზრებებზე დაყრდნობით

https://sputnik-georgia.com/20220421/dakarguli-asaki-ararsebuli-dro-266141952.html

https://sputnik-georgia.com/20170818/samyaros-cxovrebis-Zireuli-kanonebi-237006682.html

https://sputnik-georgia.com/20220424/bednierebis-svidi-cikli-266205954.html

https://sputnik-georgia.com/20180320/bednierebis-10-cneba-239729982.html

2022

ახალი ამბები

ka_KA

სასარგებლო რჩევები , წასაკითხი ამბები